بانیٔ پی ٹی آئی کی آنکھ میں کوئی مسئلہ نہیں: نورین نیازی
اشاعت کی تاریخ: 27th, January 2026 GMT
بانیٔ پی ٹی آئی کی ہمشیرہ نورین نیازی—فائل فوٹو
بانیٔ پی ٹی آئی کی ہمشیرہ نورین نیازی کا کہنا ہے کہ بانیٔ پی ٹی آئی کی آنکھ میں کوئی مسئلہ نہیں، وہ صحت مند ہیں۔
راولپنڈی میں میڈیا سے گفتگو کرتے ہوئے انہوں نے کہا کہ بانیٔ پی ٹی آئی سے متعلق جان بوجھ کر افواہیں اڑائی جا رہی ہیں۔
یہ بھی پڑھیے بشریٰ بی بی کی بہن کو کوئی غلط فہمی ہوئی ہو گی: نورین نیازیدوسری جانب ترجمان خیبر پختونخوا حکومت شفیع جان نے راولپنڈی میں ماربل فیکٹری ناکے پر میڈیا سے گفتگو کرتے ہوئے کہا کہ ہمیں بانیٔ پی ٹی آئی کی صحت کے حوالے سے بڑی تشویش ہے۔
ان کا کہنا تھا کہ چاہتے ہیں کہ کسی بھی سیاسی رہنما یا ان کی بہن کی بانیٔ پی ٹی آئی سے 5 منٹ کی ملاقات کروائی جائے، چاہتے ہیں کہ بانیٔ پی ٹی آئی کا چیک اپ ان کے ذاتی معالج کریں۔
شفیع جان کا یہ بھی کہنا ہے کہ 2007 ء میں افتخار چوہدری کی بحالی بھی وکلاء کی وجہ سے ہوئی تھی، آج ایک ایمان مزاری ہے کل ہم سب کا نمبر ہو گا۔
.
ذریعہ
ذریعہ: Jang News
کلیدی لفظ: پی ٹی ا ئی کی نورین نیازی
پڑھیں:
پنجاب کے وزیر تعلیم رانا سکندر حیات کا اسکولوں میں خود پڑھانے کا اعلان
لاہور : پنجاب کے وزیر تعلیم رانا سکندر حیات نے ٹیچر بننے کا اعلان کردیا۔رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
بھارت سے جنگ اور افغانستان میں کارروائی خارج ازامکان نہیں، وزیردفاع