ایران کیخلاف ٹرمپ کی نئی ہرزہ سرائی
اشاعت کی تاریخ: 28th, January 2026 GMT
انتہاءپسند امریکی صدر نے مغربی ایشیائی علاقے میں ایک بڑا فوجی بیڑا بھیجنے کے بارے اپنے سابقہ بیانات کو دہراتے ہوئے ایران کو ایک مرتبہ پھر دھمکیوں کا نشانہ بنایا ہے اسلام ٹائمز۔ایران کے خلاف اپنی تازہ ہرزہ سرائی میں انتہاءپسند امریکی صدر ڈونلڈ ٹرمپ نے دعوی کیا کہ ایک بڑا امریکی فوجی بیڑہ ایران کی جانب بڑھ رہا ہے۔ سماجی نیٹ ورک ٹروتھ سوشل پر، ایران کے بارے اپنے سابقہ بیانات کو دہراتے ہوئے ڈونلڈ ٹرمپ نے کہا ہے کہ ایک بہت بڑا بحری بیڑہ ایران کی جانب بڑھ رہا ہے، نیز یہ کہ یہ بحری بیڑہ طاقت، جذبے اور عظیم مقصد کے ساتھ تیزی سے آگے بڑھ رہا ہے!
ٹرمپ کے مطابق، ابراہم لنکن کی سربراہی میں ایران کی جانب رواں یہ بحری بیڑہ، اس بحری بیڑے سے بڑا ہے کہ جسے وینزویلا بھیجا گیا تھا۔ انتہاءپسند امریکی صدر نے کہا کہ وینزویلا بھیجے گئے بیڑے کی طرح، یہ بحری بیڑہ بھی اپنے مشن کو تیزی سے، اور اگر ضروری ہو تو طاقت کے ساتھ، فوری طور پر پورا کرنے کو تیار اور پرعزم ہے! ٹرمپ نے کہا کہ مجھے امید ہے کہ ایران جلد ہی ''میز'' پر آ جائے گا اور ایک منصفانہ معاہدے پر بات چیت کرے گا، جوہری ہتھیاروں کے بغیر ایک ایسا معاہدہ کہ جو تمام فریقوں کے لئے اچھا ہو.
انتہاءپسند امریکی صدر نے مزید کہا کہ جیسا کہ میں نے ایک بار پہلے بھی ایران سے کہا تھا کہ وہ معاہدہ کر لے، انہوں نے ایسا نہیں کیا اور پھر ''آپریشن مڈ نائٹ ہیمر'' پیش آیا، جو ایران کے لئے بہت بڑا دھچکا تھا، البتہ اگلا حملہ اس سے کہیں زیادہ برا ہو گا.. دوبارہ ایسا نہ ہونے دیں!!
ذریعہ
ذریعہ: Islam Times
کلیدی لفظ: بحری بیڑہ ایران کی رہا ہے
پڑھیں:
جرمنی کا بڑا فیصلہ، بحیرۂ احمر سے دو جنگی بحری جہاز واپس بلانے کا اعلان
برلن: جرمنی نے بحیرۂ احمر میں تعینات اپنے دو جنگی بحری جہاز واپس بلانے کا فیصلہ کر لیا ہے۔
جرمن وزارتِ دفاع کے مطابق امریکا اور ایران کے درمیان حالیہ سفارتی پیش رفت کے بعد آبنائے ہرمز میں بارودی سرنگیں صاف کرنے کے ممکنہ مشن کی فوری ضرورت باقی نہیں رہی۔
جرمن وزارتِ دفاع کے مطابق واپس بلائے جانے والے جہازوں میں ’فلڈا‘ نامی مائن ہنٹر اور ’موزیل‘ نامی سپورٹ شپ شامل ہیں۔ دونوں جہاز جون میں نہرِ سویز کے راستے بحیرۂ احمر پہنچے تھے اور اس وقت جبوتی میں تعینات تھے۔
ان جہازوں کے ساتھ تقریباً 140 اہلکار بھی موجود تھے، جن میں بارودی سرنگیں صاف کرنے والے غوطہ خور، خودکار زیرِ آب نظام کے ماہرین اور سکیورٹی ٹیمیں شامل تھیں۔
جرمن حکام کے مطابق ان بحری جہازوں کو اس خدشے کے پیش نظر تیار رکھا گیا تھا کہ اگر ایران آبنائے ہرمز میں سمندری بارودی سرنگیں بچھاتا ہے تو انہیں فوری کارروائی کے لیے استعمال کیا جا سکے۔
جرمنی کے وزیر دفاع بورس پسٹوریئس پہلے ہی واضح کر چکے تھے کہ آبنائے ہرمز میں کسی بھی فوجی مشن کا انحصار سیاسی اور سفارتی صورتحال کے ساتھ ساتھ ایران اور عمان سمیت علاقائی ممالک کی رضامندی پر ہوگا۔
وزارتِ دفاع نے کہا کہ یہ بحری مشن کسی جنگی کارروائی کا حصہ نہیں تھا بلکہ یورپی ممالک کی جانب سے عالمی بحری راستوں پر آزادانہ جہاز رانی کے تحفظ کی کوششوں کا حصہ تھا۔
اگرچہ یہ دونوں جہاز واپس بلائے جا رہے ہیں، تاہم جرمنی بدستور یورپی یونین کے آپریشن اسپائیڈیز میں شامل رہے گا، جس کا مقصد بحیرۂ احمر میں تجارتی جہازوں کو یمن کے حوثی گروپ کے حملوں سے تحفظ فراہم کرنا ہے۔
اس کے علاوہ جرمنی نے اعلان کیا ہے کہ وہ لبنان کے ساحل پر اقوام متحدہ کے امن مشن یونیفل میں اپنی بحری شمولیت بھی 2026 کے اختتام تک برقرار رکھے گا۔
جرمن حکام نے خبردار کیا ہے کہ اگرچہ فوری خطرات میں کچھ کمی آئی ہے، لیکن مشرقِ وسطیٰ کی مجموعی سکیورٹی صورتحال اب بھی غیر یقینی ہے۔ ان کے مطابق اگر امریکا اور ایران کے درمیان کشیدگی دوبارہ بڑھتی ہے تو آبنائے ہرمز اور بحیرۂ احمر میں عالمی جہاز رانی ایک مرتبہ پھر متاثر ہو سکتی ہے۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم