گل پلازا واقعے کی انکوائری رپورٹ غیر اطمینان بخش ہوئی تو جوڈیشل انکوائری کرائیں گے: شرجیل میمن
اشاعت کی تاریخ: 28th, January 2026 GMT
سندھ کے سینئر وزیر شرجیل انعام میمن نے کہا ہے کہ گل پلازا واقعے کی انکوائری رپورٹ جلد منظرِ عام پر آ سکتی ہے، اور اگر رپورٹ اطمینان بخش نہ ہوئی تو فوراً جوڈیشل انکوائری کرائی جائے گی۔
نجی میڈیاکے پروگرام جیو پاکستان میں گفتگو کرتے ہوئے انہوں نے مزید کہا کہ رپورٹ میں نامزد کیے گئے کسی بھی ذمہ دار کے خلاف سخت کارروائی کی جائے گی۔
شرجیل میمن نے یہ بھی بتایا کہ سندھ حکومت گل پلازا کو دوبارہ تعمیر کرے گی، اور یہاں پہلے جتنی دکانیں تھیں، وہی دوبارہ قائم کی جائیں گی۔ اس تعمیراتی عمل میں کم از کم دو سال کا وقت لگ سکتا ہے۔
صوبائی وزیر نے کہا کہ کراچی چیمبر حکومت کے ساتھ مل کر مارکیٹ ایسوسی ایشن کے ساتھ ایس او پیز پر بات چیت کر رہا ہے، اور جہاں ایس او پیز مکمل نہ ہوں گی، ان مارکیٹوں کو بند کر دیا جائے گا۔
انہوں نے مزید واضح کیا کہ تاجروں کو قریبی پلازوں میں دکانوں میں شفٹ کیا جائے گا، اور حکومت کا پہلا مقصد لوگوں کی جانوں کا تحفظ اور تاجروں کی بحالی ہے۔
ذریعہ
ذریعہ: Daily Mumtaz
پڑھیں:
مانجھی خیل چیک پوسٹ حملہ، گورنر خیبرپختونخوا نے رپورٹ طلب کر لی
پشاور:گورنر خیبرپختونخوا فیصل کریم کنڈی نے ضلع ٹانک کے علاقے مانجھی خیل میں قائم چیک پوسٹ پر ہونے والے حملے کا نوٹس لیتے ہوئے متعلقہ اعلیٰ حکام سے واقعے کی تفصیلی رپورٹ طلب کر لی ہے۔
اپنے بیان میں گورنر فیصل کریم کنڈی نے حملے کی شدید مذمت کرتے ہوئے اسے ہندوستان کے پروردہ خوارج کی مذموم کارروائی قرار دیا۔ انہوں نے کہا کہ اس بزدلانہ حملے میں ہونے والی شہادتوں پر پوری قوم غمزدہ ہے اور شہداء کی قربانیاں ہمیشہ یاد رکھی جائیں گی۔
گورنر خیبرپختونخوا نے متعلقہ حکام کو ہدایت کی کہ حملے میں زخمی ہونے والے سیکیورٹی اہلکاروں کو ہر ممکن اور بہترین طبی سہولیات فراہم کی جائیں تاکہ ان کے علاج میں کسی قسم کی کوتاہی نہ ہو۔
فیصل کریم کنڈی نے شہداء کے اہل خانہ سے دلی ہمدردی اور تعزیت کا اظہار کرتے ہوئے کہا کہ وہ اس دکھ کی گھڑی میں غمزدہ خاندانوں اور شہید اہلکاروں کے ساتھیوں کے ساتھ برابر کے شریک ہیں۔
انہوں نے شہداء کے درجات کی بلندی، زخمیوں کی جلد صحت یابی اور ملک میں امن و استحکام کے لیے دعا بھی کی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا