ابوظبی ویزا نہ ملنے پر انیتا کریم کی ایم ایم اے فائٹ منسوخ، پاکستانی ویمن فائٹر مایوس
اشاعت کی تاریخ: 27th, January 2026 GMT
data-id="863a0a8" data-element_type="widget" data-widget_type="theme-post-content.default">
ابوظبی کا ویزا بروقت نہ ملنے کے باعث پاکستان کی پہلی پروفیشنل ویمنز ایم ایم اے فائٹر انیتا کریم 31 جنوری کو شیڈول اہم مقابلے میں حصہ نہیں لے سکیں گی۔
ویزا تاخیر کے باعث ایونٹ انتظامیہ نے مقررہ ڈیڈ لائن ختم ہونے پر انیتا کریم کی جگہ کسی اور فائٹر کو مقابلے کے لیے مدعو کر لیا۔
انیتا کریم نے صورتحال پر شدید مایوسی کا اظہار کرتے ہوئے کہا کہ انہوں نے اس فائٹ کے لیے کئی ماہ تک سخت محنت کی تھی، مگر ویزا مسائل کی وجہ سے ان کی تمام تیاری ضائع ہو گئی۔ ان کا کہنا تھا کہ ویزا جیسے مسائل کھلاڑی کے کیریئر کو شدید نقصان پہنچاتے ہیں اور ایتھلیٹس کے معاملات کو سنجیدگی سے لینا چاہیے۔
انیتا کریم کے منیجر یاسر مشتاق نے جیو نیوز سے گفتگو میں تصدیق کی کہ ایونٹ انتظامیہ نے ویزا کے حوالے سے ڈیڈ لائن مقرر کی تھی اور ایک ہفتہ تک انتظار بھی کیا گیا، تاہم مقررہ وقت تک ویزا جاری نہ ہونے پر فیصلہ تبدیل کرنا پڑا۔ انہوں نے بتایا کہ انیتا کریم ذہنی طور پر کافی متاثر ہیں۔
یاسر مشتاق کا کہنا تھا کہ انیتا کریم کی اگلی فائٹ اپریل میں شیڈول ہے اور متعلقہ حکام خصوصاً محسن نقوی کو چاہیے کہ ویزا مسائل کے حل میں کردار ادا کریں تاکہ پاکستان کی پہلی خاتون ایم ایم اے فائٹر کا بین الاقوامی کیریئر محفوظ رہ سکے اور مستقبل میں ایسے مسائل دوبارہ پیدا نہ ہوں۔
.
ذریعہ
ذریعہ: Jasarat News
کلیدی لفظ: انیتا کریم
پڑھیں:
پاکستانیوں کیلئے سری لنکا نے ویزا فیس ختم کر دی
اسلام آباد(نیوز ڈیسک)سری لنکا نے پاکستانی شہریوں کیلئے اہم سہولت کا اعلان کرتے ہوئے ویزا فیس مکمل طور پر ختم کرنے کا اعلان کردیا۔
سری لنکا کے قونصل جنرل سنجیوا پٹیوالا نے میڈیا سے گفتگو کرتے ہوئے بتایا کہ سری لنکن حکومت نے پاکستانیوں کیلئے ویزا فیس ختم کر دی، اور آن لائن ویزا درخواستوں پر عموماً 48 گھنٹوں کے اندر فیصلہ کر لیا جاتا ہے۔
انہوں نے بتایا کہ سال 2026 کے دوران تقریباً 30 ہزار پاکستانی سیاحوں کی سری لنکا آمد متوقع ہے، جبکہ گزشتہ برس یہ تعداد 20 ہزار کے قریب تھی۔
ان کا کہنا تھا کہ ویزا فیس کے خاتمے کے بعد نہ صرف سیاحتی سرگرمیوں میں اضافہ ہوا ہے بلکہ پاکستانی جوڑے بھی اپنی شادی کی تقریبات کیلئے سری لنکا کا رخ کر رہے ہیں، جس سے دونوں ممالک کے درمیان عوامی روابط مزید مضبوط ہو رہے ہیں
قونصل جنرل نے تعلیمی تعاون پر روشنی ڈالتے ہوئے کہا کہ پاکستان نے 100 سری لنکن طلبہ کو علامہ اقبال اوپن یونیورسٹی میں اسکالرشپس فراہم کی ہیں، جو دونوں ممالک کے درمیان تعلیمی تعلقات کے فروغ کی ایک اہم مثال ہے۔
انہوں نے مزید کہا کہ اگرچہ پاکستان اور سری لنکا کے درمیان 2005 میں آزاد تجارتی معاہدہ (فری ٹریڈ ایگریمنٹ) طے پایا تھا، تاہم اب بھی بعض تجارتی رکاوٹیں موجود ہیں جنہیں دور کرنے کی ضرورت ہے تاکہ دوطرفہ تجارت کے حجم میں مزید اضافہ کیا جا سکے۔
سنجیوا پٹیوالا کا کہنا تھا کہ پاکستان اور سری لنکا کے درمیان دفاعی تعلقات بھی انتہائی اہمیت کے حامل ہیں اور دونوں ممالک مختلف شعبوں میں تعاون کو مزید وسعت دینے کے خواہاں ہیں۔ معاشی ماہرین کا کہنا ہے کہ ویزا فیس کے خاتمے سے سیاحت، تجارت اور ثقافتی روابط کو نئی تقویت ملنے کا امکان ہے، جس سے دونوں دوست ممالک کے تعلقات مزید مستحکم ہوں گے۔
مزید پڑھیں۔’حکومت مان گئی‘ پٹرول ڈیلرز نے 15 روز کے لیے ملک گیر ہڑتال کی کال واپس لے لی
بھارت سے جنگ اور افغانستان میں کارروائی خارج ازامکان نہیں، وزیردفاع