کراچی؛ مختلف علاقوں میں پولیس مقابلے، 5زخمیوں سمیت 8 ملزمان گرفتار، اسلحہ اور مسروقہ سامان برآمد
اشاعت کی تاریخ: 31st, January 2026 GMT
کراچی:
مختلف علاقوں میں پولیس اور مسلح ڈاکوؤں کے درمیان مبینہ مقابلوں کے دوران پولیس نے زخمی سمیت 8 ملزمان کو گرفتار کرلیا۔
تفصیلات کے مطابق ضلع غربی کے علاقے اور اورنگی ٹاؤن فتح کالونی میں پولیس اور ڈاکوؤں کے درمیان فائرنگ کا تبادلہ ہوا، جس کے نتیجے میں ایک ڈاکو زخمی حالت میں گرفتار کرلیا گیا۔
ترجمان ضلع غربی پولیس کے مطابق گرفتار ملزم کی شناخت وارث ولد اقبال کے نام سے ہوئی، جبکہ اس کا ایک ساتھی موقع سے فرار ہونے میں کامیاب ہوگیا۔ پولیس نے ملزم کے قبضے سے پستول، کارتوس اور موبائل فون برآمد کرلیا۔
ڈسٹرکٹ سینٹرل کے علاقے کریم آباد میں واقعے اپووا کالج گراؤنڈ میں ہونے والے مبینہ پولیس مقابلے میں زخمی سمیت تین ڈاکو گرفتار کرلیے گئے۔ ترجمان ضلع پولیس کے مطابق زخمی ملزم کی شناخت احسن اکبر ولد محمد انور کے نام سے ہوئی، جبکہ دیگر گرفتار ملزمان محمد تنزیل ولد امیر الرحمن اور محمد احمد ولد عبد الکلام شامل ہیں۔ پولیس نے ملزمان سے دو پستول اور کارتوس برآمد کیے۔
مزید پڑھیںکراچی، شہر میں پولیس مقابلے، دو زخمی سمیت 4 ڈاکو گرفتار
ضلع غربی میں طوری بنگش کالونی میں بھی پولیس مقابلے کے دوران زخمی سمیت دو ڈاکو گرفتار کرلیے گئے۔ ترجمان ضلع غربی پولیس کے مطابق زخمی ملزم کی شناخت امتیاز عرف سجاد جبکہ دوسرے ملزم کی شناخت فرقان عرف شاہ نواز کے نام سے ہوئی۔ پولیس نے ملزمان کے قبضے سے اسلحہ، کارتوس اور موٹر سائیکل تحویل میں لے لی۔
ادھر گارڈن چڑیا گھر کے قریب ٹینکر چوک پر مبینہ پولیس مقابلے میں ایک ڈاکو زخمی حالت میں گرفتار ہوا، جس کی شناخت شاہزیب ولد سلمان کے نام سے کی گئی۔ پولیس کے مطابق ملزم کے قبضے سے پستول، کارتوس اور موٹر سائیکل برآمد ہوئی۔
علاوہ ازیں عزیز آباد میمن فاؤنڈیشن کے قریب مبینہ پولیس مقابلے میں بھی ایک ڈاکو زخمی حالت میں گرفتار کیا گیا، جس کی شناخت عبدالرزاق کے نام سے ہوئی۔ ریسکیو حکام کے مطابق زخمی ملزم کو اسپتال منتقل کردیا گیا جبکہ پولیس نے ملزمان کا سابقہ کریمنل ریکارڈ جمع کرنا شروع کردیا ہے۔
.
ذریعہ
ذریعہ: Express News
کلیدی لفظ: پولیس کے مطابق کے نام سے ہوئی ملزم کی شناخت پولیس نے ملزم پولیس مقابلے میں پولیس زخمی سمیت
پڑھیں:
کراچی: ملیر 15 میں رینجرز اور ایس آئی یو کی کارروائی، 3 بھتہ خور ہلاک
— فائل فوٹوکراچی کے علاقے ملیر 15 میں رینجرز اور اسپیشل انویسٹی گیشن یونٹ پولیس نے بھتہ خوروں کے خلاف مشترکہ کارروائی کی۔
اس دوران فائرنگ کے تبادلے میں 3 بھتہ خور ہلاک جبکہ ایک کو زخمی حالت میں گرفتار کر لیا گیا۔
ترجمان رینجرز کے مطابق بھتہ خوروں کی موجودگی کی خفیہ اطلاع پر ایس آئی یو کے ہمراہ کارروائی کی گئی تو وہاں موجود بھتہ خوروں نے رینجرز اور ایس آئی یو کی نفری پر حملہ کر دیا۔
ڈاکٹر آکاش سے 13جولائی کو ہلاک ڈاکوؤں نے کلفٹن میں اپنے ساتھیوں کے ہمراہ بینک کے باہر لوٹ مار کی تھی۔
ترجمان کے مطابق اس کے بعد مزید نفری کو طلب کیا گیا اور فائرنگ کے تبادلے میں 3 بھتہ خور ہلاک ہو گئے جبکہ 1 کو زخمی حالت میں گرفتار کر لیا گیا۔
ہلاک اور زخمی ہونے والے بھتہ خوروں کی شناخت کا عمل جاری ہے۔
ملزمان سے اسلحہ، موبائل فون اور موٹر سائیکل ملی ہے۔
پاکستان نے ورلڈ کپ 2028 کیلیے براہ راست کوالیفائی کر لیا