بلوچستان میں صورتحال تشویشناک ، امن کیلیے تمام اسٹیک ہولڈرز متفقہ پالیسی تشکیل دیں‘ لیاقت بلوچ
اشاعت کی تاریخ: 1st, February 2026 GMT
data-id="863a0a8" data-element_type="widget" data-widget_type="theme-post-content.default">
لاہور(نمائندہ جسارت)نائب امیر جماعت اسلامی پاکستان لیاقت بلوچ نے بلوچستان میں دہشت گردی واقعات کی مذمت کرتے ہوئے سیکورٹی اہلکاروں کی شہادت پر افسوس اور لواحقین سے ہمدردی کا اظہار کیا ہے۔منصورہ سے جاری بیان میں لیاقت بلوچ نے کہا کہ بلوچستان کے کئی شہروں میں دہشت گردی اور خوف و ہراس کا ماحول ہے، اگرچہ ادارے کہہ رہے ہیں کہ حالات کنٹرول میں ہیں تاہم بذات خود یہ بہت بڑا سوال ہے کہ صوبے میں بھرپور طاقت کے استعمال کے باوجود امن قائم کیوں نہیں ہوسکا۔ بلوچستان کے عوام غیر محفوظ ہیں اور صورتحال انتہائی تشویشناک ہے۔ برقرار صورتحال سے انٹیلی جنس اداروں کے معیار کا بھی اندازہ ہوتا ہے۔لیاقت بلوچ نے کہا کہ دہشت گردی واقعات میں بیرونی ہاتھ ملوث ہے تو حکومت اس کے بارے میں قوم کو آگاہ اور اُن عناصر کے خلاف اقدامات کیوں نہیں اٹھاتی ۔جماعت اسلامی کی جانب سے بارہا مطالبہ کیا گیا ہے کہ بلوچستان سمیت ملک کے دیگر علاقوں میں بیرونی دہشت گردی کے خاتمے اور اندرونی مسائل کے حل کے لیے قومی ایکشن پلان کی ازسر نو تشکیل ہو اور تمام اسٹیک ہولڈرز کی مشاورت سے متفقہ پالیسی تشکیل دی جائے۔
ذریعہ
ذریعہ: Jasarat News
کلیدی لفظ: لیاقت بلوچ
پڑھیں:
کراچی میں شہریوں کی رہنمائی کیلیے روڈ سیفٹی آفیسر یونٹ قائم کرنے کرنا کا فیصلہ
ٹریفک پولیس کی جانب سے شہریوں کے لیے ’’روڈ سیفٹی آفیسر یونٹ‘‘ کے قیام کا فیصلہ کیا گیا ہے۔
تفصیلات کے مطابق ٹریفک پولیس نے شہریوں کو بہتر سہولیات کی فراہمی، روڈ سیفٹی کے فروغ اور عوام دوست پولیسنگ کے وژن کو مزید مؤثر بنانے کے لیے "روڈ سیفٹی آفیسر یونٹ" قائم کرنے کا فیصلہ کیا ہے۔
روڈ سیفٹی آفیسرز شہر کی اہم اور مصروف شاہراہوں بشمول شاہراہ فیصل ، ماڑی پور روڈ ، کورنگی روڈ اور شاہراہ لیاقت پر تعینات کیے جائیں گے جہاں وہ ٹریفک کی روانی کو بہتر بنانے، شہریوں کو متبادل راستوں اور سفری سہولیات سے متعلق معلومات فراہم کرنے اور بروقت مدد کے فرائض انجام دیں گے۔
ترجمان کے مطابق یونٹ کے قیام سے شہریوں کو محفوظ سفری ماحول میں رہنمائی ملے گی ، یہ یونٹ شہریوں اور ٹریفک پولیس کے درمیان رابطے کو مضبوط بنانے کے ساتھ ساتھ دوران سفر پیش آنے والی مشکلات کے فوری حل اور مؤثر رہنمائی میں اہم کردار ادا کریگا۔
یونٹ کا مقصد ٹریفک قوانین ، روڈ سیفٹی اقدامات اور ذمہ دارانہ طرز ڈرائیونگ کے حوالے سے عوامی شعور اجاگر اور اس میں مزید اضافہ کرنا ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے