ملکی ترقی وخوشحالی لیگی حکومت کی اولین ترجیح ہے:عارف سندھیلہ
اشاعت کی تاریخ: 29th, January 2026 GMT
شیخوپورہ (نمائندہ نوائے وقت) پاکستان مسلم لیگ (ن) کے ضلعی صدر و سابق رکن صوبائی اسمبلی محمد عارف خان سندھیلہ نے کہا ہے کہ مرکز اور پنجاب کے مثالی منصوبے لیگی قیادت کی مرہون منت ہےں۔ پاکستان کو ترقی کی راہ پر گامزن کرنا حکومت کی اولین ترجیح ہے ۔میڈیا سے گفتگو کرتے انہوںنے کہا کہ میاں نوازشریف کا ایجنڈا معیشت کی بحالی اور بیرونی قرضوں اور مہنگائی سے چھٹکارا دلانا ہےجس کیلئے وزیر اعظم شہبازشریف اوروزیراعلیٰ مریم نوازکوشاں ہیں۔ نواز لیگ کے برسر اقتدار آنے کاروباری سرگرمیوں کو فروغ ملا اور صنعتیں مستحکم ہوئیں اور عوام کے معیار زندگی میں نمایاں بہتری آئی۔ نوازلیگ نے ملک میں ترقی وخوشحالی کے نئے دور کا آغاز کردیا ہے۔ ان شاءاللہ مرحلہ وار تمام انتخابی وعدے پورے کئے جائیں گے۔
.
ذریعہ
ذریعہ: Nawaiwaqt
پڑھیں:
صدر مملکت سے بلوچستان کے صوبائی وزراء کی ملاقات، مجموعی صورتحال پر تبادلہ خیال
کراچی:صدرِ مملکت آصف علی زرداری سے بلوچستان کے صوبائی وزراء کی بلاول ہاؤس کراچی میں ملاقات ہوئی جس میں بلوچستان میں امن و امان، ترقیاتی منصوبوں اور صوبے کی مجموعی صورتحال پر تبادلہ خیال کیا گیا۔
صدر ِمملکت نے بلوچستان میں ترقی کے عمل کو مزید تیز کرنے کی ضرورت پر زور دیتے ہوئے کہا کہ بلوچستان کے عوام کو بنیادی سہولیات کی فراہمی اور صوبے کی ترقی حکومت کی اولین ترجیحات میں شامل ہے۔
انہوں نے بلوچستان میں جاری ترقیاتی منصوبوں پر پیش رفت تیز کرنے کی ہدایت کی۔
صدر مملکت نے کہا کہ بلوچستان کی ترقی، امن و امان کی صورتحال کو بہتر کرنے، عوامی فلاح اور صوبے میں معاشی سرگرمیوں کے فروغ کے لیے تمام متعلقہ ادارے مربوط انداز میں کام کریں۔
ملاقات میں صوبائی وزیرِ آبپاشی صادق عُمرانی، وزیرِ منصوبہ بندی و ترقی ظہور بلیدی، وزیرِ صحت میر بخت کاکڑ، وزیرِ لائیو اسٹاک سردار فیصل جمالی، وزیرِ صنعت و تجارت کویار ڈومکی، وزیرِ محنت غلام رسول عُمرانی اور پاکستان پیپلز پارٹی بلوچستان کے سینئر نائب صدر میر علی حسن زہری شریک تھے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی