کولمبو: پاکستان سری لنکا مشترکہ اقتصادی کمیشن کا 13واں اجلاس، مختلف شعبوں میں تعاون بڑھانے پر اتفاق
اشاعت کی تاریخ: 28th, January 2026 GMT
سری لنکا اور پاکستان کے درمیان مشترکہ اقتصادی کمیشن (JEC) کا 13واں اجلاس کولمبو میں منعقد ہوا، جس کی قیادت وزیرِاعظم کے خصوصی معاون ہارون اختر خان نے کی۔
اجلاس میں دونوں ممالک کے تعلقات کو مزید مضبوط بنانے اور مختلف شعبوں میں تعاون بڑھانے پر اتفاق کیا گیا۔ اجلاس میں فیصلہ کیا گیا کہ آئی ٹی اور ڈیجیٹل اکانومی میں مشترکہ ورکنگ گروپ قائم کیا جائے گا، اور ابھرتی ہوئی ٹیکنالوجیز میں باہمی تعاون کو فروغ دیا جائے گا۔
مزید پڑھیں: پاکستان اور سری لنکا کا ثقافتی تعاون بڑھانے پر اتفاق، مذہبی سیاحت کو فروغ دینے کا عزم
صنعتی تعاون اور باہمی تجارت کو وسعت دینے پر بھی غور کیا گیا، اور سری لنکا نے پاکستانی فارماسیوٹیکل کمپنیوں کو سرمایہ کاری کی دعوت دی۔ دونوں ممالک نے SME سیکٹر میں تعاون مضبوط بنانے اور زراعت و لائیو اسٹاک کے شعبے میں اہم پیش رفت پر اتفاق کیا، جس میں گوشت اور بیجوں کی تجارت کے مسائل شامل ہیں۔
اجلاس میں سری لنکن انناس اور ایووکاڈو کی پاکستان برآمدات کے طریقہ کار میں بھی پیشرفت کی گئی۔ علاوہ ازیں، سری لنکن طلبہ کے لیے پاکستان کو اعلیٰ تعلیمی مرکز کے طور پر فروغ دینے کا فیصلہ کیا گیا۔
مزید پڑھیں: سری لنکا کے سابق ٹیسٹ کرکٹر ڈی ایس ڈی سلوا 83 برس کی عمر میں انتقال کر گئے
سائنس و ٹیکنالوجی میں مشترکہ تحقیق، جدید شعبوں میں تعاون، صحت کے شعبے میں مشترکہ تحقیق، ادویات اور ریگولیٹری تعاون کو بڑھانے کے فیصلے بھی اجلاس میں شامل تھے۔
سمندری تعاون کے حوالے سے کراچی اور گوادر بندرگاہوں کے ذریعے شراکت داری پر غور کیا گیا، اور پاکستان کی جانب سے سری لنکا کو شپ بلڈنگ اور میری ٹائم ٹریننگ کی پیشکش کی گئی۔ اجلاس میں فری ٹریڈ ایگریمنٹ پر پیشرفت کا جائزہ اور دو طرفہ تجارت بڑھانے کے لیے عملی اقدامات پر بھی اتفاق کیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان سری لنکا کولمبو مشترکہ اقتصادی کمیشن کا 13واں اجلاس، ہارون اختر خان.
ذریعہ
ذریعہ: WE News
کلیدی لفظ: پاکستان سری لنکا کولمبو مشترکہ اقتصادی کمیشن کا 13واں اجلاس ہارون اختر خان میں تعاون اجلاس میں پر اتفاق سری لنکا کیا گیا
پڑھیں:
ایک ملک نے پاکستانیوں کیلیے ویزہ فیس ختم کردی
سری لنکا کی حکومت نے پاکستانیوں کے لیے ویزہ فیس ختم کردی۔
ایکسپریس نیوز کے مطابق کراچی میں تعینات قونصل جنرل سری لنکا سنجیوا پٹیوالا نے میڈیا سے گفتگومیں بتایا کہ سری لنکن حکومت نے پاکستانیوں کے لیے ویزہ فیس ختم کردی جس کے بعد سری لنکا جانے والے پاکستانیوں سیاحوں کی تعداد میں اضافہ ہوا ہے۔
انہوں نے بتایا کہ پاکستان سے سری لنکا جانے والے ویزہ کی درخواست آن لائن دے سکتے ہیں۔
قونصل جنرل نے بتایا کہ پاکستان اور سری لنکن کے دوطرفہ تعلقات اہم ہیں، حکومت پاکستان نے 100 سری لنکن اسٹوڈنٹس کوعلامہ اقبال یونیورسٹی میں اسکالرشپ دی ہے جو ایک مثبت اقدام ہے۔
انہوں نے کاہ کہ پاکستان سری لنکا کےدرمیان فری ٹریڈ ایگریمنٹ پرسن 2005 میں دستخط ہوئے تھے لیکن تاحال دونوں ملکوں میں ٹریڈ بیریئرز موجود ہیں۔
قونصل جنرل نے مزید کہا کہ پاکستان سری لنکا درمیان درمیان دفاعی تعلقات بھی اہم ہیں۔
پاکستان نے ورلڈ کپ 2028 کیلیے براہ راست کوالیفائی کر لیا