بسنت پر موسم کا ساتھ، لاہور میں بارش کا کوئی امکان نہیں: چیف میٹرولوجسٹ
اشاعت کی تاریخ: 30th, January 2026 GMT
بسنت پر موسم کا ساتھ، لاہور میں بارش کا کوئی امکان نہیں: چیف میٹرولوجسٹ
چیف میٹرولوجسٹ نے بسنت کے موقع پر لاہور کے موسم کے حوالے سے خوشخبری سناتے ہوئے کہا ہے کہ تہوار کے دوران بارش کا کوئی امکان نہیں اور موسم مجموعی طور پر خوشگوار رہے گا۔
نجی میڈیا سے گفتگو کرتے ہوئے چیف میٹرولوجسٹ ڈاکٹر ظہیر بابر نے بتایا کہ بسنت کے تینوں دن موسم سازگار اور تہوار کے لیے آئیڈیل ہوگا۔ ان کے مطابق دن کے وقت ہلکی دھوپ اور ہوا چلے گی جبکہ رات کے وقت خنکی محسوس کی جائے گی۔
انہوں نے کہا کہ درجہ حرارت میں بتدریج اضافہ متوقع ہے، جس سے شہری بسنت کے رنگا رنگ پروگرام اور سرگرمیاں کھل کر انجوائے کر سکیں گے۔
واضح رہے کہ پنجاب میں بسنت فیسٹیول 6 فروری سے 8 فروری تک منایا جائے گا، جس کے دوران موسم کی یہ پیشگوئی شہریوں کے لیے مزید خوشی کا باعث بن گئی ہے۔
ذریعہ
ذریعہ: Daily Mumtaz
کلیدی لفظ: چیف میٹرولوجسٹ
پڑھیں:
خیبر پختونخوا میں بلدیاتی انتخابات مرحلہ وار ہونے کا امکان
الیکشن کمیشن نے 23 اضلاع میں حلقہ بندیاں مکمل کرلیں جبکہ مزید اضلاع میں حلقہ بندیوں کا سلسلہ جاری ہے۔ الیکشن کمیشن جلد خیبر پختونخوا حکومت سے انتخابات کی حتمی تاریخ مانگے گا۔ اسلام ٹائمز۔ الیکشن کمیشن نے کے پی کے میں مرحلہ وار بلدیاتی انتخابات کروانے پر کام شروع کر دیا، صوبے میں بلدیاتی انتخابات 2 مراحل میں ہونے کا امکان ہے۔ الیکشن کمیشن نے 23 اضلاع میں حلقہ بندیاں مکمل کرلیں جبکہ مزید اضلاع میں حلقہ بندیوں کا سلسلہ جاری ہے۔ الیکشن کمیشن جلد خیبر پختونخوا حکومت سے انتخابات کی حتمی تاریخ مانگے گا۔ ذرائع کے مطابق الیکشن کمیشن رواں ماہ کے آخر میں مرحلہ وار بلدیاتی انتخابات کرانے کا حتمی فیصلہ کرے گا، بلدیاتی اداروں کی مدت مارچ اور جون 2026 میں مکمل ہو چکی ہے۔
الیکشن کمیشن نے 23 اضلاع میں الیکشنز کروانے کے لیے تیار ہے، اناضلاع میں بلدیاتی الیکشنز کی تاریخ سے متعلق سمری تاحال خیبر پختونخوا کابینہ میں زیر التوا ہے۔ کے پی کابینہ کے کل کے اجلاس میں سمری سے متعقل فیصلہ متوقع ہے، چیف سیکرٹری کے پی کے 28 جولائی تک الیکشن کمیشن کو آگاہ کریں گے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار