علامہ ریاض نجفی کی علامہ راجہ ناصر عباس سے ملاقات، مبارکباد پیش کی
اشاعت کی تاریخ: 28th, January 2026 GMT
علامہ ریاض حسین نجفی نے علامہ راجہ ناصر عباس جعفری کی قومی، دینی اور عوامی خدمات پر زبردست خراج تحسین پیش کیا۔ انہوں نے کہا کہ علامہ راجہ ناصرعباس جعفری کی جدوجہد ایوانِ بالا میں مظلوم اور محروم طبقات کی حقیقی ترجمانی ہے۔ علامہ ریاض نجفی نے کہا کہ ان کا کردار ملک میں اصولی سیاست کی روشن مثال ہے۔ اسلام ٹائمز۔ ممتاز عالم دین اور وفاق المدارس الشیعہ کے سربراہ علامہ حافظ ریاض حسین نجفی کی اسلام آباد میں سینیٹ میں اپوزیشن لیڈر اور ایم ڈبلیو ایم پاکستان کے سربراہ علامہ راجہ ناصر عباس جعفری سے ملاقات کی اور انہیں سینیٹ میں اپوزیشن لیڈر منتخب ہونے پر مبادکباد دی۔ علامہ ریاض حسین نجفی نے علامہ راجہ ناصر عباس جعفری کی قومی، دینی اور عوامی خدمات پر زبردست خراج تحسین پیش کیا۔ انہوں نے کہا کہ علامہ راجہ ناصر عباس جعفری کی جدوجہد ایوانِ بالا میں مظلوم اور محروم طبقات کی حقیقی ترجمانی ہے۔ علامہ ریاض نجفی نے کہا کہ ان کا کردار ملک میں اصولی سیاست کی روشن مثال ہے، سینیٹ میں ان کے مدلل اور مبنی بر سچ خطابات سینیٹ کی تاریخ میں نمایاں مقام رکھتے ہیں۔ علامہ راجہ ناصر عباس جعفری نے ممتاز عالم دین کی جانب سے ستائش پر ان کا دلی شکریہ ادا کیا۔
.
ذریعہ
ذریعہ: Islam Times
کلیدی لفظ: علامہ راجہ ناصر عباس جعفری عباس جعفری کی علامہ ریاض نے کہا کہ نجفی نے
پڑھیں:
سینیٹ قائمہ کمیٹی کا بڑا فیصلہ، پرنٹ میڈیا کے معاملات صرف پریس کونسل میں سنے جائیں گے
اسلام آباد: سینیٹ کی قائمہ کمیٹی برائے اطلاعات و نشریات کے اجلاس میں پرنٹ میڈیا سے متعلق شکایات اور اخبارات میں شائع ہونے والی خبروں اور کالمز پر کارروائی کے اختیار کا معاملہ زیر بحث آیا، جہاں سینئر صحافی طارق محمود سمیر نے اپنا مؤقف پیش کرتے ہوئے اہم قانونی نکات اٹھائے۔
اجلاس کے دوران طارق محمود سمیر نے کہا کہ لاہور سے شائع ہونے والے روزنامہ نئی بات میں بیوروکریسی سے متعلق شائع ہونے والے ایک کالم کی بنیاد پر کالم نگار توفیق بٹ اور اخبار کے ایڈیٹر کو نیشنل سائبر کرائم انویسٹی گیشن ایجنسی (این سی سی آئی) کی جانب سے جاری کیا گیا نوٹس واپس لیا جانا چاہیے۔انہوں نے قائمہ کمیٹی کو تجویز دی کہ اس معاملے کو متعلقہ فورم یعنی پریس کونسل آف پاکستان کو بھجوایا جائے، کیونکہ قانون کے مطابق پرنٹ میڈیا سے متعلق شکایات اور تنازعات کا جائزہ لینے کا اختیار صرف پریس کونسل کے پاس ہے۔سینیٹ کی قائمہ کمیٹی نے سینئر صحافی طارق محمود سمیر کی اس تجویز سے متفقہ طور پر اتفاق کرتے ہوئے ہدایت جاری کی کہ مذکورہ معاملہ پریس کونسل آف پاکستان کو بھجوایا جائے تاکہ قانون کے مطابق کارروائی عمل میں لائی جا سکے۔
کمیٹی نے اس موقع پر واضح کیا کہ پرنٹ میڈیا سے متعلق کسی بھی قسم کے معاملات یا شکایات نہ تو پیمرا کے دائرہ اختیار میں آتی ہیں اور نہ ہی این سی سی آئی ایسے معاملات میں براہ راست نوٹس لینے کا مجاز ہے۔ کمیٹی کے مطابق اخبارات میں شائع ہونے والی خبروں، مضامین اور کالمز سے متعلق شکایات صرف پریس کونسل آف پاکستان کے سامنے ہی پیش کی جا سکتی ہیں۔اجلاس میں یہ بھی یاد دلایا گیا کہ پرنٹ میڈیا سے متعلق قانون سازی کے دوران وفاقی حکومت نے قومی اسمبلی میں واضح یقین دہانی کرائی تھی کہ اخبارات اور پرنٹ میڈیا کے معاملات کا واحد مجاز ادارہ پریس کونسل آف پاکستان ہوگا، اور اسی فورم پر شکایات درج کرائی جا سکیں گی۔
قائمہ کمیٹی نے اس مؤقف کو دہراتے ہوئے متعلقہ اداروں پر زور دیا کہ آئندہ بھی پرنٹ میڈیا سے متعلق تمام معاملات قانون کے مطابق صرف پریس کونسل آف پاکستان کے ذریعے ہی نمٹائے جائیں تاکہ آئینی اور قانونی دائرہ اختیار برقرار رہے۔
بھارت سے جنگ اور افغانستان میں کارروائی خارج ازامکان نہیں، وزیردفاع