بانی پی ٹی آئی سے ملاقات سے انکار کی خبر پر بیرسٹر گوہر کی وضاحت
اشاعت کی تاریخ: 28th, January 2026 GMT
پاکستان تحریکِ انصاف کے چیئرمین بیرسٹر گوہر نے حال ہی میں سوشل میڈیا پر گردش کرنے والی ایک خبر پر وضاحت پیش کی، جس میں کہا گیا تھا کہ انہیں بانی پی ٹی آئی سے ملاقات کی پیشکش ہوئی مگر انہوں نے انکار کر دیا۔
بیان میں بیرسٹر گوہر نے کہا کہ یہ خبر بالکل غلط ہے۔ انہوں نے بتایا کہ خبر میں کہا گیا کہ ملاقات کے دوران وہ کسی فیملی ممبر یا وکیل کے ساتھ شامل نہیں ہوئے، لیکن حقیقت یہ ہے کہ نہ حکومت، نہ جیل حکام نے انہیں بانی سے ملاقات کی پیشکش کی تھی، اس لیے کسی کے ساتھ جانے یا نہ جانے کا سوال ہی پیدا نہیں ہوتا۔
بیرسٹر گوہر نے کہا کہ انہوں نے سیکریٹری اطلاعات شیخ وقاص سے رابطہ کیا تاکہ اس بے بنیاد خبر کی فوری تردید کی جا سکے۔ شیخ وقاص نے نہ صرف اس کی تردید کی بلکہ ٹی وی پر بھی وضاحت پیش کی، تاہم خبر اب بھی غلط انداز میں رپورٹ کی جا رہی ہے۔
چیئرمین پی ٹی آئی نے واضح کیا کہ وہ ہر منگل کو اڈیالہ جیل جاتے ہیں اور وہاں موجود رہتے ہیں جب تک پولیس انہیں آگے جانے سے نہ روک دے، اور ملاقات کا وقت ختم ہونے پر واپس آ جاتے ہیں۔ انہوں نے زور دیا کہ بانی سے متعلق خبریں، خاص طور پر ملاقاتوں سے جڑی اطلاعات، بہت حساس نوعیت کی ہوتی ہیں، اس لیے ایسی خبروں کو بغیر تصدیق کے پھیلانا غیر ذمہ دارانہ عمل ہے۔
ذریعہ
ذریعہ: Daily Mumtaz
کلیدی لفظ: بیرسٹر گوہر انہوں نے
پڑھیں:
ایس سی او اجلاس: اسحاق ڈار کا علاقائی امن اور تعاون کے فروغ کے عزم کا اعادہ
نائب وزیراعظم و وزیر خارجہ سینیٹر محمد اسحاق ڈار نے کرغز جمہوریہ کے خوبصورت شہر چولپون آتا میں شنگھائی تعاون تنظیم (ایس سی او) کی کونسل برائے وزرائے خارجہ کے اجلاس میں شرکت کرتے ہوئے علاقائی امن، استحکام، رابطہ کاری اور مشترکہ ترقی کے لیے پاکستان کے غیر متزلزل عزم کا اعادہ کیا۔
دفتر خارجہ کے مطابق سینیٹر اسحاق ڈار نے اجلاس کی میزبانی پر کرغز قیادت اور وزیر خارجہ ژین بیک کولوبایف کا شکریہ ادا کرتے ہوئے شاندار انتظامات کو سراہا۔
https://x.com/ForeignOfficePk/status/2080577745026007042
اپنے خطاب میں نائب وزیراعظم نے شنگھائی تعاون تنظیم کے قیام کی 25ویں سالگرہ پر رکن ممالک کو مبارکباد پیش کی اور کہا کہ ایس سی او گزشتہ پچیس برس کے دوران خطے میں امن، سلامتی، خوشحالی اور پائیدار ترقی کے فروغ کے لیے اہم کردار ادا کر رہی ہے۔ انہوں نے کہا کہ پاکستان ’شنگھائی اسپرٹ‘ کے اصولوں پر مکمل یقین رکھتا ہے اور رکن ممالک کے درمیان تعاون، روابط اور مشترکہ ترقی کے فروغ کے لیے اپنی بھرپور حمایت جاری رکھے گا۔
اسحاق ڈار نے علاقائی امن کے لیے پاکستان کی سفارتی کوششوں کا بھی ذکر کیا، جن میں اسلام آباد مذاکرات اور اس کے نتیجے میں طے پانے والا اسلام آباد مفاہمتی یادداشت شامل ہیں۔ انہوں نے کہا کہ یہ اقدامات پاکستان کے مذاکرات اور سفارت کاری کے ذریعے تنازعات کے حل پر یقین کی عکاسی کرتے ہیں۔
یہ بھی پڑھیںمسئلہ کشمیر کا منصفانہ حل جنوبی ایشیا میں پائیدار امن کی بنیاد ہے، اسحاق ڈار کا آسیان فورم سے خطاب
انہوں نے اجلاس میں شریک وزرائے خارجہ کا شکریہ ادا کیا، جنہوں نے خطے اور اس سے باہر امن و استحکام کے فروغ کے لیے پاکستان کی مخلصانہ کوششوں کو سراہا۔
وزیر خارجہ نے اس موقع پر اعلان کیا کہ پاکستان ستمبر 2026 میں شنگھائی تعاون تنظیم کی کونسل آف ہیڈز آف اسٹیٹ کی سربراہی سنبھالنے کے لیے تیار ہے۔ انہوں نے تمام رکن ممالک کو 2027 میں پاکستان میں منعقد ہونے والے ایس سی او سربراہی اجلاس میں شرکت کی دعوت بھی دی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت سے جنگ اور افغانستان میں کارروائی خارج ازامکان نہیں، وزیردفاع