ٹنڈوجام ،شدید سردی کیساتھ گیس کی غیر اعلانیہ لوڈشیڈنگ
اشاعت کی تاریخ: 27th, January 2026 GMT
data-id="863a0a8" data-element_type="widget" data-widget_type="theme-post-content.default">
ٹنڈوجام (نمائندہ جسارت)ٹنڈوجام اور گرد نواح میں شدید سردی کے ساتھ گیس کی غیر اعلانیہ لوڈ شیڈنگ اور کم پریشر نے شہریوں کی زندگی اجیرن کر دی ۔ تفصیلات کے مطابق ٹنڈوجام شہر اور گردنواح میں شدید سردی نے عوام کو گھروں تک محدود کر کے رکھ دیا ہے بازار شر شام ویران اور ہوٹلوں میں سناٹا سڑکیں ویران دوسری جانب گیس مہنگی بجلی مہنگی ہونے کی وجہ سے عوام ان کے استعمال کے بجائے عوام ٹھنڈے پانی سے وضو اور اسے استعمال کرنے پر مجبور ہیں ۔سماجی رہنما اورکونسلر طاہر اسامہ نے کہا کہ اگر گیس اور بجلی کا استعمال دوسو یونٹ سے زیادہ ہو جائے تو اسے اس کی سزا 6 ماہ جرمانے کی صورت میں بھگتنی ہو گی اس لیے عوام سردی کی وجہ سے بیمار ہو رہی لیکن گیس اور بجلی کی سہولت استعمال کرنے سے مجبورہیں جبکہ لکڑی کی قیمت میں بھی اضافہ کردیا گیا ہے اور اسے پر بھی انتظامیہ کا کوئی کنٹرول نہیں ہے ۔مرکزی مسلم لیگ ٹنڈوجام کے صدر عبدالعزیز چانڈیو نے کہا کہ حکمران اپنی عیاشوں میں لگے ہوئے ہیں پنجاب میں عوام پر ون ڈش کی پابندی لگا کر وزیراعلی اپنے بیٹے کی شادی پر 40 کروڑ سے زائد رقم خرچ کرکے اور بھارت کے ڈیزائنر سے کپڑوں بنوا کر غریب عوام کے زخموں پر نمک چھڑک رہے ہیںاور عوام کو اس سردی کے موسم عوام کو سہولت دینے کے بجائے کہ غریب عوام اس سرد موسم میں اپنی صحت کو سرد موسم سے محفوظ رکھنے کے لیے گیس اور بجلی کا استعمال کر سکیں نہ کر سکیں۔ آئی ایم ایف کے کہنے پر اس کی قیمت اتنی زیادہ کردی گئی ہے کہ عوام اس کے اس استعمال سے مجبور ہے اس مہنگائی کے باوجود سوئی سدرن گیس کمپنی انتظامیہ اور حیسکو کی جانب سے غیر اعلانیہ لوڈ شیڈنگ کی جاری ہے اور گیس کے کم پریشر نے شہریوں کو پریشانیوں مبتلا کردیا ہے۔ انجمن تاجران ٹنڈوجام کے صدر عبدالمنان راجپوت نے کہا کہ سردیوں میں دوسرے ممالک میں بجلی کو سستا کردیا جاتا ہے تاکہ عوام آسانی سے اپنی زندگی گزار سکیں لیکن ہماری حکومت نے بجلی اور گیس کی اور دوسرے ایندھن کی قیمتوں اضافہ کرکے عوام کی زندگی کو مشکل بنا دیا ہے۔ انہوں نے حکومت سے مطالبہ کہ وہ گیس اور بجلی کے ریٹ کم کرے اور دوسو یونٹ کے استعمال والی سزا ختم کرے تاکہ عوام اپنی زندگی سکون کے ساتھ گزار سکیںجبکہ اس سخت سردی کی وجہ سے بچوں کی اسکولز میں حاضری نہ ہونے کے برابر ہے جبکہ اس سردی کی وجہ حکومت سندھ اسکولز کا وقت 9بجے کیا ہے 26جنوری تک جو کہ آج پورا ہو گیا لیکن سردی میں کمی آنے کے بجائے اس میں اضافہ ہو گیا لیکن حکومت نے اس تاریخ میں کوئی اضافہ نہیں کیا جس کی وجہ پھر سے اسکولز اور کالجز کا وقت ساڑھے 8 ہو گیا ہے۔
ذریعہ
ذریعہ: Jasarat News
کلیدی لفظ: گیس اور بجلی سردی کی کی وجہ عوام ا
پڑھیں:
وزیر ریلوے کی اطالوی قومی دن کے موقع پر اٹلی کی حکومت اور عوام کو مبارکباد
اسلام آباد(اُردو پوائنٹ اخبارتازہ ترین - این این آئی۔ 02 جون2026ء) وزیر ریلوے محمد حنیف عباسی نے اطالوی قومی دن کے موقع پر اٹلی کی حکومت اور عوام کو مبارکباد پیش کرتے ہوئے کہا ہے کہ پاکستان اور اٹلی کے درمیان دیرینہ دوستانہ تعلقات باہمی احترام، اعتماد اور تعاون پر مبنی ہیں۔منگل کو اپنے بیان میں انہوں نے کہا کہ اٹلی پاکستان کا ایک اہم یورپی شراکت دار ہے اور دونوں ممالک کے تعلقات وقت کے ساتھ مزید مستحکم ہوئے ہیں۔ وزیر ریلوے نے کہا کہ پاکستان اٹلی کے ساتھ تجارت، سرمایہ کاری، تعلیم اور ثقافتی روابط کے فروغ کو خصوصی اہمیت دیتا ہے۔انہوں نے کہا کہ اطالوی قومی دن دونوں ممالک کے درمیان دوستی اور تعاون کے مزید فروغ کے عزم کی تجدید کا موقع فراہم کرتا ہے۔ انہوں نے اٹلی میں مقیم پاکستانی برادری کے کردار کو سراہتے ہوئے کہا کہ یہ برادری دونوں ممالک کے درمیان تعلقات کو مضبوط بنانے میں اہم کردار ادا کر رہی ہے۔(جاری ہے)
وزیر ریلوے نے کہا کہ پاکستان اٹلی کے ساتھ اقتصادی، تجارتی اور عوامی سطح کے روابط کو مزید وسعت دینے کا خواہاں ہے ،دونوں ممالک کے درمیان مختلف شعبوں میں تعاون کے وسیع امکانات موجود ہیں جو مشترکہ ترقی اور خوشحالی کا ذریعہ بن سکتے ہیں۔انہوں نے کہا کہ پاکستان اور اٹلی کے مضبوط تعلقات باہمی مفادات کے تحفظ اور بین الاقوامی تعاون کے فروغ میں اہم کردار ادا کر رہے ہیں اور یہ دیرینہ دوستی مستقبل میں مزید مضبوط اور نتیجہ خیز شراکت داری میں تبدیل ہوگی۔ انہوں نے اطالوی قومی دن پر پاکستان اور اٹلی کے عوام کے لیے امن، ترقی اور خوشحالی کی نیک تمناں کا اظہار کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ