تمام تعمیراتی کام معیار کے مطابق انجام دیے جا رہے ہیں‘ محمد مظفر
اشاعت کی تاریخ: 28th, January 2026 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) امیر جماعت اسلامی ضلع وسطی سید وجیہ حسن نے چیئرمین ناظم آباد ٹاؤن سید محمد مظفر کے ہمراہ راشد منہاس ایجوکیشنل کمپلیکس کا دورہ کیا۔ کمپلیکس میں نئی کلاس رومز کی تعمیر‘ عمارت کی مضبوطی و توسیع، جدید تعلیمی سہولیات کی فراہمی کا جائزہ بھی لیا۔ اس موقع پر وائس چیئر مین محمد نعمان صدیقی ڈپٹی ڈائریکٹر ایجوکیشن کے علاوہ یو سی چیئرمینز‘ وائس چیئرمینز اور ممبران اسٹیئرنگ کمیٹی ایجوکیشن بھی موجود تھے۔ چیئرمین ناظم آباد ٹاؤن سید محمد مظفر نے راشد منہاس ایجوکیشنل کمپلیکس میں جاری ترقیاتی و تعمیراتی کاموں پر تفصیلی بریفنگ دی۔ انہوں نے بتایا کہ کمپلیکس میں نئے کلاس رومز کی تعمیر، عمارت کی مضبوطی و توسیع، جدید تعلیمی سہولیات کی فراہمی‘ الیکٹرک و سینیٹری نظام کی بہتری‘ پینے کے صاف پانی، مناسب روشنی اور ہواداری کے انتظامات کے ساتھ ساتھ طلبہ کے لیے محفوظ اور معیاری تعلیمی ماحول فراہم کرنے کے لیے کام تیزی سے جاری ہے۔ چیئرمین ناظم آباد ٹاؤن نے مزید بتایا کہ تمام تعمیراتی کام جدید تقاضوں اور مقررہ معیار کے مطابق انجام دیے جا رہے ہیں جبکہ منصوبے کی بروقت تکمیل کو یقینی بنانے کے لیے اسٹیئرنگ کمیٹی ایجوکیشن اور متعلقہ افسران مسلسل نگرانی کر رہے ہیں۔ ان کا کہنا تھا کہ ناظم آباد ٹاؤن انتظامیہ تعلیم کے فروغ اور سرکاری تعلیمی اداروں کی بہتری کے لیے عملی اقدامات پر یقین رکھتی ہے۔ امیر جماعت اسلامی ضلع وسطی سید وجیہ حسن نے منصوبے کی مجموعی پیش رفت، تعمیراتی معیار اور کام کی رفتار کو سراہتے ہوئے اطمینان کا اظہار کیا۔
ذریعہ
ذریعہ: Jasarat News
کلیدی لفظ: ناظم ا باد ٹاو ن کے لیے
پڑھیں:
بابوسر ٹاپ 8 جون تک ہر قسم کی ٹریفک کیلئے بند
مقامی انتظامیہ کے مطابق بابوسر ٹاپ اور گرد و نواح میں دو طرفہ سڑک کی بحالی اور صفائی کا کام تیزی سے جاری ہے۔ سڑک کی مکمل بحالی اور محفوظ آمدورفت کو یقینی بنانے کے پیشِ نظر روڈ کو 8 جون تک ہر قسم کی ٹریفک کے لیے بند کر دیا گیا ہے۔ اسلام ٹائمز۔ بابوسر ٹاپ روڈ 8 جون تک ہر قسم کی ٹریفک کے لیے بند رہے گی۔ مقامی انتظامیہ کے مطابق بابوسر ٹاپ اور گرد و نواح میں دو طرفہ سڑک کی بحالی اور صفائی کا کام تیزی سے جاری ہے۔ سڑک کی مکمل بحالی اور محفوظ آمدورفت کو یقینی بنانے کے پیشِ نظر روڈ کو 8 جون تک ہر قسم کی ٹریفک کے لیے بند کر دیا گیا ہے۔ انتظامیہ کے مطابق عوام غیر ضروری سفر سے گریز کریں اور پولیس و ضلعی انتظامیہ کے ساتھ تعاون کریں۔ مزید معلومات اور تازہ ترین صورتحال سے آگاہی کے لیے ڈپٹی کمشنر دیامر آفس 05812920055 دیامر پولیس کنٹرول روم 05812930037 پولیس ہیلپ لائن 15 پر رابطہ کریں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ