کیا مریم نواز کے صاحبزادے کی شادی کی فوٹوگرافی کرنے پر عرفان احسن کو ستارۂ امتیاز کے لیے نامزد کیا گیا؟
اشاعت کی تاریخ: 28th, January 2026 GMT
پاکستان کے نامور فوٹوگرافر عرفان احسن کو فوٹوگرافی میں ستارۂ امتیاز کے لیے نامزد کیے جانے کی خبریں سوشل میڈیا پر وائرل ہو رہی ہیں جس کے بعد صارفین کی جانب سے ملا جلا ردِعمل سامنے آ رہا ہے۔
سوشل میڈیا پر بعض صارفین کا مؤقف ہے کہ عرفان احسن کی نامزدگی وزیراعلیٰ پنجاب مریم نواز کے صاحبزادے جنید صفدر کی شادی میں فوٹوگرافی کرنے کے باعث کی گئی ہے۔ ان ناقدین کے مطابق سرکاری اعزازات کو ذاتی یا سیاسی تعلقات سے بالاتر ہونا چاہیے۔
جنید صفدر کی شادی پر فوٹوگرافی کرنے والے فوٹوگرافر عرفان احسن ستارہ امتیاز کے لئے نامزد pic.
— Muqadas Farooq Awan (@muqadasawann) January 27, 2026
دوسری جانب متعدد صارفین اور صحافیوں نے اس تاثر کو مسترد کرتے ہوئے کہا ہے کہ عرفان احسن ایک پیشہ ور فوٹوگرافر ہیں جن کا کام کسی ایک سیاسی جماعت یا شخصیت تک محدود نہیں۔ ان کے مطابق سابق وزیراعظم اور بانی پاکستان تحریک انصاف عمران خان کی ایک وائرل اور تاریخی تصویر بھی عرفان احسن ہی نے کھینچی تھی اس لیے انہیں کسی مخصوص سیاسی وابستگی سے جوڑنا درست نہیں۔
He is the same person who took Imran Khan's iconic PM portrait picture. https://t.co/VfLmYiq15Y
— Ramiz Nisar (@ramiznch) January 27, 2026
معروف صحافی ماجد نظامی کے مطابق 14 اگست 2025 کو جاری ہونے والی سرکاری فہرست میں عرفان احسن کا نام شامل کیا گیا تھا جنہیں فوٹوگرافی کے شعبے میں ستارۂ امتیاز دینے کا اعلان کیا گیا۔ یہ اعزاز انہیں 23 مارچ 2026 کو یومِ پاکستان کے موقع پر دیا جائے گا۔
فیکٹ چیک:
1) 14 اگست 2025 کو جاری فہرست میں عرفان احسن کا نام شامل ہے۔ انہیں آرٹس (فوٹو گرافی) کے شعبے میں ستارہ امتیاز دینے کا اعلان کیا گیا تھا۔ 23 مارچ 2026 کو انہیں اعزاز عطا کیا جائے گا۔
2) جنید صفدر کی 2021 میں ہونے والی پہلی شادی کے فوٹوگرافر بھی عرفان احسن ہی تھے۔ https://t.co/GWlBP6KCQ5
— Majid Nizami (@majidsnizami) January 27, 2026
واضح رہے کہ عرفان احسن نے 2021 میں جنید صفدر کی پہلی شادی کی فوٹوگرافی بھی انجام دی تھی، تاہم ان کا پیشہ ورانہ کیریئر متعدد قومی و بین الاقوامی شخصیات، اہم تقریبات اور تاریخی لمحات پر محیط ہے۔
فوٹوگرافی کے شعبے سے وابستہ حلقوں کا کہنا ہے کہ عرفان احسن کی نامزدگی کو ان کے مجموعی فنی کام، مہارت اور خدمات کے تناظر میں دیکھا جانا چاہیے نہ کہ سوشل میڈیا قیاس آرائیوں کی بنیاد پر۔
عرفان احسن کا اس حوالے سے کہنا ہے کہ انہیں یہ اعزاز اس وجہ سے دیا جا رہا ہے کہ انہوں نے فوٹوگرافی کے شعبے میں نوجوانوں کو متعارف کرایا، انہیں آگے بڑھنے کے مواقع فراہم کیے، اس پیشے کو ایک مثبت رجحان بنایا اور اسے بطور باوقار پیشہ شناخت دلانے میں کردار ادا کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ستارہ امتیاز عرفان احسن
ذریعہ
ذریعہ: WE News
کلیدی لفظ: ستارہ امتیاز عرفان احسن ہے کہ عرفان احسن جنید صفدر کی کیا گیا کے شعبے
پڑھیں:
جماعت اسلامی بنگلہ دیش کے رکنِ پارلیمنٹ کی نوجوان خاتون کے ساتھ نازیبا ویڈیو سامنے آگئی
لاہور(ڈیلی پاکستان آن لائن)جماعت اسلامی بنگلہ دیش کے رکنِ پارلیمنٹ کی نوجوان خاتون کے ساتھ نازیبا ویڈیو سامنے آنے پر تنازعہ کھڑا ہو گیا۔ پہلے تو اس ویڈیو کو فیک اور آرٹیفیشل انٹیلی جنس کی تخلیق بتایا گیا لیکن جب ویڈیو اصل نکل آئی تو ممتاز سینئیر سیاست دان نے دوسری شادی کرنے کا دعویٰ کیا۔ خاتون کے غیر شادی شدہ ہونے کی دستاویز نے سیاستدان کو زیادہ مشکل میں ڈال دیا۔ بنگلہ دیش کی پارلیمنٹ کے رکن، جماعت اسلامی بنگلہ دیش کے سینئیر سیاستدان غازی نذرالاسلام کی ایک نوجوان خاتون کے ساتھ ویڈیو وائرل ہونے کے بعد ایک کی مبینہ دوسری شادی کے معاملے پر تنازع ان کے دوسری شادی کا اعتراف کر لینے کے بعد کم نہیں ہوا۔ اب جماعت اسلامی نے اعلان کیا ہے کہ وہ اس سارے معاملہ کی تحقیقات کروا رہی ہے
عالمی منڈی میں خام تیل کی قیمت 100 ڈالر فی بیرل سے بھی تجاوز کر گئی
بنگلہ دیش کے میڈیا کے مطابق غازی نذرالاسلام کی سوشل میڈیا پر ایک نوجوان خاتون کے ساتھ ویڈیو وائرل ہو گئی تھی۔ پہلے تو ان کے حامیوں نے اس ویڈیو کو ڈیپ فیک اور آڑٹیفیشل انٹیلیجنس سے بنائی گئی ویڈیو قرار دیا، لیکن جب تنقید کرنے والے خاموش نہیں ہوئے تو بعض لوگوں نے اس ویڈیو کی سافٹ وئیرز کی مدد سے ویریفیکیشن کی۔ فیکٹ چیک کرنے والے ایک ادارے نے بتا دیا کہ ویکڈو بالکل اصلی ہے۔ نذر الاسلام کی نوجوان خاتون کے ساتھ ویڈیو کے مصنوعی ذہانت سے تیار ہونے یا اس میں کوئی تبدیلی کیے جانے کے شواہد نہیں مل۔ اس کے بعد لوگوں کی ساری توجہ ویڈیو میں شامل افراد اور ان کے باہمی تعلق پر مرکوز ہوگئی۔ جب سوشل میڈیا پر تنقید کافی برھ گئی تو جماعت اسلامی کے سینئیر سیاست دان اور رکن پارلیمنٹ نے ویڈیو کلپ میں اپنے ساتھ دکھائی دینے والی نوجوان خاتون کو اپنی بیوی قرار دے دیا۔ غازی نذرالاسلام نے اپنے بیان میں کہا کہ خاتون ان کی دوسری بیوی ہے اور ان کی شادی 17 جون کو دونوں خاندانوں اور ان کی پہلی بیوی کی رضامندی سے ہوئی تھی۔
چیئرمین یورپی یونین پاک فرینڈشپ فیڈریشن یورپ کی ہیوی انڈسٹریز ٹیکسلا کے چیئرمین سے ملاقات
نذر الاسلام نے یہ مؤقف اختیار کیا کہ اس وائرل ویڈیو کو خفیہ طور پر ریکارڈ کرکے بھتہ خوری اور سیاسی کردار کشی کےلیے منظرِ عام پر لایا گیا۔ جماعت اسلامی کے اس سینئیر رکنِ پارلیمنٹ کی پہلی بیوی نے اس موقع پر شوہر کا ساتھ دیا اور ایک ویڈیو بیان میں اپنے عمر رسیدہ شوہر کے مؤقف کی تصدیق کی کہ ان کے شوہر نے نوجوان لڑکی مریم بیگم سے دوسری شادی کرلی ہے۔ مریم بیگم نے بھی ایک علیحدہ ویڈیو میں خود کو غازی نذرالاسلام کی بیوی قرار دیتے ہوئے کہا کہ شادی 17 جون کو دونوں خاندانوں اور نذر الاسلام کی پہلی بیوی کی موجودگی میں ہوئی تھی۔
پی سی بی نے ڈومیسٹک کرکٹ کے نئے سیزن کا شیڈول جاری کر دیا
بنگلہ دیشی میڈیا میں سامنے آنے والی رپورٹوں کے مطابق غازی نذرالاسلام اور ان کے خاندان کی تصدیق کے باوجود سوشل میڈیا پر خاتون مریم بیگم سے متعلق قانونی دستاویزات منظر عام پر آئی ہیں، جن کی آزادانہ تصدیق نہیں ہوسکی اور نہ ہی رکن پارلیمنٹ یا خاتون اور ان کے اہلخانہ نے دستاویز ات میں موجود تضاد پر کوئی وضاحت دی ہے۔ شادی کے پانچ دن بعد نذر الاسلام نے بیوی کو کنوارا ظاہر کر کے اسکی سرکاری نوکری کی سفارش کی؟ ایک دستاویز میں نذر السلام کے ساتھ نظز آنے والی لڑکی مریم کی ازدواجی حیثیت ’غیر شادی شدہ‘ درج ہے اور اس دستاویز پر غازی نذرالاسلام کی جانب سے 22 جون، یعنی اپنی بتائی ہوئی مبینہ شادی کی تاریخ کے پانچ روز بعد، سرکاری ملازمت کے لیے سفارش بھی موجود دکھائی دیتی ہے۔
دہشتگردی کے خاتمے تک فتنۃ الخوارج و فتنۃ الہندوستان کے خلاف کارروائیاں جاری رہیں گی، فیلڈ مارشل
بنگلہ دیش کے میڈیا کے مطابق یہ خاتون سرکاری ملازمت کی خواہاں تھیں اور غازی نذرالاسلام نے ان کی درخواست کی سفارش کی تھی۔ غازی نذرالاسلام نے ان تمام کہانیوں نظر انداز کرتے ہوئے ایک اور پیچیدہ کہانی سے پردہ اٹھا دیا جو دال میں کافی کچھ کالا ہونے کی نشاندہی کرتی ہے۔ عمر رسیدہ سیاستدان نذر الاسلام نے یہ دعویٰ کیا کہ 13 جولائی کو وہ ڈھاکا کے موگ بازار میں ایک دفتر گئے تھے جہاں ان کی دونوں بیویاں بھی موجود تھیں۔
نذر الاسلام نے الزام لگایا کہ ڈرائیور، دوسری کے ماموں اور چند نامعلوم افراد نے انہیں یرغمال بنا کر ایک لاکھ ٹکا بھتہ وصول کیا، ان لوگوں نے نذر الاسلام کے بقول مزید رقم کا مطالبہ کیا اور ان لوگوں نے ہی ان کی مریم کے ساتھ خفیہ طور پر نجی ویڈیو ریکارڈ کرکے بعد میں سوشل میڈیا پر پھیلا دی۔ نذر الاسلام کے اس دعوے میں کمزوری یہ ہے کہ ویڈیو کلپ مین نذر الاسلام کو اس خاتون کے ساتھ اپنے کمرے میں بیٹھے اور بوس و کنار کرتے دیکھا جا سکتا ہے۔ لوگ یہ سوال کر رہے ہیں کہ بازار کے کسی دفتر میں یرغمال بنا کر بھتہ لینے والوں کی رسائی ان کے گھر کے کمرے تک کیسے تھی۔
پاکستان نے کابل فضائی حملوں پر ایمنسٹی انٹرنیشنل کی رپورٹ مسترد کر دی
اس سکینڈل کے سوشل میڈیا اور میڈیا میں بہت زیادہ ڈسکس ہونے کے بعد آخر کار جماعت اسلامی بنگلہ دیش نے کہا ہے کہ وہ اس سارے معاملے کی معلومات اکٹھی کر رہی ہے اور حقائق سامنے آنے کے بعد تنظیم کے اندر تادیبی کارروائی کا فیصلہ کیا جائے گا۔ جماعت اسلامی کے اسسٹنٹ سیکریٹری جنرل احسان الحق محبوب زبیر کے مطابق پارٹی میڈیا رپورٹس، رکنِ پارلیمنٹ، ان کی دونوں بیویوں اور خاتون کے والد کے بیانات کا جائزہ لے رہی ہے۔
مزید :
بھارت سے جنگ اور افغانستان میں کارروائی خارج ازامکان نہیں، وزیردفاع