برطانوی وزیراعظم کیئر اسٹارمر کا چین میں 3 روزہ دورہ
اشاعت کی تاریخ: 28th, January 2026 GMT
data-id="863a0a8" data-element_type="widget" data-widget_type="theme-post-content.default">
برطانوی وزیرِاعظم کیئر اسٹارمر تین روزہ سرکاری دورے پر چین پہنچ گئے ہیں، جہاں وہ چینی قیادت سے اہم سیاسی اور معاشی معاملات پر بات چیت کریں گے۔
یہ دورہ اس لحاظ سے بھی اہم ہے کہ سال 2018 کے بعد کسی برطانوی وزیرِاعظم کا چین کا پہلا دورہ ہے، جسے دونوں ممالک کے تعلقات میں ایک نئی پیش رفت قرار دیا جا رہا ہے۔
غیر ملکی خبر ایجنسی کے مطابق کیئر اسٹارمر کی چین کے صدر شی جن پنگ سے جمعرات کو ملاقات متوقع ہے، جس میں دو طرفہ تعلقات، خطے کی صورتحال اور عالمی امور پر تبادلۂ خیال کیا جائے گا۔ برطانوی وزیرِاعظم کے ہمراہ 60 سے زائد کاروباری اور ثقافتی شعبوں سے وابستہ شخصیات بھی چین پہنچی ہیں، جو اس دورے کو تجارتی اعتبار سے بھی غیر معمولی اہمیت دیتی ہیں۔
برطانوی حکومت کا کہنا ہے کہ دورے کے دوران چین کے ساتھ معاشی تعلقات کو فروغ دینے پر خصوصی گفتگو ہوگی، جبکہ انسانی حقوق اور سائبر سکیورٹی جیسے حساس معاملات بھی مذاکرات کا حصہ ہوں گے۔ لندن کا مؤقف ہے کہ چین کے ساتھ تعلقات میں توازن اور شفافیت ضروری ہے، تاکہ تجارتی مفادات کے ساتھ ساتھ بنیادی اقدار کا تحفظ بھی یقینی بنایا جا سکے۔
سیاسی مبصرین کے مطابق یہ دورہ ایسے وقت میں ہو رہا ہے جب مغربی دنیا اور چین کے تعلقات کئی معاملات پر تناؤ کا شکار ہیں۔ اس پس منظر میں کیئر اسٹارمر کا دورہ دونوں ممالک کے درمیان اعتماد سازی اور مکالمے کے نئے امکانات پیدا کر سکتا ہے، تاہم اس کے نتائج کا انحصار اعلیٰ سطحی ملاقاتوں میں طے پانے والے نکات پر ہوگا۔
.
ذریعہ
ذریعہ: Jasarat News
کلیدی لفظ: کیئر اسٹارمر چین کے
پڑھیں:
موبائل کال اور انٹرنیٹ پیکجز مہنگے، صارفین پر نیا مالی بوجھ
اسلام آباد: موبائل انٹرنیٹ پیکجز مہنگے ہونے سے ملک بھر کے لاکھوں موبائل صارفین کو اضافی اخراجات کا سامنا کرنا پڑے گا۔ پاکستان ٹیلی کمیونیکیشن اتھارٹی (پی ٹی اے) کی جانب سے جاری کردہ تازہ تفصیلات کے مطابق مختلف موبائل کمپنیوں کے متعدد کال، ہائبرڈ اور ڈیٹا پیکجز کی قیمتوں میں نمایاں اضافہ کیا گیا ہے۔
پی ٹی اے کے مطابق مختلف موبائل آپریٹرز کے 15 مقبول ہائبرڈ اور ڈیٹا اونلی پیکجز کی قیمتوں میں 33 فیصد تک اضافہ ریکارڈ کیا گیا ہے، جس کے بعد صارفین کو پہلے کے مقابلے میں زیادہ رقم ادا کرنا ہوگی۔
جاری کردہ اعداد و شمار کے مطابق ماہانہ کال اور ڈیٹا پیکجز کی قیمتوں میں 500 روپے تک اضافہ کیا گیا ہے، جبکہ 15 روزہ پیکجز اب 300 روپے تک مہنگے ہو گئے ہیں۔
اسی طرح ہفتہ وار ہائبرڈ پیکجز کی قیمت میں 130 روپے تک اضافہ کیا گیا ہے، جبکہ تین روزہ پیکجز 21 روپے، دو روزہ پیکجز 20 روپے اور ایک روزہ ہائبرڈ پیکجز 5 روپے تک مہنگے کر دیے گئے ہیں۔
پی ٹی اے کا کہنا ہے کہ صارفین کی سہولت کے لیے تمام نئی ٹیرف تفصیلات ادارے کی ویب سائٹ پر جاری کر دی گئی ہیں، جہاں مختلف موبائل کمپنیوں کے کال اور انٹرنیٹ پیکجز، ان کی مدت، قیمت اور دستیاب سہولیات کا بآسانی موازنہ کیا جا سکتا ہے۔
اتھارٹی کے مطابق اس اقدام کا مقصد ٹیلی کام شعبے میں شفافیت کو فروغ دینا اور صارفین کو مختلف موبائل کمپنیوں کے پیکجز سے متعلق درست اور مکمل معلومات فراہم کرنا ہے۔
ماہرین کا کہنا ہے کہ موبائل اور انٹرنیٹ خدمات کی قیمتوں میں اضافے سے طلبہ، فری لانسرز، آن لائن کاروبار کرنے والے افراد اور روزمرہ انٹرنیٹ استعمال کرنے والے صارفین کے ماہانہ اخراجات میں مزید اضافہ ہوگا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی