بابر اعوان: بانئ پی ٹی آئی کے علاج کی تفصیلات حکومت چھپا رہی ہے
اشاعت کی تاریخ: 30th, January 2026 GMT
پاکستان تحریک انصاف (پی ٹی آئی) کے رہنما بابر اعوان نے کہا ہے کہ بانئ پی ٹی آئی کی موجودہ حالت کے بارے میں واضح معلومات نہیں ہیں اور یہ بھی معلوم نہیں کہ ان کا علاج کس آپریشن تھیٹر میں ہوا۔
بیرسٹر گوہر علی خان اور دیگر پارٹی رہنماؤں کے ہمراہ پریس کانفرنس میں بابر اعوان نے مطالبہ کیا کہ بانئ پی ٹی آئی کی بہنوں کو اجازت دی جائے تاکہ وہ اپنے بھائی کو دیکھ سکیں۔
انہوں نے کہا کہ پہلے کہا گیا کہ بانئ پی ٹی آئی صحتمند ہیں، پھر کہا گیا کہ جیل میں ڈاکٹرز کی ٹیم ان کی دیکھ بھال کر رہی ہے، اور بعد میں یہ دعویٰ کیا گیا کہ مسئلہ معمولی تھا اس لیے رات کے وقت انہیں پمز منتقل کیا گیا۔
بابر اعوان نے کہا کہ ہر شہری کی زندگی کا حق ہے اور پی ٹی آئی انصاف کے لیے چیف جسٹس پاکستان کی معاونت کرے گی، اور پارٹی انصاف سے ہٹ کر کسی رعایت کی نہیں مانگ رہی۔ انہوں نے نواز شریف کے کیسز کے حوالے سے بھی کہا کہ تمام قانونی سہولیات فراہم کی گئی تھیں، جبکہ بانئ پی ٹی آئی اور بشریٰ بی بی کی ضمانتیں تاحال مقرر نہیں ہو سکیں۔
چیئرمین پی ٹی آئی بیرسٹر گوہر علی خان نے کہا کہ بانئ پی ٹی آئی کی صحت کے بارے میں عوام کو معلومات نہ دینا تشویش ناک ہے، اور نہ صرف ملک بلکہ دنیا بھر میں ان کی حالت پر تشویش کا اظہار کیا جا رہا ہے۔
علی بخاری نے کہا کہ وفاقی وزراء کی جانب سے بانئ پی ٹی آئی کی صحت بالکل درست بتانا جھوٹ ہے، اور انہوں نے مطالبہ کیا کہ ان کی ہر لمحے کی طبی رپورٹ فراہم کی جائے۔ انہوں نے مزید کہا کہ طبی معائنہ کے لیے نئی درخواست بھی دائر کر دی گئی ہے، جبکہ 190 ملین پاؤنڈ اور توشہ خانہ ٹو کیسز تاحال عدالت میں مقرر نہیں ہوئے۔
ذریعہ
ذریعہ: Daily Mumtaz
کلیدی لفظ: بانئ پی ٹی ا ئی کی کہ بانئ پی ٹی ا ئی بابر اعوان نے کہا کہ انہوں نے
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار