سفاری ٹرین کے اخراجات کم کرانے کی کوشش کروں گا: وزیرِ سیاحت سندھ
اشاعت کی تاریخ: 31st, January 2026 GMT
وزیرِ ثقافت و سیاحت سندھ ذوالفقار علی شاہ—فائل فوٹو
وزیرِ ثقافت و سیاحت سندھ ذوالفقار علی شاہ نے کہا ہے کہ سندھ میں سیاحت کے فروغ کے لیے اقدامات کر رہے ہیں اور اس سلسلے میں وزیرِ اعظم سے بات کر کے سکھر سفاری ٹرین کے اخراجات کم کرانے کی کوشش کریں گے۔
وزیرِثقافت و سیاحت سندھ ذوالفقار شاہ نے کراچی کینٹ اسٹیشن پر میڈیا ٹاک کرتے ہوئے بتایا ہے کہ سندھ کےکلچر ٹورازم کے فروغ کے لیے یہ سب سے بہترین اقدام کیا گیا ہے یہ سفاری ٹرین کراچی سے سکھر جائے گی۔
سفاری ٹرین کے حوالے سے انہوں بتایا ہے کہ موسمِ گرما کی تعطیلات میں سیاحوں کو اس ٹرین کے ذریعے گورکھ ہل اسٹیشن لے جائیں گے۔
صوبائی وزیر ثقافت و سیاحت سید ذوالفقار علی شاہ نے اداکارہ حمیرا اصغر کی تدفین کرانے کا فیصلہ کرلیا۔
سکھر سفاری ٹرین کے حوالے سے انہوں نے مزید بتایا ہے کہ اس ٹرین کے ذریعے سادھو بیلہ لینس ڈاؤن برج اور کوٹ ڈیجی کی سیر بھی کرائی جائے گی۔
اس موقع پر محکمۂ سیاحت کی جانب سے خصوصی ٹرین کینٹ اسٹیشن سے موہن جو دڑو روانہ ہوئی جس کے مسافروں میں وزیرِ ثقافت و سیاحت ذوالفقار علی شاہ بھی شامل تھے۔
ترجمان محکمۂ سیاحت کے مطابق پہلے روز ٹرین کے شرکاء کو درگاہ لعل شہباز قلندرؒ کی زیارت کرائی جائے گی، اس کے بعد ٹرین سیہون سے لاڑکانہ روانہ ہو گی جہاں قیام سمیت شرکاء کے لیے میوزیکل ایونٹ ہو گا جبکہ دوسرے روز شرکاء موہن جو دڑو کا دورہ کریں گے۔
.
ذریعہ
ذریعہ: Jang News
کلیدی لفظ: ذوالفقار علی شاہ ثقافت و سیاحت سفاری ٹرین کے سیاحت سندھ
پڑھیں:
جعلی دستاویزات پر بیرون ملک جانے کی کوشش ناکام، 2 خواتین آف لوڈ، ایجنٹس گرفتار
فیڈرل انویسٹی گیشن ایجنسی (ایف آئی اے) ملتان زون نے جعلی دستاویزات پر بیرون ملک جانے کی کوشش ناکام بنادی۔
ایف آئی اے ملتان زون کے مطابق 2 خواتین کو آف لوڈ کرکے 2 ایجنٹوں کو گرفتار کرلیا۔ مسافروں نے جعلی نکاح نامے پر سوازی لینڈ کے وزٹ ویزے حاصل کیے تھے۔
ایف آئی اے کے مطابق گرفتار ایجنٹ نے مسافروں کی غیرقانونی امیگریشن کیلیے رشوت دینے کی کوشش بھی کی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ