آئی فون کی فروخت نے تاریخ کی بلند ترین سطح حاصل کر لی
اشاعت کی تاریخ: 30th, January 2026 GMT
ایپل نے اپنی مالی سال کی شروعات مضبوط انداز میں کی ہے اور بتایا ہے کہ اس کی آئی فون فروخت پہلی سہ ماہی میں تاریخ کی بلند ترین سطح پر پہنچ گئی جس کی وجہ آئی فون 17 سیریز کی زبردست طلب ہے۔
یہ بھی پڑھیں: فولڈ ہوجانے والا آئی فون سال رواں میں لانچ ہوگا، ایپل کمپنی کہاں تانک جھانک کر رہی ہے؟
ایپل نے اس سہ ماہی میں کل آمدنی 143.
آئی فون کی آمدنی گزشتہ سال کی اسی مدت کے مقابلے میں 23 فیصد بڑھ گئی اور فروخت چین، یورپ، امریکا اور جاپان سمیت مختلف ممالک سے ہوئی۔
ایپل کے سی ای او ٹم کُک کا کہنا ہے کہ آج ایپل کو ایک شاندار، ریکارڈ توڑ سہ ماہی رپورٹ کرنے پر فخر ہے جس میں آمدنی 143.8 بلین ڈالر رہی جو گزشتہ سال کے مقابلے میں 16 فیصد زیادہ اور ہماری توقعات سے کہیں بہتر ہے۔
انہوں نے مزید کہا کہ آئی فون نے اپنی بہترین سہ ماہی دیکھی جس کی بنیاد بے مثال طلب ہے اور ہر جغرافیائی علاقے میں ریکارڈ قائم کیا گیا۔
ٹم کُک نے کہا کہ ہماری سروسز نے بھی ریکارڈ ریونیو حاصل کیا جو گزشتہ سال کے مقابلے میں 14 فیصد زیادہ ہے۔ انہوں نے مزید ہم یہ بھی خوشی سے بتا رہے ہیں کہ ہمارے صارفین کے فعال آلات کی تعداد 2.5 بلین سے تجاوز کر گئی ہے جو بہترین مصنوعات اور خدمات کے حوالے سے صارفین کے اعتماد کا ثبوت ہے۔
مزید پڑھیے: آئی فون 17 پرو میکس سے لی گئی پہلی تصویر جاری
خصوصاً چین نے کمپنی کی مضبوط کارکردگی میں نمایاں کردار ادا کیا جہاں ایپل نے ریکارڈ تعداد میں نئے اپ گریڈ کرنے والوں اور دوسرے فونز سے منتقل ہونے والے صارفین کی رپورٹ دی۔
اگرچہ آئی فون اور سروسز نے مضبوط کارکردگی دکھائی تاہم دیگر شعبوں میں نتائج مخلوط رہے۔
دیگر آلات اور ویئر ایبلز کی آمدنی تقریباً 3 فیصد کم ہوئی جبکہ میک کی فروخت ہر سال 7 فیصد گر گئی حالانکہ نئے ہائی اینڈ میک بک پرو جاری کیے گئے تھے۔
دوسری جانب آئی پیڈ کی آمدنی 6 فیصد بڑھ کر 8.6 بلین ڈالر ہو گئی اور تقریباً نصف صارفین نے پہلی بار آئی پیڈ خریدا۔
مزید پڑھیں: وہ 7 ممالک جہاں آئی فون 17 کی قیمت پوری دنیا سے کم ہے
مجموعی طور پر ایپل کے نتائج اس بات کی عکاسی کرتے ہیں کہ صارفین اپنے فلیگ شپ فونز کی مضبوط طلب رکھتے ہیں اور یہ بات کمپنی کی پوزیشن کو مضبوط تر کر رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی فون آئی فون کی ریکارڈ فروخت ایپل
ذریعہ
ذریعہ: WE News
کلیدی لفظ: ا ئی فون ا ئی فون کی ریکارڈ فروخت ایپل کے مقابلے میں گزشتہ سال ا ئی فون سہ ماہی
پڑھیں:
آئی ایم ایف کی شرط پر ایکسپورٹ پروسیسنگ زونز کی مصنوعات مقامی مارکیٹ کو فروخت نہ کرنے کا فیصلہ
وفاقی حکومت نے عالمی مالیاتی ادارہ (آئی ایم ایف)کی شرائط کے تحت ستمبر 2026 سے ایکسپورٹ پراسسنگ زونز کی پیداوار مقامی مارکیٹ میں فروخت کرنے کی اجازت ختم کرنے کا فیصلہ کیا ہے اور ان زونز کو اپنی 100 فیصد پیداوار برآمد کرنا ہوگی۔
وفاقی وزارت خزانہ حکام کے مطابق آئی ایم ایف کی شرط کے تحت ستمبر 2026 سے ایکسپورٹ پراسسنگ زونز کی پیداوار مقامی مارکیٹ میں فروخت کرنے کی اجازت ختم کر دی جائے گی اور ان زونز کو اپنی 100 فیصد پیداوار برآمد کرنا ہوگی۔
حکام کا کہنا تھا کہ اس وقت ایکسپورٹ پراسسنگ زونز کو اپنی 20 فیصد پیداوار مقامی مارکیٹ میں فروخت کرنے کی اجازت حاصل ہے تاہم آئی ایم ایف نے اس رعایت کو برقرار رکھنے کی حکومتی درخواست مسترد کر دی ہے۔
وزارت خزانہ کے مطابق حکومت نے مزید ایکسپورٹ پراسسنگ زونز کے قیام کی اجازت کی بھی درخواست کی تھی تاہم آئی ایم ایف نے اسے بھی قبول نہیں کیا۔
حکام نے بتایا کہ حکومت آئندہ اقتصادی جائزے کے دوران دوبارہ درخواست کرے گی کہ مقامی مارکیٹ میں 20 فیصد پیداوار فروخت کرنے پر پابندی عائد نہ کی جائے۔
وزارت خزانہ کے مطابق مقامی مارکیٹ میں پیداوار فروخت کرنے کی چھوٹ ختم کرنے کی تجویز فیڈرل بورڈ آف ریونیو(ایف بی آر) کو بھی بھجوائی جا رہی ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع