جماعت اسلامی کا ’’جینے دو کراچی مارچ‘‘آج شاہراہ فیصل پر عظیم الشان احتجاج
اشاعت کی تاریخ: 1st, February 2026 GMT
data-id="863a0a8" data-element_type="widget" data-widget_type="theme-post-content.default">
کراچی :جماعت اسلامی کراچی نے شہر میں بڑھتے ہوئے مسائل، بدانتظامی اور شہریوں کو درپیش بنیادی سہولتوں کے فقدان کے خلاف آج ہونے والے ’’جینے دو کراچی مارچ‘‘ کی تیاریاں مکمل کر لی ہیں۔ ترجمان جماعت اسلامی کراچی کے مطابق یہ عظیم الشان مارچ آج سہ پہر 3 بجے شاہراہ فیصل پر منعقد ہوگا، جس میں شہریوں کی بڑی تعداد کی شرکت متوقع ہے۔
ترجمان کے مطابق جینے دو کراچی مارچ کی قیادت امیر جماعت اسلامی کراچی منعم ظفر خان کریں گے جبکہ امیر جماعت اسلامی پاکستان حافظ نعیم الرحمن مارچ سے خصوصی خطاب کریں گے۔ جماعت اسلامی کا کہنا ہے کہ اس مارچ کا مقصد کراچی کے شہریوں کو درپیش مسائل، عدم تحفظ، ٹریفک حادثات، بدعنوانی اور ناقص حکمرانی کے خلاف آواز بلند کرنا ہے۔
منعم ظفر خان نے کہا ہے کہ کراچی کے شہری صرف جینے کا حق اور بنیادی سہولتیں مانگ رہے ہیں مگر حکمرانوں کے پاس جھوٹے وعدوں اور اعلانات کے سوا کچھ نہیں، گل پلازہ سانحہ نے پیپلز پارٹی کی کرپشن، بدانتظامی اور نااہلی کو بے نقاب کر دیا ہے، جبکہ افسوسناک امر یہ ہے کہ سانحے کو دو ہفتے گزرنے کے باوجود متاثرین کو انصاف نہیں مل سکا۔
انہوں نے سندھ حکومت اور اس کے ماتحت اداروں کو مکمل طور پر ناکام قرار دیتے ہوئے کہا کہ کراچی میں نہ شہریوں کی جان محفوظ ہے اور نہ ہی مال۔ شہر کے باسی شدید عدم تحفظ کا شکار ہیں اور روزانہ کی بنیاد پر حادثات اور سانحات معمول بنتے جا رہے ہیں، ریڈ لائن منصوبہ انسانی جانوں کے لیے خطرہ بن چکا ہے، جس کے باعث آئے روز ٹریفک حادثات پیش آ رہے ہیں۔
جماعت اسلامی کے امیر نے بتایا کہ صرف جنوری کے مہینے میں کراچی میں 450 ٹریفک حادثات رپورٹ ہوئے، جو شہری انتظامیہ اور ٹریفک مینجمنٹ کی بدترین ناکامی کا واضح ثبوت ہیں۔ انہوں نے مطالبہ کیا کہ قابض میئر کراچی مرتضیٰ وہاب اخلاقی جرات کا مظاہرہ کرتے ہوئے فوری استعفیٰ دیں، بصورت دیگر جماعت اسلامی سٹی کونسل میں ان کے خلاف تحریک عدم اعتماد لانے پر مجبور ہوگی۔
ترجمان جماعت اسلامی کے مطابق تاجر برادری نے بھی جینے دو کراچی مارچ کی مکمل حمایت کا اعلان کیا ہے۔ تاجر رہنماؤں کا کہنا ہے کہ بدامنی، ٹریفک جام، انفراسٹرکچر کی تباہ حالی اور حکومتی نااہلی نے کاروباری سرگرمیوں کو شدید متاثر کیا ہے، جس کے خلاف متحد ہو کر آواز اٹھانا ناگزیر ہو چکا ہے۔
جماعت اسلامی نے کراچی کے عوام سے اپیل کی ہے کہ وہ اپنے بنیادی حقوق کے حصول کے لیے جینے دو کراچی مارچ میں بھرپور شرکت کریں اور پرامن جدوجہد کے ذریعے حکمرانوں کو یہ پیغام دیں کہ کراچی اب مزید نظرانداز نہیں کیا جا سکتا۔
ذریعہ
ذریعہ: Jasarat News
کلیدی لفظ: جینے دو کراچی مارچ جماعت اسلامی کراچی کے کے خلاف
پڑھیں:
گلگت میں ن لیگ کے ترقیاتی کاموں کا کوئی جماعت مقابلہ نہیں کرسکتی، احسن اقبال
فائل فوٹووفاقی وزیر احسن اقبال نے کہا ہے کہ گلگت بلتستان میں ن لیگ کے ترقیاتی کاموں کا کوئی جماعت مقابلہ نہیں کرسکتی ہے۔
گلگت میں جیو نیوز سے گفتگو میں احسن اقبال نے کہا کہ مسلم لیگ ن کا گلگت بلتستان میں ترقیاتی کاموں کا ریکارڈ ہے، جس کا مقابلہ کوئی جماعت نہیں کرسکتی۔
انہوں نے کہا کہ گلگت بلتستان میں تمام جماعتیں اور ان کے لیڈرز انتخابی عمل میں حصہ لے رہے ہیں۔
وفاقی وزیر نے مزید کہا کہ اگر کوئی جماعت یہ کہتی ہے کہ اسے حصہ نہیں لینے دیا جارہا تو وہ اپنی شکست کا بہانہ تلاش کررہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ