کراچی، دو مختلف حادثات میں 2 راہگیر جاں بحق، ایک شدید زخمی
اشاعت کی تاریخ: 29th, January 2026 GMT
کراچی:
کراچی کے مختلف علاقوں میں پیش آنے والے دو افسوسناک ٹریفک حادثات میں دو راہگیر جاں بحق جبکہ ایک موٹرسائیکل سوار شدید زخمی ہو گیا۔
پہلا واقعہ سبزی منڈی، ناردرن بائی پاس پل کے قریب پیش آیا، جہاں نامعلوم گاڑی کی ٹکر سے دو راہگیر موقع پر ہی جاں بحق ہو گئے۔
اطلاع ملتے ہی چھیپا کے رضاکار جائے وقوعہ پر پہنچے اور جاں بحق افراد کی لاشیں عباسی شہید اسپتال منتقل کر دیں۔
پولیس کے مطابق جاں بحق ہونے والوں میں سے ایک کی شناخت ریحان کے نام سے ہو گئی ہے، جبکہ دوسرے راہگیر کی شناخت کا عمل جاری ہے۔ نامعلوم گاڑی حادثے کے بعد موقع سے فرار ہو گئی۔
دوسرا حادثہ راشد منہاس روڈ، جوہر موڑ کے قریب پیش آیا، جہاں ایک تیز رفتار کار نے موٹرسائیکل کو ٹکر مار دی۔
مزید پڑھیںکراچی؛ فائرنگ سے ایک ماہ قبل کورٹ میرج کرنے والا جوڑا جاں بحق
کراچی: ٹرک نے کمسن بچے کو کچل دیا، گاڑی کی ٹکر سے خاتون جاں بحق
ٹکر کے نتیجے میں موٹرسائیکل رگڑتے ہوئے کار کے نیچے آ گئی اور موٹرسائیکل سوار شدید زخمی ہو گیا۔
چھیپا حکام نے زخمی کو فوری طور پر طبی امداد کیلئے اسپتال منتقل کیا۔
عینی شاہدین کے مطابق حادثے کی ذمہ دار گاڑی میں سوار مرد اور خاتون کار سے اتر کر فرار ہو گئے۔
پولیس کا کہنا ہے کہ حادثے میں ملوث گاڑی کسی کے نام پر رجسٹرڈ نہیں ہے، جس کے باعث ملزمان کی شناخت میں مشکلات پیش آ رہی ہیں۔
پولیس نے دونوں واقعات کا مقدمہ درج کر کے فرار ملزمان کی تلاش شروع کر دی ہے اور قریبی علاقوں کی سی سی ٹی وی فوٹیج حاصل کی جا رہی ہے۔
.
ذریعہ
ذریعہ: Express News
پڑھیں:
خیبر پختونخوا میں بارشوں اور فلش فلڈز کے حادثات میں 22 افراد جاں بحق
صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اسلام ٹائمز۔ خیبر پختونخوا میں ہونے والی بارشوں اور فلش فلڈز کے حادثات میں 5 روز کے دوران 22 شہری جاں بحق جبکہ 23 زخمی ہوگئے۔ صوبائی ڈیزاسٹر مینجمنٹ اتھارٹی کی جانب سے جاری اعلامیے کے مطاق 19 جولائی سے اب تک خیبرپختونخوا کے مختلف علاقوں میں بارشوں اور فلش فلڈز سے مجموعی طور پر 9 مرد، 10 بچے اور تین خواتین جاں بحق ہوئیں۔ اعلامیے کے مطابق زخمیں میں 11 مرد، 5 خواتین 7 بچے شامل ہیں جبکہ تیز بارشوں اور فلش فلڈ کے باعث مجموعی طور پر 37 گھروں کو نقصان پہنچا جس میں 29 گھروں کو جزوی جبکہ 8 گھر مکمل منہدم ہوگئے۔ پی ڈی ایم اے کے مطابق حادثات پشاور، نوشہرہ، خیبر، مردان , بونیر، باجوڑ، شانگلہ، صوابی، چترال لوئر، دیر لوئر اور اپر، ایبٹ آباد، مانسہرہ،ہری پور، ٹانک، تور غر اور کرم اور شمالی و جنوبی وزیرستان میں پیش آئے۔
اعلامیے میں بتایا گیا ہے کہ پی ڈی ایم اے، ریسکیو 1122، ضلعی انتظامیہ اور متعلقہ اداراے آپس میں رابطے میں اور امدادی سرگرمیاں جاری رکھے ہوئے ہیں جبکہ متاثرہ اضلاع کی انتظامیہ کو ہدایت کی گئی ہے کہ وہ متاثرین میں جلد امدادی سامان تقسیم کردے۔ ڈی جی پی ڈی ایم اے نے ضلعی انتظامیہ کو امدادی سرگرمیاں تیز کرنے اور متاثرین کو فوری معاونت فراہم کرنے کی ہدایت کی اور بتایا کہ صوبہ کے تمام دریاؤں اور ندی نالوں میں پانی کی سطح اور بہاو معمول کے مطابق ہے۔ پی ڈی ایم اے کے مطابق تیز بارشوں کا یہ سلسلہ آج تک وقفے وقفے سے جاری رہنے کا امکان ہے۔ پی ڈی ایم اے نے عوام سے اپیل کی کہ وہ غیر ضروری سفر سے گریز کریں اور حساس سیاحتی مقامات کا رخ نہ کریں جبکہ حکومتی اداروں کی جانب سے الرٹس/ اور ایڈوائزری پر عمل کریں۔
ڈی جی پی ڈی ایم اے کے مطابق ایمرجنسی آپریشن سینٹر مکمل طور پر فعال ہے، عوام کسی بھی نا خوشگوار واقعے کی اطلاع ، موسمی صورتحال سے آگائی اور معلومات کے لیے فری ہیلپ لائن 1700 پر رابطہ کریں۔
بھارت سے جنگ اور افغانستان میں کارروائی خارج ازامکان نہیں، وزیردفاع