5 فروری کو یوم یکجہتی کشمیر بھرپور انداز سے منایا جائےگا، وزیر امور کشمیر امیر مقام کا عزم
اشاعت کی تاریخ: 28th, January 2026 GMT
وفاقی وزیر امور کشمیر و گلگت بلتستان انجینیئر امیر مقام نے کہا ہے کہ 5 فروری کو یوم یکجہتی کشمیر ہمیشہ کی طرح بھرپور انداز میں منایا جائے گا اور پاکستانی قوم کشمیری عوام کے ناقابل تنسیخ حق خودارادیت کی حمایت کا عملی اظہار کرے گی۔
انجینیئر امیر مقام نے یوم یکجہتی کشمیر کے حوالے سے بین وزارتی اور بین الصوبائی رابطہ اجلاس سے خطاب کرتے ہوئے کہا کہ بھارتی ظلم و بربریت کے نتیجے میں ہزاروں کشمیری شہید اور ہزاروں قید خانوں میں موجود ہیں جبکہ ہزاروں بچے یتیم ہو گئے ہیں۔
مزید پڑھیں: یوم یکجہتی کشمیر: تاریخ، سیاست اور عالمی ضمیر کا امتحان
انہوں نے کہاکہ کشمیری شہدا کو خراج عقیدت پیش کرتے ہوئے پوری قوم اس عزم کے ساتھ یوم یکجہتی کشمیر منائے گی کہ اقوام متحدہ کی سلامتی کونسل کی متعلقہ قراردادوں کے مطابق کشمیری عوام کے حق خودارادیت کی منصفانہ جدوجہد کی حمایت کی جائے گی۔
انہوں نے مزید کہاکہ وزیراعظم شہباز شریف کی قیادت میں حکومت اقوام متحدہ کی جنرل اسمبلی سمیت تمام بین الاقوامی فورمز پر مسئلہ کشمیر کو اجاگر کر رہی ہے۔
انجینیئر امیر مقام نے تمام پارلیمانی جماعتوں اور مختلف شعبہ ہائے زندگی سے تعلق رکھنے والے لوگوں پر زور دیا کہ وہ 5 فروری کو یوم یکجہتی کشمیر میں بھرپور شرکت کریں تاکہ بھارت کو یہ پیغام واضح طور پر دیا جا سکے کہ پاکستان کی حکومت اور عوام کشمیری عوام کے حق خودارادیت پر متحد ہیں۔
انہوں نے کہاکہ پاکستان کشمیری عوام کی سیاسی، سفارتی اور اخلاقی حمایت جاری رکھے گا جب تک وہ اقوام متحدہ کی قراردادوں کے مطابق اپنا حق خودارادیت حاصل نہیں کر لیتے۔
اجلاس میں کل جماعتی حریت کانفرنس آزاد جموں و کشمیر کے ایڈووکیٹ پرویز احمد شاہ، وفاقی سیکریٹری امور کشمیر و گلگت بلتستان ظفر حسن، ایڈیشنل سیکریٹری امور کشمیر و گلگت بلتستان کامران رحمان خان اور جوائنٹ منور حسین نے بھی شرکت کی۔
مزید پڑھیں: یوم یکجہتی کشمیر: صدر اور وزیراعظم کا مظلوم کشمیریوں کی مکمل اخلاقی، سفارتی اور سیاسی حمایت جاری رکھنے کا عزم
اجلاس میں 5 فروری یوم یکجہتی کشمیر کی تقریبات کے حوالے سے جامع لائحہ عمل پر تبادلہ خیال اور جائزہ لیا گیا۔
وفاقی وزارتوں اور چاروں صوبائی حکومتوں بشمول آزاد جموں و کشمیر اور گلگت بلتستان نے انتظامات اور تیاریوں کے حوالے سے اجلاس کو تفصیلی بریفنگ دی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امیر مقام وزیر امور کشمیر وی نیو یوم یکجہتی کشمیر.
ذریعہ
ذریعہ: WE News
کلیدی لفظ: وی نیو یوم یکجہتی کشمیر یوم یکجہتی کشمیر گلگت بلتستان حق خودارادیت کشمیری عوام
پڑھیں:
وزیراعظم کا آئی ٹی برآمدات 4.6 ارب ڈالر تک پہنچنے پر اطمینان کا اظہار
سٹی42: وزیراعظم محمد شہباز شریف کی زیرِ صدارت آئی ٹی شعبے کے اسٹرٹیجک روڈ میپ پر پیش رفت کا جائزہ لینے کے لیے اعلیٰ سطح کا اجلاس منعقد ہوا، جس میں وزارتِ انفارمیشن ٹیکنالوجی و ٹیلی کام کی کارکردگی اور ڈیجیٹل معیشت کے فروغ سے متعلق اقدامات پر بریفنگ دی گئی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
اجلاس میں وزیراعظم نے پاکستان کی سالانہ آئی ٹی برآمدات میں 21 فیصد اضافے کے ساتھ 4.6 ارب امریکی ڈالر تک پہنچنے پر وزیرِ انفارمیشن ٹیکنالوجی اور متعلقہ ٹیم کو مبارکباد دی۔ انہوں نے کہا کہ آئی ٹی برآمدات میں نمایاں اضافہ حکومت کی ڈیجیٹل معیشت کے فروغ کے لیے اختیار کی گئی پالیسیوں کا نتیجہ ہے اور آئی ٹی شعبے کی ترقی حکومت کی اولین ترجیحات میں شامل ہے۔ وزیراعظم نے ہدایت کی کہ آئی ٹی سے متعلق تربیتی کورسز کی معتبر تھرڈ پارٹی ویلیڈیشن یقینی بنائی جائے اور تربیت کے معیار پر کسی قسم کا سمجھوتہ نہ کیا جائے۔ انہوں نے ملک بھر میں ڈیجیٹل انفراسٹرکچر کو مزید بہتر بنانے کی بھی ہدایت کی۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
اجلاس کو بریفنگ میں بتایا گیا کہ موبائل اسپیکٹرم جون 2025 کے 274 میگا ہرٹز سے بڑھ کر جون 2026 میں 880 میگا ہرٹز ہو چکا ہے، جس سے انٹرنیٹ کی رفتار اور کنیکٹیویٹی میں نمایاں بہتری آئے گی۔ اس کے علاوہ "کنیکٹ پاکستان وژن 2030" کے اجراء کی تیاریوں سے بھی آگاہ کیا گیا۔بریفنگ کے مطابق باغ، آزاد جموں و کشمیر میں سافٹ ویئر ٹیکنالوجی پارک مکمل ہو چکا ہے، جبکہ پاکستان میں اسمارٹ فون استعمال کرنے والوں کا تناسب 2024 کے 62 فیصد سے بڑھ کر جون 2026 میں 72 فیصد ہو گیا ہے۔ جون 2026 تک 5.1 ملین گھروں کو فکسڈ براڈ بینڈ یا فائبر کنکشن فراہم کیے جا چکے ہیں۔ اجلاس کو بتایا گیا کہ گزشتہ مالی سال آئی ٹی برآمدات میں فری لانسرز کا حصہ 1.164 ارب ڈالر رہا، جبکہ "ڈیجیٹل نیشن پاکستان" کے تحت 130 سرکاری خدمات کو ڈیجیٹلائز کیا جا چکا ہے۔ اسی عرصے میں آئی ٹی شعبے میں 942,646 تربیتی سرٹیفکیٹس جاری کیے گئے، 5,053 ہائی اینڈ تربیتی پروگرام اور لیڈرشپ و سافٹ اسکلز سے متعلق 2,700 تربیتی سیشنز منعقد کیے گئے۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
بریفنگ میں مزید بتایا گیا کہ ویمن انوویشن اینڈ اسٹارٹ اپ ایمپاورمنٹ لیب کا افتتاح جلد کیا جائے گا، جبکہ چینی کمپنی علی بابا کے ساتھ مفاہمتی یادداشت کے تحت متعدد وفاقی وزارتوں اور اداروں میں مصنوعی ذہانت کے منصوبوں اور تربیتی پروگراموں پر کام جاری ہے۔
اجلاس میں وفاقی وزراء اعظم نذیر تارڑ، احد خان چیمہ، شزا فاطمہ خواجہ، خالد مقبول صدیقی، وزیرِ مملکت بلال اظہر کیانی، گورنر اسٹیٹ بینک جمیل احمد اور متعلقہ اعلیٰ سرکاری حکام نے شرکت کی۔
شہر میں بارش سے بجلی کا ترسیلی نظام متاثر، 130 سے زائد فیڈرز بند
ٹی20 ورلڈ کپ 2026: پاکستان نے سپر 8 کے لیے جگہ پکی کر لی