پنجاب اسمبلی: ڈی جی ایچ ای سی کی ریٹائرمنٹ عمر 69 سال مقرر
اشاعت کی تاریخ: 28th, January 2026 GMT
لاہور (خصوصی نامہ نگار) پنجاب اسمبلی نے ڈی جی ایچ ای سی کی حد69 سال عمر کی منظوری دیدی۔ بہاولپور میں ترقیاتی کام نہ کروانے پر ڈپٹی سپیکر کی اعلیٰ حکام پر سخت تنقید سیکرٹری بلدیات کی ایوان میں عدم دستیابی پر اجلاس کچھ دیر کے لیے مؤخر کر دیا گیا۔ پنجاب اسمبلی کا اجلاس دو گھنٹے 6 منٹ کی تاخیر سے ڈپٹی سپیکر ملک ظہیر اقبال چنڑ کی صدارت میں شروع ہوا۔ اس موقع پر سیکرٹری لوکل گورنمنٹ کی عدم حاضری پر ڈپٹی سپیکر ظہیر اقبال چنڑ نے برہمی کا اظہار کرتے ہوئے اجلاس آدھے گھنٹے کے لیے مؤخر کر دیا اورکہاکہ اجلاس پر کروڑوں کا بجٹ لگتا ہے، سیکرٹری کیوں نہیں آئے؟معزز ارکان ایوان میں موجود ہیں، کیا سیکرٹری ان سے بالاتر ہیں؟ انکے پیروں میں مہندی لگی ہے جو ایوان نہیں آئے، سپیشل سیکرٹری کے پیروں میں بھی مہندی لگی ہے وہ بھی نہیں آئے؟ سیکرٹری کو فوراً ایوان میں بلائیں، ورنہ اجلاس نہیں چلے گا۔ اجلاس کچھ دیر وقفے کے بعد دوبارہ ڈپٹی سپیکر ملک ظہیر اقبال چنڑ کی صدارت میں شروع ہوا، لوکل گورنمنٹ اور کمیونٹی ڈویلپمنٹ سے متعلق امجد علی جاوید نے انکشاف کیاکہ ڈسٹرکٹ کونسل ٹوبہ ٹیک سنگھ نے چار کروڑ روپے خرچ کیے ہیں، زمینی حقائق یہ ہیں کہ وہاں کوئی کام نہیں ہوا، رولز کے مطابق دو لاکھ روپے خرچ کیے جا سکتے ہیں جبکہ یہاں چار کروڑ روپے لگ چکے ہیں۔ اس ضمن میں انکوائری ہونی چاہیے۔کرپشن کا بازار گرم ہے اس پر ایکشن لیا جائے۔ ڈپٹی سپیکر ظہیر اقبال چنڑنے حکومت پر ناراضگی کا اظہار کرتے ہوئے کہاکہ میرے علاقے بہاولپور میں سڑکیں ٹوٹی ہوئی ہیں۔ سڑکیں گٹر کے پانی میں ڈوبی ہوئی ہیں میں ہر دفعہ اسمبلی میں اس مسئلے کو اٹھاتا ہوں تو یہاں منسٹر صاحب کھڑے ہو کر کہتے ہیں بس ٹینڈر ہوگیا ہے۔ ہم بہاولپورکے عوام کو جا کر خوشخبری سناتے ہیں کہ بس ٹینڈر ہوگیا ہے پھر اس خوش فہمی میں دو مہینے گزر جاتے ہیں، اسمبلی میں تین دفعہ وزیر بلدیات ذیشان رفیق نے کہا کہ ٹینڈر ہوگیا ہے بس کام شروع ہونے والا ہے بہاولپور میں کوئی کام نہیں ہو رہا ہے۔ امجد علی جاوید نے کہا کہ محکمانہ کارروائی ٹھیک ہوتی صوبوں کا آج یہ حال ہوتا، دی سپیرئیر یونیورسٹی لاہور ترمیمی بل دو ہزار پچیس پاس کر لیا۔ بل حکومتی رکن سومیہ عطا نے پیش کیا۔ اجلاس میں دی پنجاب ہائر ایجوکیشن کمیشن ترمیمی بل دوہزار پچیس بھی منظور کر لیا، اس بل میں چیئر مین پی ایچ ای سی کی عمر کی حد 69 سال تک کرنے کی ترمیم منظور کی گئی، ترمیمی بل حکومتی رکن امجد علی جاوید نے پیش کیا۔ ایجنڈا مکمل ہونے پر اجلاس آج بدھ دوپہر دو بجے تک ملتوی کر دیا گیا۔
.
ذریعہ
ذریعہ: Nawaiwaqt
کلیدی لفظ: ڈپٹی سپیکر ظہیر اقبال
پڑھیں:
مومنہ اقبال اور حمزہ حبیب کی دعائے خیر کی تقریب، دلکش تصاویر سوشل میڈیا پر وائرل
معروف پاکستانی اداکارہ مومنہ اقبال اور ان کے شوہر حمزہ حبیب کی دعائے خیر کی تقریب کی تصاویر اور ویڈیوز سوشل میڈیا پر تیزی سے مقبول ہو رہی ہیں۔ حال ہی میں سادگی کے ساتھ نکاح کرنے والے اس جوڑے نے شادی کی باقاعدہ تقریبات سے قبل اہلِ خانہ کی موجودگی میں دعائے خیر کا اہتمام کیا، جس میں دونوں خوش اور پُرجوش دکھائی دیے۔
پاکستانی شوبز انڈسٹری کی معروف اداکارہ مومنہ اقبال کی زندگی کا نیا سفر خوشیوں کے ساتھ جاری ہے۔ چند روز قبل مومنہ اقبال اور حمزہ حبیب نے ایک سادہ اور نجی خاندانی تقریب میں اپنے نکاح کی تصدیق کی تھی، جس کے بعد اب ان کی دعائے خیر کی تقریب کی تصاویر اور ویڈیوز سوشل میڈیا پر وائرل ہو رہی ہیں۔
View this post on Instagram
A post shared by @wbs.unfolded
مومنہ اقبال گزشتہ کچھ عرصے سے اپنی ذاتی زندگی کے باعث خبروں میں رہی ہیں۔ شادی کی تیاریوں کے دوران ان کے سابق دوست ثاقب چدھڑ کی جانب سے مبینہ ہراسانی کے واقعات سامنے آئے تھے، جن کے بارے میں کہا گیا کہ وہ شادی رکوانے کی کوشش کر رہے تھے۔ بعد ازاں معاملہ پولیس تک پہنچا اور اب یہ کیس عدالت میں زیرِ سماعت ہے۔
اس تمام صورتحال کے باوجود مومنہ اقبال اور حمزہ حبیب نے اپنی نئی زندگی کا آغاز خوش اسلوبی سے کیا اور حال ہی میں نجی تقریب میں نکاح کر لیا۔
اتوار کے روز جوڑے نے دعائے خیر کی ایک محدود اور خاندانی تقریب کا اہتمام کیا، جبکہ شادی کی دیگر تقریبات کا باقاعدہ آغاز پیر سے متوقع ہے۔
دعائے خیر کی تقریب میں مومنہ اقبال سنہری اور ٹی پنک (ہلکے گلابی) رنگ کے خوبصورت غرارے میں ملبوس نظر آئیں، جس پر نفیس سنہری دبکا ورک کیا گیا تھا۔ ان کا روایتی لباس اور دلکش انداز حاضرین کی توجہ کا مرکز بنا رہا۔ دوسری جانب حمزہ حبیب نے ہلکے ٹی پنک رنگ کے کُرتا شلوار کے ساتھ ویسٹ کوٹ زیب تن کیا، جو ان کی شخصیت پر خوب جچ رہا تھا۔
View this post on Instagram
A post shared by Momina Iqbal (@momina.iqbal)
تقریب کے دوران دونوں انتہائی خوشگوار اور پُرجوش موڈ میں دکھائی دیے۔ سوشل میڈیا پر گردش کرنے والی تصاویر اور ویڈیوز میں جوڑے کو اہلِ خانہ اور قریبی عزیزوں کے ساتھ خوشی کے لمحات گزارتے دیکھا جا سکتا ہے۔
مومنہ اقبال کا میک اپ معروف بیوٹی اسٹوڈیو ’ذکیہ رقیہ سیلون‘ کی جانب سے کیا گیا، جس نے ان کی دلکش شخصیت کو مزید نکھار دیا۔
دعائے خیر کی تقریب کی تصاویر سوشل میڈیا صارفین کی جانب سے خوب پسند کی جا رہی ہیں اور مداح نومولود جوڑے کے لیے نیک تمناؤں اور دعاؤں کا اظہار کر رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اداکارہ مومنہ اقبال انٹرٹینمنٹ
وزارت آئی ٹی نے 1.67 ارب روپے سے زاید کے فنڈز طلب کرلیے