اسلام آباد میں ناکہ بندی، قائمہ کمیٹی اراکین پھٹ پڑے
اشاعت کی تاریخ: 27th, January 2026 GMT
—فائل فوٹو
قومی اسمبلی کی قائمہ کمیٹی برائے داخلہ کا اجلاس چیئرمین کمیٹی راجہ خرم نواز کی زیرِ صدارت منعقد ہوا جس میں وفاقی دارالحکومت اسلام آباد میں جگہ جگہ ناکہ بندی کے خلاف کمیٹی اراکین پھٹ پڑے۔
اجلاس میں ڈی آئی جی ٹریفک محمد ہارون اور سی ٹی او ٹریفک پولیس حمزہ ہمایوں نے کمیٹی کو بریفنگ دی جبکہ چیئرمین کمیٹی راجہ خرم نواز نے ٹریفک حکام کی سرزنش کی۔
ڈی آئی جی ٹریفک نے کمیٹی کو بتایا کہ روزانہ 3 سے 4 لاکھ گاڑیاں اسلام آباد میں داخل ہوتی ہیں، کچہری چوک بند ہے، ترقیاتی کاموں کی وجہ سے ٹریفک جام بڑھ گیا، ایکسپریس ہائی وے پر ٹریفک کا دباؤ بڑھ گیا ہے۔
چیئرمین کمیٹی راجہ خرم نوازنے سوال کیا کہ ہم نے آئی جی اسلام آباد کو یہاں طلب کیا تھا وہ کیوں نہیں آئے؟ آپ نے ہر جگہ ناکے کیوں لگائے ہیں؟ ٹریفک جام ہے، ہر جگہ لوگوں کو عذاب میں ڈالا ہوا ہے، میں خود ایک جگہ افتتاح کے لیے گیا تھا، واپسی پر 2 گھنٹے ذلیل ہوا ہوں، 1960ء سے اسلام آباد میں ہیں، پہلے کبھی ہر جگہ ناکے نظر نہیں آئے۔
ڈی آئی جی ٹریفک نے جواب دیا کہ ہم مختلف مقامات پر ڈیجیٹل سیٹ اپ انسٹال کر رہے ہیں، جس کے باعث گاڑیوں کو روکنا نہیں پڑے گا، کچھ عرصے میں چیزیں بہتر ہو جائیں گی۔
یہ بھی پڑھیے شہر میں بدترین ٹریفک جام، لوگ اذیت میں مبتلا، اسلام آباد کے کئی مقامات پر بھی روانی متاثرڈی آئی جی ٹریفک نے کہا کہ پچھلے ایک سے ڈیڑھ سال سے لوگ اسلام آباد میں ذہنی مریض بن گئے ہیں، یہاں 17 لاکھ گاڑیاں رجسٹرڈ ہیں، اگلے 2 سے 3 ماہ میں ٹریفک کے حوالے سے چیزیں بہتر ہو جائیں گی۔
چیئرمین کمیٹی راجہ خرم نواز نے سوال اٹھایا کہ جب آپ نے داخلی راستوں پر کیمرے لگائے ہیں تو پولیس اہلکار لوگوں کی شکلوں پر کیوں ٹارچ مارتے ہیں؟ آپ کے پولیس اہلکاروں کو تمیز نہیں ہے؟ فیملی کے ساتھ آ رہا تھا، پولیس اہلکار نے اتنی تیز لائٹ میرے منہ پر ماری، آپ نے میری شکل سے کیا نکالنا ہے؟ نمبر پلیٹ پر لائٹ ماریں۔
ٹریفک جام کے خلاف ایڈیشنل سیکریٹری داخلہ نے بھی شدید برہم ہوتے ہوئے کہا کہ جگہ جگہ ناکے ہیں۔
ڈی آئی جی ٹریفک نے کہا کہ سر آپ تو ہمارے ساتھ ہیں۔
ایڈیشنل سیکریٹری داخلہ نے کہا کہ ایڈیشنل سیکریٹری سے پہلے ایک شہری ہوں، شاہراہِ دستور پر ناکے کا کیا کام ہے؟ گاڑیوں کو روک کر پولیس والا پوچھ گچھ کر رہا ہوتا ہے، پیچھے 100 گاڑی لگ جاتی ہے۔
چیئرمین کمیٹی راجہ خرم نوازنے کہا کہ اصل میں وہ پولیس والا مک مکا کر رہا ہوتا ہے۔
.
ذریعہ
ذریعہ: Jang News
کلیدی لفظ: چیئرمین کمیٹی راجہ خرم ڈی ا ئی جی ٹریفک نے اسلام ا باد میں ٹریفک جام نے کہا کہ
پڑھیں:
اسلام آباد میں گلاسگو 2026 دولتِ مشترکہ کھیلوں کی افتتاحی تقریب
برطانوی ہائی کمیشن نے گلاسگو 2026 دولتِ مشترکہ کھیلوں کے آغاز کی مناسبت سے اسلام آباد میں ایک خصوصی استقبالیہ تقریب کا انعقاد کیا، جس میں کھیل، حکومت، سول سوسائٹی، میڈیا اور دولتِ مشترکہ کے سابق اسکالرز سمیت مختلف شعبہ ہائے زندگی سے تعلق رکھنے والی شخصیات نے شرکت کی۔
گلاسگو میں 23 جولائی سے 2 اگست 2026 تک منعقد ہونے والے دولتِ مشترکہ کھیلوں میں 74 رکن ممالک اور خطوں کے تقریباً 3 ہزار کھلاڑی حصہ لے رہے ہیں۔ مقابلوں میں 10 مختلف کھیل شامل ہیں، جن میں 6 پیرا اسپورٹس بھی شامل ہیں۔
یہ بھی پڑھیں:دولت مشترکہ میں خدمات سرانجام دینے والی بلی کو نئی ذمہ داریاں مل گئیں
تقریب سے خطاب کرتے ہوئے پاکستان میں برطانوی ہائی کمشنر جین میریٹ نے کہا کہ دولتِ مشترکہ کھیل صرف تمغے جیتنے کا مقابلہ نہیں بلکہ یہ مختلف قوموں کو قریب لانے، صلاحیتوں کو اجاگر کرنے اور کھیلوں کے ذریعے معاشروں کو متحد کرنے کا ذریعہ ہیں۔ انہوں نے کہا کہ پاکستان کی کھیلوں کی تاریخ شاندار رہی ہے اور پاکستانی کھلاڑی آج بھی نوجوان نسل کے لیے باعثِ تحریک ہیں۔ انہوں نے برطانیہ، پاکستان اور دولتِ مشترکہ کے درمیان مضبوط تعلقات پر بھی اطمینان کا اظہار کیا۔
تقریب میں دولتِ مشترکہ اسکالرشپس اور فیلوشپس پروگرام کو بھی اجاگر کیا گیا، جس کے ذریعے گزشتہ 60 برس سے مختلف رکن ممالک کے طلبہ کو اعلیٰ تعلیم اور پیشہ ورانہ مہارت کے مواقع فراہم کیے جا رہے ہیں۔
استقبالیے سے قبل برطانوی ہائی کمیشن نے پاکستان سے تعلق رکھنے والے ان نوجوان رہنماؤں کو بھی اعزازات سے نوازا، جنہیں “ملکہ الزبتھ دوم کامن ویلتھ ٹرسٹ 100 ینگ لیڈرز ایوارڈز” کے لیے منتخب کیا گیا تھا۔
اعزاز حاصل کرنے والوں میں پاک جی پی ٹی کی شریک بانی فرح گل رہوجہ شامل ہیں، جو مصنوعی ذہانت کے ذریعے تعلیم، صحت اور موسمیاتی تبدیلی سے متاثرہ محروم طبقات کی مدد کر رہی ہیں۔ امید فاؤنڈیشن کے بانی حسن اشرف کو محنت کش بچوں اور پسماندہ طبقات کے لیے مفت تعلیم کے فروغ پر سراہا گیا، جبکہ گرلز یونائیٹڈ فار ہیومن رائٹس کی بانی ہادیقہ بشیر کو کم عمری کی شادی کے خاتمے، صنفی تشدد کے خلاف جدوجہد اور بچیوں کی تعلیم کے فروغ پر اعزاز دیا گیا۔ اسی طرح آئی ایس وائی ڈی کے بانی جوشوا دلاور کو نوجوانوں کی شمولیت، صحت میں مساوات، صنفی برابری اور سماعت سے محروم نوجوانوں کی تربیت کے شعبے میں خدمات پر ایوارڈ سے نوازا گیا۔
برطانوی ہائی کمیشن کے مطابق گلاسگو 2026، برطانیہ کی جانب سے 2014 میں گلاسگو اور 2022 میں برمنگھم میں کامیاب دولتِ مشترکہ کھیلوں کے انعقاد کی روایت کو آگے بڑھا رہا ہے، جبکہ اس تقریب کا مقصد کھیل، تعلیم اور نوجوان قیادت کے ذریعے دولتِ مشترکہ ممالک کے درمیان دوستی اور تعاون کو مزید مضبوط بنانا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد برٹش ہائی کمیشن پاکستان دولت مشترکہ
تحریکِ تحفظِ آئینِ پاکستان کا پارلیمنٹ ہائوس سے دھرنا ختم