انڈیا میں نیپا وائرس کا پھیلاؤ: چین اور جنوبی ایشیا کی فضائی نگرانی سخت
اشاعت کی تاریخ: 29th, January 2026 GMT
انڈیا کے مغربی بنگال میں نیپا وائرس کے 2 تصدیق شدہ کیسز کے بعد عالمی تشویش بڑھ گئی ہے، اور چین سمیت کئی جنوب مشرقی ایشیائی ممالک نے بین الاقوامی ہوائی اڈوں پر سخت صحت کے اقدامات نافذ کر دیے ہیں۔
انڈیا کی وزارت صحت کے مطابق دونوں کیسز صحت کے کارکنان میں سامنے آئے اور ان سے جڑے 196 رابطے رکھنے والے افراد میں سے تمام کا ٹیسٹ منفی آیا۔
مزید پڑھیں: پاکستان میں نیپاہ وائرس کے خطرے کے پیش نظر حفاظتی اقدامات سخت کردیے گئے
نیپا وائرس جانوروں سے انسانوں میں منتقل ہوتا ہے، اور انسان سے انسان میں بھی رابطے یا آلودہ کھانے کے ذریعے پھیل سکتا ہے۔ اس کی شرح اموات 40 سے 75 فیصد کے درمیان ہے، لیکن وائرس کی انسانی رابطے سے پھیلنے کی صلاحیت محدود ہے، جس سے وبا کے پھیلنے کا خطرہ کم ہوتا ہے۔
عالمی ادارہ صحت (WHO) کے مطابق فی الحال کوئی منظور شدہ ویکسین یا مخصوص علاج دستیاب نہیں ہے، تاہم آکسفورڈ یونیورسٹی نیپا ویکسین کے کلینیکل ٹرائل کر رہی ہے اور شدید مریضوں کا علاج اینٹی وائرل کے ذریعے کیا جا سکتا ہے۔
چین، تھائی لینڈ، انڈونیشیا، ملائشیا اور نیپال نے اپنی بین الاقوامی ہوائی اڈوں پر نیپا وائرس کے اثرات کے پیش نظر صحت کی جانچ سخت کر دی ہے، جس میں تھرمل اسکیننگ، ہیلتھ ڈیکلریشن فارم اور قرنطینہ کے انتظامات شامل ہیں۔
مزید پڑھیں: بھارت میں نیپا وائرس کی وبا، ایشیائی ایئرپورٹس پر کورونا طرز کی اسکریننگ بحال
عالمی ادارہ صحت WHO اور ماہرین صحت نے عوامی آگاہی، صفائی ستھرائی، بھیڑ سے اجتناب، اور بیمار ہونے پر گھر میں قیام کو وائرس کے پھیلاؤ کو روکنے کے مؤثر اقدامات قرار دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈیا چین اور جنوبی ایشیا نیپا نیپا وائرس.
ذریعہ
ذریعہ: WE News
کلیدی لفظ: انڈیا چین اور جنوبی ایشیا نیپا نیپا وائرس نیپا وائرس میں نیپا وائرس کے
پڑھیں:
عالمی منڈی میں خام تیل کی قیمتیں بے قابو، فی بیرل 100 ڈالر سے متجاوز
تازہ اعداد و شمار کے مطابق برطانوی خام تیل (برینٹ) 100.56 ڈالر فی بیرل میں فروخت ہو رہا ہے، جبکہ امریکی خام تیل (ڈبلیو ٹی آئی) کی قیمت بڑھ کر 92.05 ڈالر فی بیرل تک پہنچ گئی ہے۔ اسلام ٹائمز۔ ایران پر امریکی جارحیت کے بعد عالمی توانائی منڈی میں خام تیل کی قیمتوں میں نمایاں اضافہ ریکارڈ کیا گیا، جبکہ برطانوی خام تیل 100 ڈالر فی بیرل کی سطح عبور کر گیا۔ تازہ اعداد و شمار کے مطابق برطانوی خام تیل (برینٹ) 100.56 ڈالر فی بیرل میں فروخت ہو رہا ہے، جبکہ امریکی خام تیل (ڈبلیو ٹی آئی) کی قیمت بڑھ کر 92.05 ڈالر فی بیرل تک پہنچ گئی ہے۔
دوسری جانب متحدہ عرب امارات کا مربن خام تیل 108 ڈالر فی بیرل میں فروخت ہونے لگا ہے، جو عالمی منڈی میں توانائی کی بڑھتی ہوئی بے یقینی کی عکاسی کرتا ہے۔ادھر قدرتی گیس کی قیمت بھی بڑھ کر 2.95 ڈالر فی ایم ایم بی ٹی یو (MMBtu) ہو گئی ہے، جس سے عالمی توانائی مارکیٹ میں کشیدگی کے اثرات مزید نمایاں ہو رہے ہیں۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی