قومی ہاکی ٹیم کے کھلاڑیوں کو یومیہ 115 ڈالر الاؤنس ملے گا، پی ایس بی کا اعلان
اشاعت کی تاریخ: 29th, January 2026 GMT
پاکستان اسپورٹس بورڈ (پی ایس بی) نے قومی ہاکی ٹیم کے کھلاڑیوں کے لیے یومیہ الاؤنس کا اعلان کر دیا ہے، جس کے تحت ہر کھلاڑی کو روزانہ 115 امریکی ڈالر ادا کیے جائیں گے۔
پی ایس بی نے فنانس ڈیپارٹمنٹ کو ہدایت جاری کی ہے کہ ٹیم کی بیرونِ ملک روانگی سے قبل تمام ادائیگیاں مکمل کر لی جائیں، تاکہ بین الاقوامی دورے کے دوران کھلاڑیوں کو کسی قسم کی مالی دشواری کا سامنا نہ ہو۔
اس حوالے سے میڈیا سے گفتگو کرتے ہوئے ڈائریکٹر جنرل پی ایس بی محمد یاسر پیرزادہ نے بتایا کہ یومیہ الاؤنس کی یہ شرح حکومت کی جانب سے منظور شدہ بجٹ کے مطابق طے کی گئی ہے اور اس کا اطلاق ایف آئی ایچ پرو لیگ میں پاکستان کی شرکت پر ہوگا۔
انہوں نے کہا کہ اگرچہ ادارے کو مالی چیلنجز درپیش ہیں، تاہم مختلف مدات میں بچنے والی رقوم کو دوبارہ ترتیب دے کر غیر ملکی دورے کے اخراجات کا بندوبست کیا گیا ہے، تاکہ کھلاڑیوں کے لیے بہتر سہولیات یقینی بنائی جا سکیں۔
قومی ہاکی ٹیم کے کپتان عماد بٹ نے فیصلے کا خیرمقدم کرتے ہوئے کہا کہ ڈائریکٹر جنرل پی ایس بی نے ذاتی طور پر کھلاڑیوں کے تحفظات سنے اور انہیں دور کیا، جس پر ٹیم شکر گزار ہے۔ ان کا کہنا تھا کہ ماضی میں ہونے والی بات چیت کے مثبت نتائج اب سامنے آ رہے ہیں اور منظور شدہ نئی شرح مناسب ہے۔
عماد بٹ کے مطابق سب سے اہم بات یہ ہے کہ یومیہ الاؤنس کا دیرینہ مسئلہ حل ہو گیا ہے، جس سے کھلاڑی اب مکمل توجہ کھیل پر مرکوز کر سکیں گے۔
واضح رہے کہ پاکستان ہاکی ٹیم ایف آئی ایچ پرو لیگ کے دوسرے مرحلے میں
10 فروری کو آسٹریلیا،
11 فروری کو جرمنی،
13 فروری کو دوبارہ آسٹریلیا
اور 14 فروری کو ایک بار پھر جرمنی کے خلاف میدان میں اترے گی۔
ذریعہ
ذریعہ: Daily Mumtaz
کلیدی لفظ: پی ایس بی ہاکی ٹیم فروری کو الاو نس
پڑھیں:
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
اسلام آباد(ڈیلی پاکستان آن لائن)پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے، چین نے مکئی کی درآمد کے لئے پاکستانی تاجروں کی رجسٹریشن بھی شروع کردی ہے ۔
تفصیلات کے مطابق رائس ایکسپورٹرز ایسوسی کے وفد کا دورہ چین کامیابی سے جاری ہے ، جس دوران چاول کی برآمد کیلئے چین کے دو صوبوں کے ساتھ وفد نے ایم او یو سائن کر لیے ہیں، 30 سے 40 کروڑ ڈالر مالیت کے چاول کی فروخت کے معاہدے متوقع ہیں ہیں۔رائس ایکسپورٹرز ایسوسی ایشن کے چیئرمین جاوید جیلانی کا کہناتھا کہ چین کو پاکستان سے مکئی کی برآمد بھی جلد شروع ہو جائے گی،چین کو باسمتی اور نان باسمتی دونوں اقسام کے چاول برآمد کریں گے،رواں مالی سال چاول کی برآمدات دوبارہ 3ارب ڈالر کی سطح عبور کر جائیں گی، چین کا دورہ جاری ہے مزید آرڈرز ملنے کا امکان ہے۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
پاکستان نے ورلڈ کپ 2028 کیلیے براہ راست کوالیفائی کر لیا