وفاقی وزیر خزانہ کاکیپٹل مارکیٹس اصلاحات اور ڈیجیٹلائزیشن پر زور
اشاعت کی تاریخ: 30th, January 2026 GMT
اسلام آباد:(نیوزڈیسک) وفاقی وزیر خزانہ محمد اورنگزیب نے ایس ای سی پی کے چیئرمین ڈاکٹر کبیر احمد سدھو اور کمشنر علی فرید خواجہ سے ملاقات کی، جس میں پاکستان کی کیپٹل مارکیٹس کو جدید بنانے اور سرمایہ کاری کے فروغ کے لیے اقدامات پر تبادلہ خیال کیا گیا۔
وزیر خزانہ محمد اورنگزیب نے کہا کہ کیپٹل مارکیٹس میں نئے سرمایہ کاروں کو شامل کرنا اولین ترجیح ہے اور بینکوں پر انحصار کم کر کے ڈیٹ کیپٹل مارکیٹس کو فروغ دیا جائے گا۔ انہوں نے ہدایت کی کہ ڈیٹ مارکیٹس میں لاگت اور رکاوٹیں کم کرنے کے لیے اصلاحات کی جائیں اور سرمایہ کاروں کے لیے تیز اور مکمل ڈیجیٹل آن بورڈنگ کا عمل شروع کیا جائے ۔ وزیر خزانہ نے رسک بیسڈ کے وائی سی اور ڈیجیٹل اکاؤنٹ اوپننگ کو مزید سہل بنانے پر بھی زور دیا۔
ایس ای سی پی کے چئیرمین ڈاکٹر کبیر احمد سدھو نے کہا کہ کیپٹل مارکیٹ میں شفافیت لانے کے لیے ڈیجیٹل اصلاحات کی جائیں گی اور فنانس ڈویژن کے تعاون سے ڈیٹ کیپٹل مارکیٹس کے فروغ کے لیے کام کیا جائے گا۔ انہوں نے مزید کہا کہ انشورنس، پنشن فنڈز اور ریٹیل سرمایہ کاروں کی تعداد بڑھانے کے اقدامات کیے جائیں گے۔
ملاقات میں نجکاری کے لیے کیپٹل مارکیٹس کے مؤثر استعمال، این بی ایف سیز، ایس ایم ای فنانسنگ اور انشورنس فریم ورک کے از سر نو جائزے پر بھی غور کیا گیا۔
.
ذریعہ
ذریعہ: Daily Mumtaz
کلیدی لفظ: کیپٹل مارکیٹس کے لیے
پڑھیں:
ضم اضلاع کیلئے ٹیکس استثنیٰ بحال کریں: گورنر خیبر پی کے کا وزیراعظم کو خط
پشاور (بیورو رپورٹ) گورنر خیبرپی کے فیصل کریم کنڈی نے وزیراعظم پاکستان سے ضم قبائلی اضلاع کیلئے وفاقی ٹیکس استثنیٰ بحالی کی درخواست کردی۔ وزیراعظم کو بھیجے گئے خط میں گورنر نے مطالبہ کیا کہ ضم شدہ اضلاع اور پاٹا کے لیے وفاقی ٹیکس استثنیٰ میں توسیع کرتے ہوئے انضمام کے وقت قبائلی عوام سے کیے گئے وعدوں کی پاسداری کی جائے۔ ضم قبائلی اضلاع اور پاٹا میں انکم ٹیکس، سیلز ٹیکس اور دیگر وفاقی محصولات کے نفاذ پر نظرثانی کی جائے۔ وفاقی ٹیکسوں کے خاتمے کے بغیر قبائلی عوام کو مکمل ٹیکس ریلیف فراہم نہیں کیا جا سکتا۔ صوبائی حکومت پہلے ہی ضم شدہ اضلاع اور پاٹا پر عائد تمام صوبائی ٹیکس ختم کر چکی ہے، تاہم وفاقی ٹیکس برقرار رہنے سے عوام کو مکمل ریلیف نہیں مل رہا۔ دریں اثناء گورنر فیصل کریم کنڈی سے پاکستان کونسل آف سائنٹیفک اینڈ انڈسٹریل ریسرچ (پی سی ایس آئی آر) پشاور کے ڈائریکٹر جنرل انجینئر سہیل امیر مروت نے گورنر ہاؤس پشاور میں ملاقات کی۔ ادارے کی تحقیق و ترقی (ریسرچ اینڈ ڈویلپمنٹ)، جاری پی ایس ڈی پی منصوبوں، ادارے کی تحقیقی صلاحیتوں اور استعداد سے متعلق تفصیلی بریفنگ دی۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی