مظفرآباد، یورپی جرنلسٹ کی کشمیر پر تصویری کتاب کی تقریب رونمائی
اشاعت کی تاریخ: 1st, February 2026 GMT
علی رضا سید نے بتایا کہ کشمیر کونسل ای یو نے کتاب کی تیاری اور اشاعت میں اہم ذمہ داری انجام دی ہے اور اس کتاب کو یورپ اور پاکستان میں متعارف کرانے میں بھی نمایاں کردار ادا کیا ہے۔ اسلام ٹائمز۔ یورپی فوٹو جرنلسٹ سدرک گربہائے کی کشمیر کے بارے میں تصویری کتاب ”کشمیر، ویٹ اینڈ سی“ کی 2 روزہ تقریب رونمائی آزاد کشمیر کے دارالحکومت مظفرآباد میں منعقد ہوئی۔ وزیراعظم ہائوس میں منعقدہ کتاب کی نمائش کا افتتاح وزیراعظم راجہ فیصل ممتاز راٹھور نے کیا۔ ذرائع کے مطابق کتاب کے مصنف سدرک گربہائے، کشمیرکونسل یورپ کے چیئرمین علی رضا سید جو کتاب کی پاکستان اور آزاد کشمیر میں منعقد ہونے والی تعارفی تقریبات اور نمائش کے منتظم بھی ہیں، اس موقع پر موجود تھے۔ ان کے علاوہ، افتتاحی تقریب میں یورپی وفد میں شامل ہالینڈ سے تعلق رکھنے والی انسانی حقوق کی متحرک کارکن ماریان لوکس، ہنگری سے تعلق رکھنے والے دانشور اندرے بارکس اور آزاد کشمیر کی اہم شخصیات اور سرکاری عہدیداران شریک ہوئے۔ آزاد کشمیر کے وزیراعظم فیصل راٹھور نے اس کتاب کی اشاعت کو سراہا اور کتاب کے مصنف اور کتاب کی اشاعت کے سلسلے میں کشمیرکونسل ای یو کے چیئرمین علی رضا سید اور ان کی ٹیم کے کردار کو قابل ستائش قرار دیا۔
وزیراعظم نے کہا کہ انہیں امید ہے کہ اس کتاب اور اس میں موجود تصاویر سے کشمیریوں پر جاری بھارتی مظالم کا پردہ چاک کرنے، مسئلہ کشمیر کو اجاگر کرنے میں مدد ملے گی۔ سابق وزیراعظم آزاد کشمیر راجہ فاروق حیدر بھی نمائش دیکھنے آئے اور انہوں نے کتاب کے مصنف اور منتظمین بشمول علی رضا سید سے ملاقات کی۔ کتاب کے مصنف سدرک گربہائے، کشمیر کونسل کے چیئرمین علی رضا سید اور دیگر منتظمین اور یورپی وفد نے آزاد کشمیر کے قائم مقام صدر چوہدری لطیف اکبر سے بھی ملاقات کی۔ سدرک گربہائے جن کا تعلق بلجیئم سے ہے، نے یہ کتاب گزشتہ آٹھ سال کے دوران مکمل کی ہے۔جموں و کشمیر میں بھارتی مظالم کا شکار ہونے والے افراد بالخصوص پیلٹ گن سے مجروح ہونے والے مظلوم لوگوں اور بھارتی فوج کی بلااشتعال گولیوں کا نشانہ بننے والے کنٹرول لائن کے قریب رہنے والے آزاد کشمیر کے باسیوں کی تصاویر بھی کتاب کا حصہ ہیں۔
کتاب کی تعارفی تقریبات رواں ہفتے کے آغاز میں وفاقی دارالحکومت اسلام آباد میں بھی ہو چکی ہیں۔کتاب میں کشمیر کے دونوں حصوں بشمول گلگت بلتستان کے لوگوں کی روزمرہ کی زندگی اور ثقافت کی بھی عکاسی کی گئی ہے۔ علی رضا سید نے بتایا کہ کشمیر کونسل ای یو نے کتاب کی تیاری اور اشاعت میں اہم ذمہ داری انجام دی ہے اور اس کتاب کو یورپ اور پاکستان میں متعارف کرانے میں بھی نمایاں کردار ادا کیا ہے۔ کتاب کی نمائش یکم اور دو فروری کو آزاد کشمیر کے شہر میرپور کی یونیورسٹی آف سائنس اینڈ ٹیکنالوجی میں اور پانچ سے دس فروری تک نیشنل کالج آف آرٹس لاہور میں منعقد ہو گی۔
ذریعہ
ذریعہ: Islam Times
کلیدی لفظ: سدرک گربہائے کتاب کے مصنف علی رضا سید کتاب کی اس کتاب
پڑھیں:
جاپان نے شدید گرمی سے بچاؤ کے لیے ‘انسانی ریفریجریٹر’ تیار کرلیا
جاپان نے شدید گرمی میں کام کرنے والے افراد کے لیے ایک منفرد ٹھنڈا کرنے والا کیبن متعارف کرا دیا ہے جسے ‘انسانی ریفریجریٹر’ کہا جا رہا ہے۔
یہ آلہ چند منٹ میں جسم کا درجہ حرارت کم کرنے میں مدد دیتا ہے اور خاص طور پر تعمیراتی شعبے، فیکٹریوں اور کھلے مقامات پر کام کرنے والے افراد کے لیے تیار کیا گیا ہے۔
یہ بھی پڑھیں: موسمیاتی تبدیلی کے نتیجے میں بڑھتی گرمی انسانی دماغ پر کیا اثر ڈال رہی ہے؟
جاپانی کمپنیوں کی تیار کردہ اس مشین کو ‘دو ہائیمون باکس’ کا نام دیا گیا ہے۔ یہ ایک چھوٹے کمرے یا کیبن کی طرح ہے جس میں ایک شخص داخل ہوکر گرمی سے فوری راحت حاصل کرسکتا ہے۔ اس کے اندر درجہ حرارت تقریباً 15 ڈگری سینٹی گریڈ رکھا جاتا ہے جبکہ ٹھنڈی ہوا سر، گردن، کندھوں اور کمر کی جانب پھینکی جاتی ہے۔
کمپنی کے مطابق چند منٹ کے استعمال سے جسم کو ٹھنڈک کا احساس ہونا شروع ہوجاتا ہے، جبکہ تقریباً 10 منٹ تک اس میں رہنے سے شدید گرمی کے اثرات کم کرنے میں مدد مل سکتی ہے۔ یہ نظام پورے کمرے کو ٹھنڈا کرنے کے بجائے صرف انسان کے جسم کو ٹھنڈا کرنے پر توجہ دیتا ہے، جس سے توانائی کی بچت بھی ہوتی ہے۔
یہ بھی پڑھیں: ریفریجریٹر سے پہلے پانی ٹھنڈا کرنے کی سعودی صحرائی ایجاد کیا تھی؟
یہ ایجاد ایسے وقت میں سامنے آئی ہے جب جاپان سمیت دنیا کے کئی ممالک میں شدید گرمی کی لہریں بڑھ رہی ہیں اور بیرونی کام کرنے والے افراد کو گرمی سے متعلق مسائل کا سامنا ہے۔
‘دو ہائیمون باکس’ کو کاروباری اداروں کے لیے فروخت کیا جا رہا ہے اور اسے فیکٹریوں، تعمیراتی مقامات اور دیگر گرم ماحول والی جگہوں پر استعمال کے لیے تیار کیا گیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news انسانی فریج جاپان گرمی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار