بیرسٹر عقیل نے بانی پی ٹی آئی کو اسپتال لے جانے کو نان ایشو، شفیع جان نے افسوسناک قرار دے دیا
اشاعت کی تاریخ: 29th, January 2026 GMT
کولاج فوٹو: فائل
وزیر مملکت برائے قانون و انصاف بیرسٹر عقیل نے بانی پی ٹی آئی کو اسپتال لے جانے کے معاملے کو نان ایشو جبکہ مشیر اطلاعات خیبر پختونخوا شفیع جان نے وزیر مملکت کے بیان کو افسوس ناک قرار دے دیا۔
جیو نیوز کے پروگرام آج شاہزیب خانزادہ کے ساتھ میں میزبان شاہزیب خانزادہ سے گفتگو کرتے ہوئے بیرسٹر عقیل ملک کا کہنا تھا کہ جو بھی علاج ہوا وہ بانی پی ٹی آئی کی اجازت سے ہوا، بانی پی ٹی آئی کو اسپتال لے جانا ایک نان ایشو اور روٹین کا معاملہ ہے۔
انہوں نے یہ بھی کہا کہ جیل کے اندر بانی پی ٹی آئی کی مختلف بیماریوں کا علاج ہوتا رہا ہے۔
بیرسٹر عقیل ملک کا کہنا تھا کہ پی ٹی آئی 8 فروری کے احتجاج سے متعلق معاملے کو طول دینا چاہتی ہے۔
وزیراعلیٰ خیبر پختونخوا کے مشیر برائے اطلاعات شفیق جان نے پروگرام میں بات کرتے ہوئے کہا کہ آج ہم اڈیالہ جیل کے باہر موجود ہیں اور رات یہیں رہیں گے، آج ہم نے بانی پی ٹی آئی کے معائنے کےلیے 3 ڈاکٹرز کے نام دیے مگر حکومت نہ مانی۔
ان کا کہنا تھا کہ بانی پی ٹی آئی کی صحت کو نان ایشو قرار دینا بہت افسوسناک ہے۔
انہوں نے کہا کہ دن میں 3 بار بانی پی ٹی آئی کا طبی معائنہ کیا جاتا ہے، ڈاکٹر نے ہمیں بتایا کہ مذکورہ پروسیجر 20 منٹ میں نہیں 2 گھنٹے میں ہوتا ہے۔
شفیع جان کا کہنا تھا کہ بانی پی ٹی آئی کے ساتھ جو ہوا وہ نارمل ہوا نہیں ہے، ہم اسے نارمل ہونے نہیں دیں گے، ہم جو کل کرنے جارہے ہیں اس میں مجمع اکھٹا نہیں ہوگا، ہم ضمانت دیتے ہیں کہ ذاتی معالج باہر آکر سیاسی بیان نہیں دے گا۔
.
ذریعہ
ذریعہ: Jang News
کلیدی لفظ: بانی پی ٹی ا ئی کا کہنا تھا کہ بیرسٹر عقیل نان ایشو
پڑھیں:
پنجاب کے وزیر تعلیم رانا سکندر حیات کا اسکولوں میں خود پڑھانے کا اعلان
لاہور : پنجاب کے وزیر تعلیم رانا سکندر حیات نے ٹیچر بننے کا اعلان کردیا۔رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار