ایران میزائلوں کے میدان میں ایک سپر پاور ہے، اسرائیلی جنرل
اشاعت کی تاریخ: 29th, January 2026 GMT
ایران کے ممکنہ اہداف کا ذکر کرتے ہوئے صیہونی جنرل نے کہا کہ میرے خیال میں ان کے پاس میزائلوں کی تعداد اتنی ہی ہے اور وہ حیفہ سے بیر شیبہ تک میزائلوں کے ایک سلسلے کو فائر کرنے کی صلاحیت رکھتے ہیں جس کا مقصد زیادہ سے زیادہ اسرائیلی زندگی کو مفلوج کرنا ہے۔ اسلام ٹائمز۔ ایک ممتاز صہیونی جنرل نے ایران کے خلاف امریکہ کی طرف سے کسی بھی جارحانہ اقدام کے نتائج پر اسرائیل کے لیے اثرات پر تشویش کا اظہار کیا۔ خبررساں ادارے تسنیم کے انٹرنیشنل گروپ کے مطابق ایران کے خلاف امریکہ کی دھمکیوں اور صیہونی حکومت کے لیے تناؤ میں اضافے کے نتائج کے بارے میں عبرانی حلقوں کے تجزیے کے تسلسل میں، عبرانی اخبار معاریف نے اپنے ایک مضمون میں صہیونی فوج کے محکمہ دفاع کے ریزرو جنرل اور سابق کمانڈر جنرل تسویکا ہیمووچ کے حوالے سے کہا ہے کہ امریکہ نے ایران کے خلاف کوئی بھی حملہ کیا تو ایران اسرائیل کے خلاف جوابی حملہ کرے گا۔
صہیونی جنرل نے اس بات پر زور دیا کہ حالیہ مہینوں میں ایران کی صلاحیتوں میں نمایاں اضافہ ہوا ہے اور حقیقت اس سے کہیں زیادہ پیچیدہ ہے جو نظر آتی ہے، میرا مشورہ یہ ہے کہ اپنے دشمنوں کو کم نہ سمجھیں، خاص طور پر میزائل اور فضائی میدان میں، چونکہ ایرانی اس علاقے میں ایک قسم کی سپر پاور ہیں۔ مضمون میں مزید کہا گیا ہے کہ ہم ابھی ایک دوڑ میں ہیں، اور میں نے جون کی جنگ کے بعد کہا تھا کہ ایران کی دھمکیاں اور ارادے ایک جیسے ہیں، ایرانیوں کی خاصی توجہ میزائل کی تیاری پر ہے اور وہ میزائلوں کے اثرات سے بخوبی واقف ہیں، اس لیے وہ میزائل بنانے میں واپس چلے گئے، ایرانیوں کے پاس اب بھی کارگر میزائل ہیں۔
انہوں نے مزید کہا کہ جب آپ تمام اعداد و شمار کو اکٹھا کرتے ہیں تو آپ کو احساس ہوتا ہے کہ حالیہ جنگ سے پہلے ایرانی میزائلوں کا بڑا ذخیرہ اب بھی موجود ہے اور اس طرح جون میں اسرائیل کے ساتھ جو ہوا تھا وہ دوبارہ ہو سکتا ہے۔ صہیونی جنرل نے ایرانی میزائلوں کی موجودہ تعداد اور مستقبل میں کسی بھی تصادم میں ایران کے اہداف کا ذکر کیا اور کہا کہ میرے خیال میں ان کے پاس میزائلوں کی تعداد اتنی ہی ہے اور وہ حیفہ سے بیر شیبہ تک میزائلوں کے ایک سلسلے کو فائر کرنے کی صلاحیت رکھتے ہیں جس کا مقصد زیادہ سے زیادہ اسرائیلی زندگی کو مفلوج کرنا ہے، ایرانی اس بار اسٹریٹجک مقامات کے بجائے اسرائیل کے آبادی والے علاقوں کا انتخاب کریں گے، جس سے اسرائیل کے ہوم فرنٹ پر حملوں کو مزید آگے بڑھایا جائے گا، ایرانی نقطہ نظر سے ان کے پاس بہت سے آپشنز اور بہت سے امکانات ہیں کہ وہ اس جنگ میں کیا حاصل کرنا چاہتے ہیں۔
ذریعہ
ذریعہ: Islam Times
کلیدی لفظ: میزائلوں کے اسرائیل کے ایران کے کے خلاف کے پاس ہے اور
پڑھیں:
سعودی عرب ابراہام معاہدوں میں شامل ہوا تو یہ تاریخی پیش رفت ہوگی؛ اسرائیلی وزیراعظم
امریکی صدر ڈونلڈ ٹرمپ نے سعودی عرب کے ساتھ جوہری معاہدے کے لیے اسرائیل سے تعلقات کی بحالی سے مشروط کردیا۔
عالمی خبر رساں ادارے کے مطابق اسرائیلی وزیراعظم بنیامین نیتن یاہو نے کہا ہے کہ اگر سعودی عرب ابراہام معاہدوں میں شامل ہو جاتا ہے تو یہ مشرقِ وسطیٰ میں امن کے لیے ایک ’’تاریخی جست‘‘ ثابت ہوگی۔
نیتن یاہو نے اپنے بیان میں مزید کہا کہ سعودی عرب کی ابراہام معاہدوں میں شمولیت نہ صرف اسرائیل اور عرب دنیا کے تعلقات میں ایک نئے باب کا آغاز کرے گی بلکہ پورے خطے میں استحکام اور تعاون کے امکانات بھی بڑھ جائیں گے۔
خیال رہے کہ اسرائیلی وزیراعظم کا یہ بیان امریکی صدر ڈونلڈ ٹرمپ کی جانب سے سعودی عرب کے سول جوہری پروگرام کو اسرائیل سے تعلقات معمول پر لانے سے مشروط کرنے کے بعد سامنے آیا ہے۔
کچھ دیر قبل ہی امریکی صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر کہا تھا کہ امریکا اور سعودی عرب کے درمیان مجوزہ سول جوہری معاہدے کی منظوری اس وقت تک نہیں دی جائے گی جب تک سعودیہ ابراہام معاہدوں میں شامل نہیں ہوجاتا۔
صدر ڈونلڈ ٹرمپ نے اپنی پوسٹ میں یہ بھی واضح کیا تھا کہ مجوزہ معاہدہ صرف پُرامن اور غیر فوجی مقاصد کے لیے ہوگا اور اس کے تحت سعودی عرب کو یورینیم افزودگی کی اجازت نہیں دی جائے گی۔
یاد ہے کہ ایک روز قبل جب جوہری معاہدے کی ابتدائی منظوری کا اعلان کیا گیا تھا تو صدر ٹرمپ نے اسے سعودی عرب کے اسرائیل سے تعلقات معمول پر لانے کی شرط سے نہیں جوڑا تھا تاہم بعد میں انھوں نے واضح کیا کہ دونوں معاملات ایک دوسرے سے منسلک ہیں۔
ادھر سعودی حکومت نے تاحال صدر ٹرمپ کے تازہ بیان پر کوئی باضابطہ ردعمل نہیں دیا تاہم ریاض متعدد مواقع پر واضح کرچکا ہے کہ وہ اس وقت تک اسرائیل کو تسلیم نہیں کرے گا جب تک فلسطینی ریاست کے قیام کے لیے قابلِ عمل اور واضح راستہ موجود نہ ہو۔
سعودی عرب کا مؤقف رہا ہے کہ 1967 کی سرحدوں کی بنیاد پر آزاد فلسطینی ریاست کا قیام، مشرقی یروشلم کو اس کا دارالحکومت بنانا اور فلسطینی عوام کے جائز حقوق کا تحفظ اسرائیل سے تعلقات کی بحالی کے لیے بنیادی شرائط ہیں۔
ابراہام معاہدے کیا ہیں؟
ابراہام معاہدے 2020 میں امریکی ثالثی کے تحت طے پائے تھے جن کے نتیجے میں متحدہ عرب امارات، بحرین، سوڈان اور مراکش نے اسرائیل کے ساتھ سفارتی تعلقات قائم کیے۔ بعد ازاں قازقستان نے بھی معاہدے کی حمایت کا اعلان کیا تاہم سعودی عرب اب تک اس کا حصہ نہیں بنا۔
ان معاہدوں کا مقصد اسرائیل کے عرب و مسلم ممالک کے ساتھ سفارتی، اقتصادی اور سکیورٹی تعاون کو فروغ دینا تھا لیکن غزہ جنگ اور فلسطینی مسئلے کے باعث سعودی عرب نے اسرائیل کے ساتھ تعلقات معمول پر لانے کا عمل روک رکھا ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی