نیورالنک کی برین چپ کی کامیابی، مفلوج طالبعلم کمپیوٹر استعمال کرنے کے قابل ہوگیا
اشاعت کی تاریخ: 30th, January 2026 GMT
غوطہ خوری کے حادثے کے بعد مفلوج ہوجانے والا برطانیہ کا ایک میڈیکل طالبعلم ایلون مسک کی کمپنی نیورالنک کی برین چِپ کی بدولت کمپیوٹر استعمال کرنے کے قابل ہوگیا۔
یہ بھی پڑھیں: ایلون مسک کی کمپنی نیورالنک نے انسان میں برین امپلانٹ کرلیا
ابتدائی مرحلے کے ایک طبی تجربے کے تحت یہ چِپ لندن میں سباسٹین گومیز پینا کے دماغ میں نصب کی گئی تھی۔ وہ برطانیہ میں اس جدید ٹیکنالوجی کو آزمانے والے اولین افراد میں شامل ہیں۔ یہ ڈیوائس انسان کو صرف دماغی سگنلز کے ذریعے کمپیوٹر کنٹرول کرنے کی صلاحیت دیتی ہے۔
نیورالنک کی چِپ کو یونیورسٹی کالج لندن ہاسپٹلز میں 5 گھنٹے طویل سرجری کے دوران نصب کیا گیا۔ یہ چِپ انتہائی باریک دھاگوں کے ذریعے دماغ سے جڑتی ہے اور دماغی سگنلز کو وائرلیس انداز میں کمپیوٹر تک منتقل کرتی ہے۔
اس ٹیکنالوجی کی مدد سے سباسٹین گومیز اب کمپیوٹر کا کرسر چلا سکتے ہیں، فائلیں کھول سکتے ہیں اور شطرنج جیسے کھیل بھی کھیل سکتے ہیں وہ بھی بغیر کسی جسمانی لمس کے۔
میڈیا سے گفتگو کرتے ہوئے انہوں نے کہا کہ یہ میری زندگی میں ایک بہت بڑی تبدیلی ہے اور ٹیکنالوجی سمجھ لیتی ہے کہ میں کیا کرنا چاہتا ہوں اور وہی کر دیتی ہے۔
سباسٹین میڈیکل اسکول شروع کرنے کے کچھ عرصے بعد ایک حادثے کا شکار ہوئے تھے جس میں ان کی گردن ٹوٹ گئی اور وہ مکمل طور پر مفلوج ہو گئے۔
مزید پڑھیے: ایلون مسک کی چپ سے فالج کا مریض شطرنج کھیلنے لگا
سرجری کے دوران نیورالنک کے تیار کردہ ایک خصوصی سرجیکل روبوٹ کے ذریعے دماغ کے اس حصے میں الیکٹروڈز نصب کیے گئے جو ہاتھ اور انگلیوں کی حرکت کو کنٹرول کرتا ہے۔ یہ دھاگے انسانی بال سے 10 گنا باریک ہیں اور انہیں دماغ کے موٹر کارٹیکس میں لگایا گیا۔
یہ دھاگے ایک سکے کی شکل کے آلے سے جڑے ہوتے ہیں جو کھوپڑی میں نصب کیا جاتا ہے جہاں دماغی لہروں کو ریکارڈ کر کے وائرلیس طور پر جسم سے باہر منتقل کیا جاتا ہے۔
سباسٹین اس وقت برطانیہ میں اس تجربے کے 7 شرکا میں شامل ہیں جبکہ دنیا بھر میں امریکا، کینیڈا اور متحدہ عرب امارات سمیت مجموعی طور پر 21 افراد اس آزمائش کا حصہ ہیں۔
ڈاکٹروں کے مطابق سباسٹین کا سسٹم پر کنٹرول تیز اور انتہائی درست ہے اور بعض شرکا محض سوچ کے ذریعے ورچوئل کی بورڈ پر ٹائپ یا دیگر آلات چلا سکتے ہیں۔
یونیورسٹی کالج لندن ہاسپٹلز کے لیڈ انویسٹیگیٹر ڈاکٹر حارث اکرم کا کہنا ہے کہ یہ ٹیکنالوجی شدید اعصابی معذوری کے شکار مریضوں کے لیے گیم چینجر ثابت ہو سکتی ہے۔
مزید پڑھیں: انسانی دماغ میں اے آئی ٹیکنالوجی کی کامیاب پیوند کاری، کیا اب انسان بھی کمپیوٹر بن جائے گا؟
تاہم انہوں نے واضح کیا کہ یہ ٹیکنالوجی ابھی تجرباتی مراحل میں ہے اور اس کے طویل مدتی اثرات کے بارے میں مزید تحقیق کی ضرورت ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایلون مسک برین چپ نیورالنک.
ذریعہ
ذریعہ: WE News
کلیدی لفظ: ایلون مسک برین چپ نیورالنک ایلون مسک کے ذریعے سکتے ہیں نصب کی ہے اور
پڑھیں:
مون سون کا طاقتورسپیل ، جھل تھل ایک ہوگیا،2 وکلاء کے چیمبر گرگئے
لاہور سمیت ملک کے مختلف علاقوں میں ہونےوالی مون سون کی بارش نے جل تھل ایک کردیا۔لاہور میں مون سون کا سپیل زور شور سے جاری ہے اورعلی الصبح سے ہونے والی موسلا دھار بارش سے نشیبی علاقے زیرآب آگئے ہیں۔واسا لاہور کی جانب سے اب تک ہونے والی بارش کا ریکارڈ جاری کردیاگیاہے جس کے مطابق جیل روڈمیں 28.5، ایئرپورٹ میں 263، ہیڈ آفس گلبرگ میں 52، لکشمی چوک میں 25، اپر مال کے علاقے میں 114.4، مغلپورہ میں 129، تاجپورہ میں 155، نشتر ٹاؤن میں 56.4، چوک ناخدا میں 62، پانی والا تالاب میں 27.2، فرخ آباد میں 23.4، گلشن راوی میں 18، اقبال ٹاؤن میں 54.2، سمن آبادمیں 32، جوہر ٹاؤن میں 81، ڈیفنس روڈ میں 45، شادی پورہ میں 132.4 ، سگیاں میں 22.2اور مناواں میں 106 ملی میٹر بارش ریکارڈ کی گئی،سب سے زیادہ 263 ملی میٹر بارش ائیر پورٹ پر ریکارڈ کی گئی ہے ۔لاہور میں ہونےوالی موسلادھار بارش سےسیشن کورٹ میں سینئر قانون دان پیر مسعود چشتی سمیت2 وکلاء کے چیمبر گرگئے،پیر مسعود چشتی کا چیمبر کافی عرصے سے خالی پڑاتھا،چیمبر کی چھت بارش کے پانی کا بوجھ برداشت نہ کر سکی اورگرگئی،شدید بارش کی وجہ سے ماتحت عدالتوں میں سائلین نہ پہنچ سکے۔ دوسری طرف آئی جی پنجاب نے پولیس کو حادثات اور ناگہانی صورتحال میں امدادی سرگرمیوں میں شرکت کی ہدایت کرتے ہوئے کہاہے کہ پولیس افسران اور اہلکار بارش سے متاثرہ علاقوں میں انتہائی مستعد ہو کر ڈیوٹی انجام دیں،سپروائزری پولیس افسران بارش زدہ علاقوں میں امدادی سرگرمیاں خود مانیٹر کریں، بارش کے مزید امکانات کے پیش نظر پولیس افسران اور اہلکار الرٹ رہیں،کسی بھی ہنگامی صورتحال میں فوری ریسپانڈ کریں۔ملک کے دوسرے حصوں کی طرح ضلع خیبر کے باڑہ اور جمرود کے علاؤہ وادی تیراہ کے پہاڑوں پر بھی ہونے والی بارش سے موسم خوشگوارہوگیا لیکن ندی نالوں میں طغیانی اور دریائے باڑہ میں درمیانے درجے کا سیلاب ہے ،جولائی کے مہینے میں دسمبر جیسے سردی محسوس کی جارہی ہے،پہاڑی علاقوں میں بارش سے ندی نالوں میں طغیانی آگئی ہے،ضلعی انتظامیہ اور ریسکیو کی جانب سے حفاظتی انتظامات مکمل کرلئے گئے ہیں جبکہ ندی نالوں کے قریب جانے پر پابندی کی خلاف ورزی پر دوافرادکو گرفتار بھی کرلیاگیاہے۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی