کراچی کے حالات اور مسائل پر جاری سیاسی کشمکش کو فوری طور پر روکنا ہوگا، بلال عباس قادری
اشاعت کی تاریخ: 30th, January 2026 GMT
مرکزی صدر پاکستان سنی تحریک نے کہا کہ کراچی ملک کی معاشی شہ رگ ہے،اگر اس شہر کو مسلسل نظر انداز کیا گیا تو اس کے منفی اثرات پورے ملک پر مرتب ہوں گے، حکومت سندھ اور وفاقی حکومت کو مل بیٹھ کر کراچی کے لیے ہنگامی بنیادوں پر جامع پالیسی بنانا ہوگی۔ اسلام ٹائمز۔ کراچی کے حالات اور مسائل پر جاری سیاسی کشمکش کو فوری طور پر روکنا ہوگا، عوام کو ریلیف دینا اولین ترجیح ہونی چاہیئے۔ مرکزی صدر پاکستان سنی تحریک صاحبزادہ علامہ بلال عباس قادری نے اپنے جاری بیان میں کہا ہے کہ شہر قائد اس وقت بدترین مسائل کی لپیٹ میں ہے، بڑھتی ہوئی مہنگائی، ٹوٹی سڑکیں، پانی و بجلی کی قلت، کچرے کے ڈھیر اور بدامنی جیسے مسائل نے عوام کی زندگی اجیرن بنا دی ہے، مگر سیاسی جماعتیں ایک دوسرے پر الزام تراشی میں مصروف ہیں۔
انہوں نے کہا کہ عوامی مسائل کا حل موجودہ حکمرانوں کو ہی نکالنا ہے، اقتدار ذمہ داری کا نام ہے، صرف بیانات سے مسائل حل نہیں ہوں گے بلکہ عملی اقدامات کرنا ہوں گے، کراچی ملک کی معاشی شہ رگ ہے،اگر اس شہر کو مسلسل نظر انداز کیا گیا تو اس کے منفی اثرات پورے ملک پر مرتب ہوں گے، حکومت سندھ اور وفاقی حکومت کو مل بیٹھ کر کراچی کے لیے ہنگامی بنیادوں پر جامع پالیسی بنانا ہوگی۔
ذریعہ
ذریعہ: Islam Times
پڑھیں:
سرکاری ملازمین کے سفری اور تفریقی الاؤنس میں اضافے کی منظوری، نئی شرحیں جاری
کراچی: سندھ حکومت نے سرکاری ملازمین کو مہنگائی کے اثرات سے ریلیف دینے کے لیے سفری الاؤنس اور تفریقی الاؤنس میں اضافے کی منظوری دے دی ہے۔ وزیراعلیٰ سندھ سید مراد علی شاہ کی زیر صدارت ہونے والے صوبائی کابینہ کے اجلاس میں اس فیصلے کی منظوری دی گئی، جبکہ نئی شرحوں کا اطلاق یکم جولائی 2026 سے ہوگا۔
صوبائی کابینہ نے سرکاری ملازمین کے لیے ریلیف پیکیج، صحت، تعلیم، بنیادی ڈھانچے، گورننس اور غذائی تحفظ سے متعلق متعدد اہم فیصلوں کی منظوری بھی دی۔
بی پی ایس 1 سے 16 تک ملازمین کے لیے تفریقی الاؤنس
کابینہ نے بی پی ایس 1 سے 16 تک کے ملازمین کے لیے تفریقی الاؤنس 2026 کی منظوری دی ہے۔ یہ الاؤنس منجمد بنیادی پے اسکیل 2022، جو 30 جون 2026 تک نافذ تھا، پر 2 فیصد کی شرح سے ادا کیا جائے گا۔
حکومت کے مطابق اس الاؤنس کا مقصد وہ فرق ختم کرنا ہے جو 2025 میں سندھ حکومت کی جانب سے وفاقی حکومت کے مقابلے میں زیادہ تنخواہوں میں اضافے کے باعث پیدا ہوا تھا۔
سفری الاؤنس میں 50 فیصد اضافہ
سندھ کابینہ نے تمام صوبائی سرکاری ملازمین کے سفری الاؤنس میں 50 فیصد اضافے کی بھی منظوری دی ہے۔ نئی شرحیں درج ذیل ہوں گی:
گریڈ پرانا الاؤنس نیا الاؤنس
بی پی ایس 1 تا 4 1,785 روپے 2,678 روپے
بی پی ایس 5 تا 10 1,932 روپے 2,898 روپے
بی پی ایس 11 تا 15 2,856 روپے 4,284 روپے
بی پی ایس 16 اور اس سے اوپر 5,000 روپے 7,500 روپے
معذور ملازمین کے لیے خصوصی سہولت
کابینہ نے معذور سرکاری ملازمین کے لیے خصوصی سفری الاؤنس میں بھی اضافہ کرتے ہوئے اسے 6 ہزار روپے سے بڑھا کر 10 ہزار روپے ماہانہ کرنے کی منظوری دی ہے۔ یہ رقم معمول کے سفری الاؤنس کے علاوہ ادا کی جائے گی۔
اطلاق کب سے ہوگا؟
حکومت سندھ کے مطابق سفری اور تفریقی الاؤنس سے متعلق تمام منظور شدہ فیصلوں پر یکم جولائی 2026 سے عمل درآمد ہوگا اور یہ موجودہ قواعد و ضوابط کے تحت نافذ رہیں گے۔
دوسری جانب صوبائی کابینہ نے ایگزیکٹو الاؤنس دینے کی تجویز منظور نہیں کی۔ وزیر اطلاعات نے اجلاس کے بعد میڈیا کو بریفنگ دیتے ہوئے بتایا کہ اس تجویز پر فی الحال اتفاق نہیں ہو سکا۔
سندھ حکومت کا کہنا ہے کہ ان اقدامات کا مقصد بڑھتی مہنگائی کے تناظر میں سرکاری ملازمین کو مالی ریلیف فراہم کرنا اور ان کے سفری اخراجات میں کمی لانا ہے، جبکہ آئندہ بھی ملازمین کی فلاح و بہبود کے لیے اقدامات جاری رکھے جائیں گے۔
بھارت سے جنگ اور افغانستان میں کارروائی خارج ازامکان نہیں، وزیردفاع