فلاڈیلفیا: گمشدہ کتا 4 سال بعد مل گیا، مالک برفانی طوفان میں 16 گھنٹے کا سفر کر کے لینے پہنچا
اشاعت کی تاریخ: 31st, January 2026 GMT
امریکی ریاست پنسلونیا کے شہر فلاڈیلفیا میں 4 سال قبل گم ہونے والا کتا بالآخر مالک کو مل گیا، مالک وسکونسن سے برفانی طوفان کے دوران طویل سفر کر کے اپنے پالتو جانور کو لینے پہنچا۔
یہ بھی پڑھیں: گوگل میپس نے ایک سال سے گمشدہ شخص کا معمہ حل کردیا
فلاڈیلفیا اینیمل کیئر اینڈ کنٹرول ٹیم کے مطابق رواں ماہ ایک آوارہ کتے کو تحویل میں لیا گیا، جسے معمول کے مطابق مائیکروچِپ اسکین کیا گیا۔ مائیکروچپ کے ذریعے اس کی شناخت سیپی کے نام سے ہوئی، جو اسی علاقے میں 4 سال قبل لاپتا ہونے کی رپورٹ میں درج تھا۔
سیپی کے مالک لیووِگِلڈو رامیرز نے بتایا کہ کتا 2022 میں اس وقت بھاگ گیا تھا جب خاندان گھر میں سامان رکھ رہا تھا۔ بعد ازاں وہ وسکونسن منتقل ہو گئے تھے تاہم انہوں نے امید کے ساتھ سیپی کا مائیکروچپ ریکارڈ مسلسل اپڈیٹ رکھا۔
یہ بھی پڑھیں: لاپتا ’ایتھینا‘ کرسمس پر گھر لوٹ آیا
کتے کی موجودگی کی اطلاع ملتے ہی رامیرز شدید برفباری کے باوجود 16 گھنٹے کا سفر طے کر کے فلاڈیلفیا پہنچے اور اپنے پالتو جانور سے دوبارہ ملے۔
مالک کا کہنا تھا کہ سیپی ان کا بہترین دوست ہے اور 4 سال بعد اس سے ملاقات ناقابلِ یقین اور جذباتی لمحہ تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امریکا برف پنسلونیا ڈیلفیا کتا لاپتا کتا.
ذریعہ
ذریعہ: WE News
کلیدی لفظ: امریکا پنسلونیا کتا لاپتا کتا
پڑھیں:
سندھ میں مٹی کے طوفان نے تباہی مچا دی، 46 گرڈ اسٹیشن بند، درجنوں شہر اندھیرے میں ڈوب گئے
سکھر:سندھ کے مختلف اضلاع میں آنے والی شدید آندھی، مٹی کے طوفان اور موسلا دھار بارش نے بڑے پیمانے پر تباہی مچا دی۔
مورو میں طوفانی ہواؤں کے باعث گھروں، دکانوں، ہوٹلوں اور سرکاری و نیم سرکاری عمارتوں کی چھتوں پر نصب سولر پلیٹیں اور سائن بورڈ اکھڑ کر دور جا گرے جبکہ متعدد مقامات پر درخت اور بجلی کی تاریں بھی زمین بوس ہوگئیں۔
ریسکیو ذرائع کے مطابق مختلف حادثات میں کم از کم پانچ افراد زخمی ہوئے جنہیں فوری طور پر قریبی اسپتال منتقل کر دیا گیا۔
کئی علاقوں میں شہری خوف و ہراس کا شکار رہے جبکہ طوفان کے باعث معمولات زندگی شدید متاثر ہوئے۔
دوسری جانب لاڑکانہ، شکارپور، دادو اور گرد و نواح میں خراب موسمی صورتحال کے باعث بجلی کا ترسیلی نظام بھی بری طرح متاثر ہوا۔
سیپکو حکام کے مطابق شدید آندھی اور بارش کے نتیجے میں 220 کے وی گرڈ اسٹیشن لوڈرا، شکارپور اور دادو سے آنے والی 132 کے وی مین سپلائی متاثر ہوگئی جس کے باعث لاڑکانہ سرکل کے متعدد فیڈرز بند ہوگئے۔
سیپکو کنٹرول سینٹر کے مطابق طوفانی موسم سے 220 کے وی اور 132 کے وی کی متعدد اہم ٹرانسمیشن لائنیں ٹرپ کر گئیں جبکہ کئی مقامات پر ٹاورز، پولز اور بجلی کی لائنوں کو نقصان پہنچا ہے۔
صورتحال کے باعث مجموعی طور پر 46 گرڈ اسٹیشنز متاثر ہوئے جس سے لاڑکانہ، قمبر، شہدادکوٹ، کشمور، کندھکوٹ، گھوٹکی، خیرپور، نوشہروفیروز، مورو اور دیگر علاقوں میں بجلی کی فراہمی معطل یا شدید متاثر ہوگئی۔
سیپکو کے چیف ایگزیکٹو آفیسر انجینئر اعجاز احمد چنہ کی ہدایات پر آپریشن، کنسٹرکشن، جی ایس او اور فیلڈ ٹیموں کو ہنگامی بنیادوں پر متحرک کر دیا گیا ہے۔
انجینئرز اور تکنیکی عملہ متاثرہ علاقوں میں مرمتی کاموں میں مصروف ہے اور خراب ہونے والے پولز، ٹاورز اور ٹرانسمیشن لائنوں کی بحالی کا عمل جاری ہے۔
سیپکو حکام کا کہنا ہے کہ ادارہ اپنے تمام دستیاب وسائل استعمال کرتے ہوئے بجلی کی جلد بحالی کے لیے کام کر رہا ہے تاہم شدید موسمی حالات کے باعث مرمتی سرگرمیوں میں مشکلات کا سامنا ہے۔
متاثرہ علاقوں کے صارفین سے صبر و تحمل کی اپیل کرتے ہوئے یقین دلایا گیا ہے کہ بجلی کی فراہمی جلد از جلد بحال کرنے کی ہر ممکن کوشش کی جا رہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ