صدر مملکت سے ابوظبی پورٹس گروپ کے حکام کی ملاقات، کراچی پورٹ کی توسیع اور سرمایہ کاری پر اتفاق
اشاعت کی تاریخ: 28th, January 2026 GMT
data-id="863a0a8" data-element_type="widget" data-widget_type="theme-post-content.default">
صدر مملکت آصف علی زرداری سے ابوظبی پورٹس گروپ کے اعلیٰ حکام نے ملاقات کی جس میں پاکستان میں ابوظبی پورٹس کی سرمایہ کاری، کراچی پورٹ کی توسیع اور بندرگاہوں کے جدید انفراسٹرکچر پر تفصیلی تبادلۂ خیال کیا گیا۔
ملاقات کے دوران دونوں جانب سے بحری تجارت کے فروغ اور بندرگاہی شعبے میں تعاون کو مزید مستحکم بنانے کی اہمیت پر زور دیا گیا۔
صدر آصف علی زرداری اور ابوظبی پورٹس گروپ کے حکام کے درمیان کراچی پورٹ کی توسیع میں تعاون بڑھانے پر اتفاق ہوا۔ اس موقع پر بندرگاہوں کی استعداد میں اضافے، جدید ٹیکنالوجی کے استعمال اور انفراسٹرکچر کی بہتری کے لیے مشترکہ حکمت عملی اپنانے پر بھی گفتگو کی گئی، تاکہ خطے میں تجارتی سرگرمیوں کو فروغ دیا جا سکے۔
صدر مملکت نے پاکستان میں بندرگاہی ترقی کے لیے ابوظبی پورٹس کے کردار کو سراہتے ہوئے اسلام آباد میں ابوظبی پورٹس کے دفتر کے قیام کا خیرمقدم کیا۔ انہوں نے کہا کہ پاکستان غیر ملکی سرمایہ کاری کو قدر کی نگاہ سے دیکھتا ہے اور ایسے منصوبے ملکی معیشت اور بحری تجارت کے لیے انتہائی اہم ہیں۔
ملاقات میں دونوں وفود نے اس بات پر بھی اتفاق کیا کہ پاکستان اور متحدہ عرب امارات کے درمیان شراکت داری کو مزید وسعت دی جائے گی۔ دونوں ممالک نے بحری تجارت بڑھانے، بندرگاہوں کی کارکردگی بہتر بنانے اور طویل المدتی تعاون کے لیے مل کر کام کرنے کے عزم کا اعادہ کیا۔
.
ذریعہ
ذریعہ: Jasarat News
کلیدی لفظ: ابوظبی پورٹس کے لیے
پڑھیں:
اسحاق ڈار اور چینی وزیر خارجہ وانگ ای کی ملاقات، دوطرفہ تعلقات اور علاقائی امور پر تبادلہ خیال
شنگھائی تعاون تنظیم (ایس سی او) وزرائے خارجہ کونسل کے اجلاس کے موقع پر نائب وزیرِ اعظم و وزیرِ خارجہ محمد اسحاق ڈار اور چین کے وزیرِ خارجہ وانگ ای کے درمیان ملاقات ہوئی۔
ترجمان دفتر خارجہ کے مطابق دونوں رہنماؤں نے دوطرفہ تعلقات، علاقائی پیش رفت اور کثیر الجہتی فورمز میں تعاون پر تبادلہ خیال کیا۔
نائب وزیرِ اعظم محمد اسحاق ڈار نے علاقائی امن و استحکام کے لیے پاکستان کی سفارتی کوششوں کو سراہنے پر چینی وزیرِ خارجہ وانگ ای کا شکریہ ادا کیا۔
چینی وزیرِ خارجہ وانگ ای نے ایس سی او کونسل برائے سربراہانِ مملکت کی آئندہ صدارت سنبھالنے اور 2027 میں ایس سی او سربراہی اجلاس کی میزبانی کرنے پر پاکستان کے لیے نیک خواہشات کا اظہار کیا۔
بھارت سے جنگ اور افغانستان میں کارروائی خارج ازامکان نہیں، وزیردفاع