ڈھاکا سے براہِ راست پرواز 14 سال بعد کراچی اتر گئی
اشاعت کی تاریخ: 29th, January 2026 GMT
پاکستان اور بنگلہ دیش کے درمیان براہِ راست فضائی رابطہ جمعرات کو 14 سال بعد بحال ہو گیا، جب بمان بنگلہ دیش ایئرلائن نے ڈھاکا سے کراچی کے لیے افتتاحی نان اسٹاپ فلائٹ چلائی۔ یہ پرواز مکمل بکنگ کے ساتھ روانہ ہوئی اور دونوں ممالک کے تعلقات میں قریبی رابطے کے لیے اہم قدم سمجھا جا رہا ہے۔
تقریب میں ایڈوائزر برائے سول ایوی ایشن و ٹورزم بشیرالدین اور پاکستان کے ہائی کمشنر برائے بنگلہ دیش عمران حیدر کے علاوہ سول ایوی ایشن اتھارٹی اور بمان ایئرلائن کے سینئر اہلکار بھی موجود تھے۔
تقریب میں فلائٹ کی باضابطہ روانگی کا افتتاح کیا گیا اور اس کے ذریعے مستقبل میں پروازوں کی تعدد بڑھانے اور کرایوں میں کمی کی منصوبہ بندی کا اعلان بھی کیا گیا۔
مزید پڑھیں: پاکستان بنگلہ دیش تعلقات میں بہتری، ڈھاکا اور کراچی کے درمیان براہِ راست پروازیں 14 سال بعد بحال
ایڈوائزر بشیر الدین نے کہا کہ ڈھاکا کراچی روٹ عوامی رابطے، سیاحت اور ثقافتی تبادلے کو فروغ دے گا، اور توقع ظاہر کی کہ بنگلہ دیشی مسافر پاکستان کے قدرتی مناظر اور ثقافتی ورثہ سے مستفید ہوں گے۔
ہائی کمشنر عمران حیدر نے کہا کہ براہِ راست پروازیں بنگلہ دیش کے چیف ایڈوائزر پروفیسر محمد یونس اور وزیراعظم شہباز شریف کے مشترکہ وژن کی عکاسی کرتی ہیں اور اس کے ذریعے نوجوان، تعلیمی، کاروباری اور خاندانی تبادلے میں اضافہ ہوگا۔ مسافروں نے بھی اس اقدام کو دونوں ممالک کے درمیان تعلقات کے لیے اہم سنگِ میل قرار دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بمان بنگلہ دیش ایئرلائن بنگلہ دیش پاکستان ڈھاکا تا کراچی.
ذریعہ
ذریعہ: WE News
کلیدی لفظ: بمان بنگلہ دیش ایئرلائن بنگلہ دیش پاکستان ڈھاکا تا کراچی بنگلہ دیش کے لیے
پڑھیں:
کراچی میں فائرنگ سے باپ اور نوجوان بیٹا جاں بحق
شہر قائد کے علاقے سرجانی ٹاؤن روزی گوٹْھ میں فائرنگ کے افسوسناک واقعے میں باپ اور بیٹا جاں بحق جبکہ دوسرا بیٹا زخمی ہوگیا۔
تفصیلات کے مطابق سرجانی روزی گوٹھ میں فائرنگ کا افسوسناک واقعہ پیش آیا جس میں والد اور دو بیٹے زخمی ہوئے۔
مقتولین کی لاشوں اور زخمی کو چھیپا کے رضا کاروں نے عباسی شہید اسپتال منتقل کیا۔
اس حوالے سے ترجمان ڈسٹرکٹ ویسٹ پولیس کا کہنا ہے کہ سرجانی روزی گوٹھ میں فائرنگ سے جاں بحق افراد کی شناخت 62 سالہ کامل حسین اور اس کے بیٹے کو 26 سالہ دوہان کے نام شناخت کیا گیا جبکہ زخمی ہونے والے دوسرے بیٹے 30 سالہ عادل کو طبی امداد فراہم کی جا رہی ہے۔
ترجمان کے مطابق ابتدائی معلومات میں پتہ چلا ہے کہ فائرنگ کا واقعہ رشتے داروں کے درمیان تنازع پر جھگڑے کے دوران پیش آیا جس کی اطلاع ملتے ہی سرجانی ٹاؤن پولیس نے موقع پر پہنچ کر شواہد حاصل کیے اور واقعے کی مزید چھان بین شروع کر دی ہے۔
ترجمان کے مطابق فائرنگ کرنے والے ملزم کی بھی شناخت کرلی گئی ہے جس کی گرفتاری کے لیے لیے پولیس چھاپہ مار رہی ہے جسے جلد گرفتار کرلیا جائیگا۔
ایس ایچ او سرجانی ٹاؤن سہیل خاصخیلی نے بتایا کہ فائرنگ کا واقعہ لڑکی کے رشتے پر ہونے والے تنازعے کی وجہ سے پیش آئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ