پی آئی اے ریٹائرڈ ملازمین کیلئے نئی مشکل، پینشن کے حصول کے لیے نیا اکاؤنٹ لازمی قرار
اشاعت کی تاریخ: 31st, January 2026 GMT
پاکستان انٹرنیشنل ایئرلائن (پی آئی اے) کے ریٹائرڈ ملازمین کی مشکلات میں ایک بار پھر اضافہ ہو گیا ہے، کیونکہ پینشن کے حصول کے لیے اب انہیں نیا اور الگ بینک اکاؤنٹ کھلوانا ہوگا۔
تفصیلات کے مطابق پی آئی اے ہولڈنگ کمپنی نے 16 ہزار سے زائد ریٹائرڈ ملازمین کو مطلع کر دیا ہے کہ پینشن کی ادائیگی صرف نئے مخصوص پینشن اکاؤنٹس کے ذریعے ہی کی جائے گی۔ انتظامیہ کا کہنا ہے کہ نیا پینشن اکاؤنٹ کھلوانے کے بعد ہی ماہانہ رقم جاری ہو سکے گی۔
اس سے قبل ریٹائرڈ ملازمین کو پینشن ان کے کسی بھی موجودہ بینک اکاؤنٹ میں منتقل کر دی جاتی تھی، تاہم نئے فیصلے کے بعد انہیں اضافی قانونی اور انتظامی مراحل سے گزرنا پڑے گا۔ واضح رہے کہ بیشتر ریٹائرڈ ملازمین کو کم از کم 3 ہزار جبکہ زیادہ سے زیادہ 12 سے 15 ہزار روپے ماہانہ پینشن ملتی ہے۔
صدر پیپلز یونٹی پی آئی اے ہدایت اللہ نے اس فیصلے پر شدید تنقید کرتے ہوئے کہا کہ پہلے ادارے کو کوڑیوں کے مول فروخت کیا گیا اور اب ریٹائرڈ ملازمین کو مزید مشکلات میں دھکیلا جا رہا ہے۔ ان کا کہنا تھا کہ یہ تمام اقدامات نہ آئین کے مطابق ہیں اور نہ ہی قانون کے تحت، جبکہ عدالتی احکامات کو بھی نظر انداز کیا جا رہا ہے۔
ہدایت اللہ نے مزید کہا کہ نئے اکاؤنٹس کھلوانے کی شرط نے بزرگ اور کمزور ریٹائرڈ ملازمین کی پریشانی میں مزید اضافہ کر دیا ہے، جو پہلے ہی مالی مسائل کا شکار ہیں۔
ذریعہ
ذریعہ: Daily Mumtaz
کلیدی لفظ: ریٹائرڈ ملازمین کو پی ا ئی اے اکاو نٹ
پڑھیں:
سونے کی قیمت میں نمایاں کمی
عالمی اور مقامی مارکیٹس میں سونے کی قیمت میں نمایاں کمی دیکھی گئی۔آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونا ایک ہزار 800 روپے سستا ہوگیا، جس کے بعد سونے کی نئی قیمت 4 لاکھ 35 ہزار 636 روپے ہوگئی، اسی طرح 10 گرام سونے کی قیمت میں ایک ہزار 543 روپے کی کمی ہوئی، جس کے بعد نئی قیمت 3 لاکھ 73 ہزار 487 روپے مقرر کی گئی ہے۔دوسری جانب عالمی مارکیٹ میں بھی سونے کی قیمت میں کمی کا رجحان دیکھا گیا، جہاں فی اونس سونا 18 ڈالر سستا ہونے کے بعد 4 ہزار 96 ڈالر پر آگیا۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم