چوائس نمبر پلیٹس نیلامی، ’آفریدی 1‘ 1کروڑ 40 لاکھ میںفروخت
اشاعت کی تاریخ: 27th, January 2026 GMT
پشاور(نیوزڈیسک) نشتر ہال میں پرسنلائزڈ مارکس چوائس نمبر پلیٹس کی نیلامی کے دوران عوام کی جانب سے زبردست دلچسپی دیکھنے میں آئی، جہاں کئی نمبر پلیٹس ریکارڈ داموں فروخت ہوئیں۔
نیلامی میں’ وزیر 1‘ نمبر پلیٹ سب سے زیادہ توجہ کا مرکز بنی، جو 1 کروڑ 50 لاکھ روپے میں نیلام ہوئی۔ اسی طرح آفریدی ون نمبر پلیٹ پر 1 کروڑ 40 لاکھ 50 ہزار روپے کی بولی لگی، جسے پشاور زلمی کے مالک جاوید آفریدی نے خرید لیا۔
خان 1 نمبر پلیٹ بھی مہنگی فروخت ہوئی، جو 1 کروڑ 11 لاکھ روپے میں ایم پی اے نیک محمد خان نے حاصل کی۔
نشتر ہال میں جاری اس نیلامی میں مزید چوائس نمبر پلیٹس پر بولی کا عمل تاحال جاری ہے، جبکہ انتظامیہ کے مطابق نیلامی سے حاصل ہونے والی آمدن سرکاری خزانے میں جمع کرائی جائے گی۔
.
ذریعہ
ذریعہ: Daily Mumtaz
کلیدی لفظ: نمبر پلیٹس
پڑھیں:
سونے کی قیمت میں اضافہ، فی تولہ سونا 4 لاکھ 33 ہزار 836 روپے ہوگیا
کراچی: پاکستان میں سونے کی قیمت میں اضافہ مسلسل دوسرے روز بھی جاری رہا، جس کے بعد مقامی صرافہ بازاروں میں فی تولہ سونا 4 ہزار 600 روپے مہنگا ہو گیا۔
آل پاکستان صرافہ جیمز اینڈ جیولرز ایسوسی ایشن کے مطابق اضافے کے بعد 24 قیراط فی تولہ سونے کی نئی قیمت 4 لاکھ 33 ہزار 836 روپے مقرر کی گئی ہے۔
ایسوسی ایشن کے مطابق 10 گرام سونے کی قیمت میں بھی 3 ہزار 944 روپے کا اضافہ ریکارڈ کیا گیا، جس کے بعد نئی قیمت 3 لاکھ 71 ہزار 944 روپے ہو گئی۔
دوسری جانب چاندی کی قیمت میں بھی معمولی اضافہ دیکھا گیا۔ فی تولہ چاندی 7 روپے اضافے کے بعد 6 ہزار 403 روپے جبکہ 10 گرام چاندی 6 روپے مہنگی ہو کر 5 ہزار 489 روپے کی سطح پر پہنچ گئی۔
یاد رہے کہ گزشتہ روز بھی سونے کی قیمت میں نمایاں اضافہ ہوا تھا، جب فی تولہ سونا 4 ہزار 700 روپے مہنگا ہو کر 4 لاکھ 29 ہزار 236 روپے تک پہنچ گیا تھا، جبکہ 10 گرام سونے کی قیمت 4 ہزار 29 روپے اضافے کے بعد 3 لاکھ 68 ہزار روپے ہوگئی تھی۔
عالمی مارکیٹ میں بھی قیمتی دھاتوں کے نرخ بڑھنے کا رجحان برقرار ہے۔ بین الاقوامی مارکیٹ میں فی اونس سونے کی قیمت 46 ڈالر اضافے کے بعد 4 ہزار 114 ڈالر ریکارڈ کی گئی، جبکہ چاندی کی عالمی قیمت 0.07 ڈالر اضافے سے 59.24 ڈالر فی اونس تک پہنچ گئی۔
ماہرین کا کہنا ہے کہ عالمی منڈی میں سونے کی قیمتوں میں اضافے، امریکی ڈالر کی نقل و حرکت، شرح سود اور جغرافیائی کشیدگی جیسے عوامل مقامی مارکیٹ پر بھی براہِ راست اثر انداز ہوتے ہیں، جس کے باعث پاکستان میں سونے کی قیمتوں میں مسلسل اتار چڑھاؤ دیکھا جا رہا ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی