ڈومز ڈے کلاک: دنیا نصف شب سے صرف 85 سیکنڈ دُور، تباہی کا نیا انتباہ
اشاعت کی تاریخ: 29th, January 2026 GMT
data-id="863a0a8" data-element_type="widget" data-widget_type="theme-post-content.default">
غیر منافع بخش سائنسی ادارے Bulletin of the Atomic Scientists نے 2026 کے لیے ڈومز ڈے کلاک کا نیا وقت جاری کر دیا ہے، جسے دنیا کو لاحق ممکنہ تباہی کے نئے اور شدید خدشات سمجھا جا رہا ہے۔
ادارے کے مطابق دنیا اب آدھی رات، جسے عالمی تباہی کی علامت سمجھا جاتا ہے، سے صرف 85 سیکنڈ کے فاصلے پر پہنچ چکی ہے، جو تاریخ کا ایک نہایت تشویشناک مرحلہ قرار دیا جا رہا ہے۔
رپورٹس کے مطابق ڈومز ڈے کلاک کو ادارے کے سائنس اینڈ سیکورٹی بورڈ نے مختلف عالمی عوامل کو مدنظر رکھتے ہوئے ترتیب دیا ہے۔ ان عوامل میں ایٹمی ہتھیاروں کا پھیلاؤ، عالمی سلامتی کی بگڑتی صورتحال، جغرافیائی سیاسی کشیدگیاں اور اب خلا میں عسکری منصوبوں کے خدشات بھی شامل ہیں۔ بورڈ کے اراکین کا کہنا ہے کہ دنیا کو درپیش خطرات میں مسلسل اضافہ ہو رہا ہے، جس کے باعث گھڑی کو مزید آگے بڑھانا ناگزیر ہو گیا۔
اعلان کے دوران بورڈ کے ایک رکن نے اس خدشے کا بھی اظہار کیا کہ امریکا کے صدر ڈونلڈ ٹرمپ کی جانب سے قومی سلامتی کے لیے تجویز کردہ خصوصی منصوبہ، جسے ’گولڈن ڈوم‘ کہا جا رہا ہے، دنیا کے لیے نئے خطرات کو جنم دے سکتا ہے۔ انہوں نے کہا کہ خلا میں دفاعی یا عسکری نظام قائم کرنے کے منصوبے نہ صرف عالمی عدم توازن پیدا کر سکتے ہیں بلکہ خلا میں اسلحہ کی دوڑ کا آغاز بھی ہو سکتا ہے۔
سائنس اینڈ سیکورٹی بورڈ نے ایٹمی خطرات پر بھی شدید تشویش ظاہر کی ہے۔ بورڈ کے مطابق دنیا بھر میں مزید جدید اور خطرناک ہتھیار تیار کیے جا رہے ہیں اور اس وقت ایک نئی اسلحہ کی دوڑ جاری ہے۔
خدشہ ظاہر کیا گیا ہے کہ اگر امریکا اور روس کے درمیان اسلحہ کنٹرول سے متعلق موجودہ معاہدے ختم ہو گئے تو دونوں ممالک بڑے پیمانے پر ایٹمی ہتھیار جمع کر سکتے ہیں، جس سے عالمی سلامتی کو شدید خطرات لاحق ہو جائیں گے۔
ادارے نے خبردار کیا کہ گولڈن ڈوم جیسے منصوبے روس اور چین کی جانب سے سخت ردعمل کو جنم دے سکتے ہیں، جس کے نتیجے میں عالمی کشیدگی میں اضافہ اور ممکنہ طور پر خلائی جنگ کے امکانات بڑھ سکتے ہیں۔ رپورٹس کے مطابق ٹرمپ حالیہ ہفتوں میں متعدد بار اس منصوبے کا ذکر کر چکے ہیں اور یہ دعویٰ بھی کیا ہے کہ گرین لینڈ پر کنٹرول اس منصوبے کے لیے اہم کردار ادا کر سکتا ہے۔
ماہرین کا کہنا ہے کہ ڈومز ڈے کلاک کا آگے بڑھنا ایک واضح انتباہ ہے کہ عالمی قیادت کو فوری طور پر سنجیدہ اور اجتماعی اقدامات کی ضرورت ہے، ورنہ دنیا ایک ناقابل واپسی بحران کی جانب بڑھ سکتی ہے۔
.
ذریعہ
ذریعہ: Jasarat News
کلیدی لفظ: کے مطابق سکتے ہیں کے لیے رہا ہے
پڑھیں:
اسحاق ڈار کویتی وزیر خارجہ کے درمیان ٹیلیفونک رابطہ، بدلتی عالمی صورتحال پر تبادلہ خیال
نائب وزیراعظم و وزیر خارجہ سینیٹر اسحاق ڈار اور کویت کے وزیر خارجہ شیخ جراح جابر الاحمد الصباح کے درمیان ٹیلیفونک رابطہ ہوا ہے، جس میں خطے اور عالمی سطح پر تیزی سے بدلتی ہوئی صورتحال پر تبادلہ خیال کیا گیا۔
ترجمان دفتر خارجہ کے مطابق گفتگو کے دوران کویت کے وزیر خارجہ شیخ جراح جابر الاحمد الصباح نے امریکا اور ایران کے درمیان رابطوں اور بات چیت کے فروغ کے لیے پاکستان کے مسلسل ثالثی کردار اور سہولت کاری کی کوششوں کو سراہا۔
Deputy Prime Minister/Foreign Minister Senator Mohammad Ishaq Dar @MIshaqDar50 spoke today with Kuwait’s Foreign Minister Sheikh Jarrah Jaber Al-Ahmad Al-Sabah to discuss evolving regional and international developments.
FM Sheikh Jarrah appreciated Pakistan’s continued… pic.twitter.com/CBnvw1REKc
— Ministry of Foreign Affairs – Pakistan (@ForeignOfficePk) June 2, 2026
انہوں نے علاقائی امن و سلامتی کے فروغ میں پاکستان کے تعمیری کردار کی بھی تعریف کی۔
اس موقع پر نائب وزیراعظم و وزیر خارجہ اسحاق ڈار نے اس عزم کا اعادہ کیاکہ پاکستان خطے میں پائیدار امن اور استحکام کے قیام کے لیے سفارت کاری اور مسلسل مذاکرات کو ہی بہترین راستہ سمجھتا ہے اور اس کی حمایت جاری رکھے گا۔
دونوں رہنماؤں نے اس امید کا اظہار کیاکہ جاری سفارتی کوششیں مثبت نتائج دیں گی اور مستقبل قریب میں خطے میں دیرپا امن کے قیام کی راہ ہموار ہوگی۔
گفتگو کے دوران پاکستان اور کویت کے درمیان موجود مضبوط برادرانہ تعلقات کا بھی اعادہ کیا گیا، جبکہ دونوں فریقوں نے مستقبل میں قریبی رابطے برقرار رکھنے پر اتفاق کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسحاق ڈار ٹیلیفونک رابطہ عالمی صورتحال کویتی وزیر خارجہ نائب وزیراعظم وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ