بابراعظم بہترین کھلاڑی ہیں، انکی بطور کھلاڑی بہت عزت کرتے ہیں: میچل مارش
اشاعت کی تاریخ: 28th, January 2026 GMT
data-id="863a0a8" data-element_type="widget" data-widget_type="theme-post-content.default">
لاہور: آسٹریلوی کرکٹ ٹیم کے کپتان میچل مارش نے پاکستان کے فاسٹ بولرز کو ایک بڑا چیلنج قرار دیتے ہوئے کہا ہے کہ ملک کے پاس ہمیشہ سے تیز گیند بازوں کی شاندار تاریخ رہی ہے اور شاہین آفریدی ان کے لیے خاص طور پر خطرہ ہیں۔
لاہور میں پریس کانفرنس کے دوران مارش نے کہا کہ پاکستانی کپتان بابراعظم کے کھیل کو وہ بہت عزت دیتے ہیں اور ان کے خلاف کھیلنا ہر ٹیم کے لیے چیلنج ہوتا ہے۔
مارش نے واضح کیا کہ پاکستان کے فاسٹ بولرز کی یادگار کارکردگی ہمیشہ سے عالمی کرکٹ میں قابل ذکر رہی ہے، اور اس سیریز میں بھی ان کی رفتار اور تکنیک کو بھانپنا ایک اہم امتحان ہوگا۔
انہوں نے مزید کہا کہ آسٹریلوی ٹیم نے اسپن بولرز کے لیے حکمت عملی تیار کی ہے اور بیٹنگ کے دوران زیادہ جارحانہ انداز اپنانے کی کوشش کریں گے۔ تاہم، لاہور کی کنڈیشنز ان کے لیے کچھ حد تک چیلنجنگ ہوں گی، اور وہ اپنے کھیلنے کے فیصلے آج رات یا کل کریں گے۔
دوسری جانب پاکستان کے کپتان سلمان آغا نے کہا کہ ہر کھلاڑی کو اپنے رول کا ادراک ہے اور صورتحال کے مطابق کھیلنا ٹیم کی کامیابی کے لیے کلیدی ہے۔
انہوں نے واضح کیا کہ بابر اعظم کی موجودہ فارم ٹیم کے لیے قیمتی ہے، لیکن بگ بیش لیگ میں ان کی کارکردگی اس سیریز پر اثر انداز نہیں ہوگی۔
سلمان آغا نے زور دیا کہ ٹی ٹوئنٹی انٹرنیشنل میں کوئی ٹیم چھوٹی یا بڑی نہیں ہوتی، ہر میچ میں حریف کی طاقت دیکھنے کے بجائے اپنی پرفارمنس بہتر بنانے پر توجہ دی جاتی ہے۔
ان کا کہنا تھا کہ حالیہ میچز میں زیادہ رنز بنانے کے لیے کنڈیشنز موزوں نہیں تھیں، لیکن جہاں مواقع ملیں، وہاں بیٹنگ کے دوران ٹیم تیزی سے رنز بنانے کی پوری کوشش کرے گی۔
.
ذریعہ
ذریعہ: Jasarat News
کلیدی لفظ: کے لیے
پڑھیں:
کوئٹہ، سرکاری دفاتر میں ایجنٹس کیخلاف ایف آئی اے کی کارروائی، 14 افراد گرفتار
ڈائریکٹر ایف آئی اے بلوچستان کے مطابق ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کیلئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔ اسلام ٹائمز۔ وفاقی تحقیقات ادارے ایف آئی ای نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا ہے۔ ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔ انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے نے کہا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔ بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لئے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی