پی آئی بی ایف کا جینے دو کراچی مارچ کی حمایت کا اعلان
اشاعت کی تاریخ: 1st, February 2026 GMT
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر)پاک انٹرنیشنل بزنس فورم (PIBF) کراچی نے جماعت اسلامی کے زیر اہتمام منعقد ہونے والے ‘‘جینے دو کراچی’’ مارچ کی بھرپور حمایت اور اس میں فعال شرکت کا اعلان کرتے ہوئے واضح کیا ہے کہ بااختیار اور مضبوط بلدیاتی حکومت ہی کراچی کے دیرینہ مسائل کا واحد اور پائیدار حل ہے۔پی آئی بی ایف کراچی کے صدر سہیل عزیز اور جنرل سیکرٹری عامر رفیع نے اپنے مشترکہ بیان میں کہا کہ کراچی ملک کا معاشی انجن ہے مگر مسلسل بدانتظامی، اختیارات کے ارتکاز اور غیر فعال بلدیاتی نظام کے باعث شہر کے شہری بنیادی سہولیات سے محروم ہیں۔ کچرا اٹھانے کا نظام، سیوریج، پانی کی فراہمی، ٹریفک مینجمنٹ اور انفرااسٹرکچر کی زبوں حالی اس بات کا واضح ثبوت ہے کہ موجودہ انتظامی ڈھانچہ ناکام ہو چکا ہے۔انہوں نے کہا کہ جب تک کراچی کو حقیقی معنوں میں بااختیار بلدیاتی حکومت نہیں دی جاتی، اس وقت تک شہر کے مسائل حل نہیں ہو سکتے۔ مقامی نمائندوں کو مالی، انتظامی اور قانونی اختیارات دیے بغیر بہتری کی کوئی امید نہیں کی جا سکتی۔بیان میں مزید کہا گیا کہ ‘‘جینے دو کراچی’’ مارچ دراصل کراچی کے شہریوں کی اجتماعی آواز ہے، اور پی آئی بی ایف کراچی اس عوامی جدوجہد کے ساتھ کھڑا ہے۔ تاجر برادری، صنعتکار اور کاروباری طبقہ بھی یہ سمجھتا ہے کہ مستحکم اور خودمختار بلدیاتی نظام ہی معاشی سرگرمیوں کے فروغ اور شہری معیارِ زندگی میں بہتری کی ضمانت ہے۔پی آئی بی ایف کراچی نے مطالبہ کیا کہ کراچی میں فوری طور پر بااختیار بلدیاتی حکومت قائم کی جائے منتخب مقامی نمائندوں کو مکمل مالی و انتظامی اختیارات دیے جائیں شہری مسائل کے حل کے لیے طویل المدتی اور عملی پالیسی بنائی جائے پی آئی بی ایف کراچی نے اعلان کیا کہ وہ آج شارعِ فیصل پر ہونے والے مارچ میں بھرپور شرکت کرے گا اور کراچی کے حقوق کے لیے ہر جمہوری جدوجہد میں عوام کے ساتھ کھڑا رہے گا۔
ذریعہ
ذریعہ: Jasarat News
کلیدی لفظ: پی ا ئی بی ایف کراچی کراچی کے
پڑھیں:
لاہور میں بلدیاتی الیکشن کیلئے حلقہ بندیوں کی ابتدائی فہرست کا اجرا
لاہور: بلدیاتی الیکشن کے لیے حلقہ بندیوں کی ابتدائی فہرست جاری کر دی گئی. لاہور میں مجموعی طور پر 433 یونین کونسلز بنائی گئی ہیں۔ڈسٹرکٹ الیکشن کمشنر پنجاب نے لاہورکی یونین کونسل کی حلقہ بندیوں کی ابتدائی فہرست جاری کردی.فہرست کےمطابق لاہور کو نو ٹاؤن میں تقسیم کیا گیا جس میں راوی ٹاؤن 52، شالیمار میں 72، واہگہ ٹاؤن میں 25 یونین کونسلز قائم کی گئی ہیں۔ماڈل ٹاؤن میں 77، نشتر ٹاؤن میں 40، صدر کینٹ میں 29 یونین کونسل بنائی گئیں، رائے ونڈ سٹی میں 32، لاہور سٹی میں 69 اور علامہ اقبال ٹاؤن میں 37 یونینز بنائی گئیں۔شہری 23 جون تک حلقہ بندیوں پر اعتراضات دائرکرسکتے ہیں. 24 جولائی تک اعتراضات پر فیصلہ سنایا جائےگا. تمام حلقہ بندیوں کی حتمی فہرست 10اگست 2026 کو جاری ہوگی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ