خواتین اورخصوصی افراد کی انتخابات میں شمولیت کے سلسلے میں اجلاس
اشاعت کی تاریخ: 28th, January 2026 GMT
data-id="863a0a8" data-element_type="widget" data-widget_type="theme-post-content.default">
سکھر (نمائندہ جسارت) ریجنل الیکشن کمشنر عدنان بشیر کی زیر صدارت خواتین اور خصوصی افراد کی شفاف انتخابی شمولیت کے فروغ کے لیے جینڈر اینڈ ڈس ایبیلیٹی الیکٹورل ورکنگ گروپ کا اجلاس منعقدہوا۔ اجلاس میں ریجنل الیکشن کمشنر کیجانب سیخواتین اور معذور افراد کی مؤثر شرکت پر زور۔ ریجنل الیکشن کمشنر سکھر عدنان بشیر کی زیر صدارت جینڈر اینڈ ڈس ایبیلیٹی الیکٹورل ورکنگ گروپ کا اجلاس ریجنل الیکشن کمشنر سکھر کے دفتر میں منعقد ہوا۔اجلاس سے خطاب کرتے ہوئے ریجنل الیکشن کمشنر سکھر نے انتخابی عمل میں خواتین اور معذور افراد کی مؤثر اور بامعنی شمولیت کی اہمیت پر زور دیا۔ انہوں نے الیکشن کمیشن آف پاکستان کی جانب سے شمولیتی ووٹنگ کے فروغ کے لیے کیے گئے اقدامات سے شرکاء کو آگاہ کیا اور اس عزم کا اظہار کیا کہ خواتین اور خصوصی افراد کی انتخابی شمولیت کو مزید مؤثر اور مضبوط بنانے کے لیے تمام متعلقہ اداروں اور اسٹیک ہولڈرز کے باہمی تعاون سے اقدامات جاری رکھے جائیں گے۔ اجلاس میں ڈسٹرکٹ الیکشن کمشنر سکھر عطااللہ بروہی، ڈسٹرکٹ الیکشن کمشنر خیرپور نعیم الرحمن، ڈسٹرکٹ الیکشن کمشنر گھوٹکی عبدالماجد، اسسٹنٹ الیکشن کمشنر سکھر سہیل حسین، اسسٹنٹ الیکشن کمشنر مجیب الرحمن سومرو، نادرا زونل ہیڈ سکھر نصرالدین کھوسو، ڈپٹی ڈائریکٹر نادرا ضلع گھوٹکی فواد باری قریشی، اسسٹنٹ ڈائریکٹر نادرا ضلع خیرپور سید علی مہدی زیدی، ڈپٹی ڈائریکٹر ڈی ای پی ڈی سکھر اسفندیار منگی، ڈپٹی ڈائریکٹر سوشل ویلفیئر ڈیپارٹمنٹ ذوالفقار علی شیخ، ڈپٹی ڈائریکٹر پی ڈبلیو ڈی قمرالدین چنہ سمیت دیگر نے شرکت کی۔
ذریعہ
ذریعہ: Jasarat News
کلیدی لفظ: ریجنل الیکشن کمشنر الیکشن کمشنر سکھر ڈپٹی ڈائریکٹر خواتین اور افراد کی
پڑھیں:
لاہور میں بلدیاتی الیکشن کیلئے حلقہ بندیوں کی ابتدائی فہرست کا اجرا
لاہور: بلدیاتی الیکشن کے لیے حلقہ بندیوں کی ابتدائی فہرست جاری کر دی گئی. لاہور میں مجموعی طور پر 433 یونین کونسلز بنائی گئی ہیں۔ڈسٹرکٹ الیکشن کمشنر پنجاب نے لاہورکی یونین کونسل کی حلقہ بندیوں کی ابتدائی فہرست جاری کردی.فہرست کےمطابق لاہور کو نو ٹاؤن میں تقسیم کیا گیا جس میں راوی ٹاؤن 52، شالیمار میں 72، واہگہ ٹاؤن میں 25 یونین کونسلز قائم کی گئی ہیں۔ماڈل ٹاؤن میں 77، نشتر ٹاؤن میں 40، صدر کینٹ میں 29 یونین کونسل بنائی گئیں، رائے ونڈ سٹی میں 32، لاہور سٹی میں 69 اور علامہ اقبال ٹاؤن میں 37 یونینز بنائی گئیں۔شہری 23 جون تک حلقہ بندیوں پر اعتراضات دائرکرسکتے ہیں. 24 جولائی تک اعتراضات پر فیصلہ سنایا جائےگا. تمام حلقہ بندیوں کی حتمی فہرست 10اگست 2026 کو جاری ہوگی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ