اسلام آباد ہائی کورٹ نے سلمان اکرم راجا کی عمران خان سے ملاقات نہ پر رپورٹ طلب کرلی
اشاعت کی تاریخ: 29th, January 2026 GMT
اسلام آباد ہائیکورٹ نے سلمان اکرم راجہ کی بانی پی ٹی آئی سے ملاقات نہ پر رپورٹ طلب کرلی۔ عدالت نے کہا ہے کہ ملاقات نہ کروائی گئی اسٹیٹ کونسل رپورٹ جمع کروائیں۔
اسلام آباد ہائیکورٹ جسٹس ارباب محمد طاہر نے بانی پی ٹی آئی کے ایکس اکاؤنٹ پر پابندی کے کیس کا حکمنامہ جاری کر دیا۔
حکمنامہ کے میں کہا ہے کہ سلمان اکرم راجہ کے مطابق اُن کی بانی پی ٹی آئی سے ملاقات نہیں کرائی گئی، وکیل کے مطابق بانی پی ٹی آئی سے ہدایات لیے بغیر وہ کیس میں معاونت نہیں کر سکتے۔ اس سے متعلق اسٹیٹ کونسل رپورٹ جمع کروائیں۔
کیس کی آئندہ سماعت 24 فروری کو ہو گی، بانی پی ٹی آئی کے ایکس/ٹویٹر اکاؤنٹ پر پابندی کی درخواست عدالت میں زیرسماعت ہے۔اسلام آباد ہائیکورٹ نے سلمان اکرم راجہ ایڈووکیٹ کی بانی سے ملاقات کرانے کا حکم دیا تھا۔
.
ذریعہ
ذریعہ: Express News
کلیدی لفظ: بانی پی ٹی آئی سلمان اکرم سے ملاقات
پڑھیں:
مانجھی خیل چیک پوسٹ حملہ، گورنر خیبرپختونخوا نے رپورٹ طلب کر لی
پشاور:گورنر خیبرپختونخوا فیصل کریم کنڈی نے ضلع ٹانک کے علاقے مانجھی خیل میں قائم چیک پوسٹ پر ہونے والے حملے کا نوٹس لیتے ہوئے متعلقہ اعلیٰ حکام سے واقعے کی تفصیلی رپورٹ طلب کر لی ہے۔
اپنے بیان میں گورنر فیصل کریم کنڈی نے حملے کی شدید مذمت کرتے ہوئے اسے ہندوستان کے پروردہ خوارج کی مذموم کارروائی قرار دیا۔ انہوں نے کہا کہ اس بزدلانہ حملے میں ہونے والی شہادتوں پر پوری قوم غمزدہ ہے اور شہداء کی قربانیاں ہمیشہ یاد رکھی جائیں گی۔
گورنر خیبرپختونخوا نے متعلقہ حکام کو ہدایت کی کہ حملے میں زخمی ہونے والے سیکیورٹی اہلکاروں کو ہر ممکن اور بہترین طبی سہولیات فراہم کی جائیں تاکہ ان کے علاج میں کسی قسم کی کوتاہی نہ ہو۔
فیصل کریم کنڈی نے شہداء کے اہل خانہ سے دلی ہمدردی اور تعزیت کا اظہار کرتے ہوئے کہا کہ وہ اس دکھ کی گھڑی میں غمزدہ خاندانوں اور شہید اہلکاروں کے ساتھیوں کے ساتھ برابر کے شریک ہیں۔
انہوں نے شہداء کے درجات کی بلندی، زخمیوں کی جلد صحت یابی اور ملک میں امن و استحکام کے لیے دعا بھی کی۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا