وزیراعظم پاکستان سے آذربائیجان کے صدر کے خصوصی نمائندے کی ملاقات، دوطرفہ تعلقات مزید مضبوط بنانے پر اتفاق
اشاعت کی تاریخ: 30th, January 2026 GMT
وزیراعظم محمد شہباز شریف سے جمہوریہ آذربائیجان کے صدر کے خصوصی اسائنمنٹس پر نمائندے، خلف خلفوف نے آج وزیراعظم ہاؤس میں ملاقات کی۔
آذربائیجان کے معزز مہمان کا خیرمقدم کرتے ہوئے وزیراعظم نے پاکستان اور آذربائیجان کے درمیان برادرانہ اور گرمجوش تعلقات کو اجاگر کیا اور باہمی دلچسپی کے تمام شعبوں میں دوطرفہ تعاون کو مزید فروغ دینے کے پاکستان کے عزم کا اعادہ کیا۔
مزید پڑھیں: پاکستان اور آذربائیجان 2 ارب ڈالر کی سرمایہ کاری ڈیل کے قریب، اہم شعبوں میں تعاون تیز کرنے پر اتفاق
وزیراعظم نے آذربائیجان کے صدر الہام علیووف کے لیے نیک تمناؤں کا اظہار کرتے ہوئے ان کی دانشمندانہ قیادت کو سراہا، جس کے باعث آذربائیجان کا عالمی تشخص مزید مستحکم ہوا۔
وزیراعظم نے صدر علیووف کے ساتھ اپنی مختلف ملاقاتوں کا حوالہ دیتے ہوئے گزشتہ برس نومبر میں باکو میں وکٹری پریڈ کے موقع پر ہونے والی ملاقات کا خصوصی ذکر کیا۔
وزیراعظم سے آذربائیجان کے صدر کے خصوصی نمائندے کی ملاقات
جمہوریہ آذربائیجان کے صدر کے خصوصی اسائنمنٹس پر نمائندے، عزت مآب مسٹر خلف خلفوف نے وزیر اعظم محمد شہباز شریف سے آج وزیر اعظم ہاؤس میں ملاقات کی۔@AmirSaeedAbbasi @KulAalam @HussainAhmedCh8 pic.
— Media Talk (@mediatalk922) January 30, 2026
انہوں نے اس امر پر اطمینان کا اظہار کیا کہ پاکستان میں آذربائیجان کی جانب سے 2 ارب امریکی ڈالر کی سرمایہ کاری کے معاہدے کو حتمی شکل دینے میں نمایاں پیشرفت ہو چکی ہے۔ وزیراعظم نے صدر علیووف کو جلد از جلد پاکستان کے سرکاری دورے کی دعوت کا اعادہ بھی کیا۔
ملاقات کے دوران علاقائی صورتحال پر بھی تبادلہ خیال کیا گیا۔ وزیراعظم نے علاقائی امن و استحکام کے مشترکہ مقصد کے حصول کے لیے پاکستان اور آذربائیجان کے درمیان قریبی اور باقاعدہ رابطے کی ضرورت پر زور دیا۔
آذربائیجان کے صدر کے نمائندے مسٹر خلف خلفوف نے وزیراعظم کو صدر الہام علیووف کی جانب سے نیک خواہشات کا پیغام پہنچایا اور وزیراعظم کے وژن اور قیادت کی تعریف کی، جس کے نتیجے میں پاکستان نے معاشی، سلامتی اور سفارتی محاذوں پر اہم کامیابیاں حاصل کیں۔
مزید پڑھیں: آذربائیجان کے صدر سے وزیراعظم شہباز شریف اور فیلڈ مارشل عاصم منیر کی ملاقات
انہوں نے دوسری کاراباخ جنگ کے دوران آذربائیجان کی بھرپور حمایت پر پاکستان کا شکریہ ادا کیا اور جموں و کشمیر کے مسئلے پر آذربائیجان کے دیرینہ اور اصولی مؤقف کا اعادہ کیا۔
نمائندے نے صدر علیووف کا ایک خط بھی وزیراعظم کے حوالے کیا، جس میں اسلام آباد میں رواں ماہ کے آغاز میں افتتاح کیے گئے آسان خدمت مرکز کے قیام میں آذربائیجان کے تعاون پر وزیراعظم کے شکریے اور تعریفی پیغام کا جواب دیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آذربائیجان جمہوریہ آذربائیجان خلف خلفوف وزیراعظم محمد شہباز شریف
ذریعہ
ذریعہ: WE News
کلیدی لفظ: جمہوریہ آذربائیجان وزیراعظم محمد شہباز شریف آذربائیجان کے صدر کے خصوصی شہباز شریف
پڑھیں:
’مضبوط رہیں‘، ریپر طلحہ انجم کا بھارتی طلبا کے ساتھ اظہارِ یکجہتی
پاکستان کے معروف ریپر اور گلوکار طلحہ انجم نے نئی دہلی میں تعلیمی نظام کے خلاف احتجاج کرنے والے بھارتی طلبا سے اظہارِ یکجہتی کرتے ہوئے ان کے حوصلے اور ثابت قدمی کو سراہا ہے۔ انہوں نے طلبا پر ہونے والی پولیس کارروائی کے بعد ایک پیغام جاری کرتے ہوئے کہا کہ وہ ان کے غصے اور احساسات کو بخوبی سمجھتے ہیں۔
طلحہ انجم نے اپنی انسٹاگرام اسٹوری پر بھارتی طلبا کے احتجاج کی ایک ویڈیو شیئر کی، جس میں مظاہرین پر آنسو گیس اور لاٹھی چارج ہوتے دکھایا گیا۔ ویڈیو کے ساتھ انہوں نے لکھا کہ ’بھارت کے طلبا مظاہرین کے نام، مجھے آپ کی ثابت قدمی کا بے حد احترام ہے، میں آپ کی مایوسی اور غصے کو سمجھ سکتا ہوں، اور یہ بھی جانتا ہوں کہ آپ کے ساتھ کیا کیا جا رہا ہے، مضبوط رہیں۔‘
طلحہ انجم پاکستان کے سب سے زیادہ سنے جانے والے موسیقاروں میں شمار ہوتے ہیں اور اسٹریمنگ پلیٹ فارم اسپاٹیفائی پر ان کی مقبولیت کئی ریکارڈ قائم کر چکی ہے۔ بھارت میں بھی ان کے مداحوں کی بڑی تعداد موجود ہے۔ گزشتہ برس نیپال میں ایک کنسرٹ کے دوران ایک مداح کی جانب سے بھارتی پرچم پیش کیے جانے پر وہ خبروں میں آئے تھے، بعد ازاں انہوں نے پاکستان میں اس معاملے پر وضاحت بھی کی تھی۔
سماجی اور انسانی مسائل پر کھل کر مؤقف اختیار کرنے والے طلحہ انجم اس سے قبل بھی کئی معاملات پر آواز بلند کر چکے ہیں۔ اپریل میں صومالیہ کے ساحل کے قریب قزاقوں کے قبضے میں جانے والے پاکستانی ملاحوں کی رہائی کے لیے انہوں نے حکومت سے مؤثر اقدامات کا مطالبہ کیا تھا اور وزارتِ خارجہ سے متاثرہ خاندانوں کے لیے مستقل ہیلپ لائن قائم کرنے کی اپیل بھی کی تھی۔
دوسری جانب بھارت میں تعلیمی امتحانات کے مبینہ پیپر لیکس کے خلاف احتجاج کا سلسلہ گزشتہ ماہ سے جاری ہے۔ کاکروچ جنتا پارٹی (CJP) کے پلیٹ فارم سے ہونے والے اس دھرنے میں طلبہ وزیرِ تعلیم دھرمیندر پردھان کے استعفے اور تعلیمی نظام میں اصلاحات کا مطالبہ کر رہے ہیں۔ حالیہ دنوں پارلیمنٹ کی جانب مارچ کی کوشش کے دوران پولیس نے مظاہرین کو روکنے کے لیے طاقت کا استعمال کیا، جس کے نتیجے میں متعدد افراد زخمی ہوئے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار