پنجاب میں ڈیجیٹل انقلاب کا آغاز، مریم نواز کا اعلان
اشاعت کی تاریخ: 31st, January 2026 GMT
وزیرِ اعلیٰ پنجاب مریم نواز نے کہا ہے کہ پنجاب میں ڈیجیٹل انقلاب کی شروعات ہو چکی ہیں اور پنجاب ایگریکلچر، فوڈ اینڈ ڈرگ اتھارٹی (PAFDA) کا قیام عوام کی خدمت کا واضح ثبوت ہے۔
پاکستان کی پہلی ایگریکلچر، فوڈ اینڈ ڈرگ اتھارٹی کے افتتاحی تقریب سے خطاب کرتے ہوئے مریم نواز نے کہا کہ اس ادارے کے قیام پر دل خوش ہے اور یہ 10 سال کی محنت کا نتیجہ ہے۔ انہوں نے بتایا کہ اس سے قبل جدید لیبارٹری نہ ہونے کی وجہ سے برآمد کنندگان اور صارفین دونوں نقصان اٹھا رہے تھے۔
وزیرِ اعلیٰ پنجاب نے کہا کہ پنجاب ترقی و خوش حالی کی راہ پر گامزن ہے اور عوامی خدمت ہمارا اولین مقصد ہے۔ انہوں نے اس بات پر زور دیا کہ ادارے کی کامیابی میں وہاں کام کرنے والے ہر فرد کی محنت شامل ہے۔
مریم نواز نے مزید کہا کہ زرعی ملک ہونے کے باوجود عالمی معیار کی ٹیسٹنگ لیب نہ ہونا ایک لمحۂ فکریہ تھا، لیکن اب PAFDA کے قیام سے یہ کمی پوری ہو گئی ہے۔ انہوں نے بتایا کہ سیٹلائٹ کرائم سین یونٹس کا دائرہ 38 اضلاع تک بڑھایا جا رہا ہے۔
انہوں نے اعلان کیا کہ ای بزنس رجسٹریشن کا عمل بھی شروع کر دیا گیا ہے اور میرٹ پر کسی قسم کا سمجھوتہ نہیں کیا جائے گا۔ خواتین سائنسدانوں کے لیے 2 ارب 30 کروڑ روپے کی لاگت سے جدید ہاسٹل بھی تعمیر کیا گیا ہے تاکہ انہیں بہترین سہولیات میسر ہوں۔
ذریعہ
ذریعہ: Daily Mumtaz
پڑھیں:
نواز شریف کل میرپور میں انتخابی جلسے سے خطاب کریں گے
آزاد جموں و کشمیر کے عام انتخابات 2026ء کے سلسلے میں پاکستان مسلم لیگ نون کے صدر 24 جولائی کو قائداعظم سٹیڈیم میرپور میں انتخابی جلسے سے خطاب کریں گے۔ اسلام ٹائمز۔ آزاد جموں و کشمیر کے عام انتخابات 2026ء کے پہلے مرحلے میں میرپور ڈویژن میں پولنگ 27 جولائی کو ہوگی۔ اس سلسلے میں پاکستان مسلم لیگ (ن) کے صدر اور سابق وزیراعظم میاں نواز شریف 24 جولائی کو قائداعظم سٹیڈیم میرپور میں انتخابی جلسے سے خطاب کریں گے۔جلسے میں وزیر اعلیٰ پنجاب مریم نواز شریف اور پارٹی کے دیگر رہنما بھی شرکت کریں گے۔ قائداعظم سٹیڈیم میں جلسے کی تیاریاں جاری ہیں جبکہ سٹیج کی تعمیر کے لیے کنٹینرز بھی پہنچا دیئے گئے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار