لاہور قلندر کو بڑا جھٹکا، اہم غیر ملکی کھلاڑی نے پی ایس ایل 11 کھیلنے سے معذرت کرلی
اشاعت کی تاریخ: 2nd, February 2026 GMT
لاہور قلندرز نے تصدیق کی ہے کہ ٹیم کے طویل عرصے سے وابستہ آل راؤنڈر ڈیوڈ ویزے غیر متوقع حالات اور اہم خاندانی مصروفیات کے باعث پاکستان سپر لیگ (پی ایس ایل) سیزن 11 میں شرکت نہیں کر سکیں گے۔
لاہور قلندرز اور ڈیوڈ ویزے کے درمیان گزشتہ 7 سیزنز سے مضبوط اور دیرپا تعلق رہا ہے۔ ویزے نے مستقبل میں پی ایس ایل کے آئندہ ایڈیشنز میں واپسی کے عزم کا بھی اظہار کیا ہے۔
یہ بھی پڑھیے: سابق آسٹریلوی کپتان ٹم پین پی ایس ایل فرنچائز سیالکوٹ اسٹالینز کے ہیڈ کوچ مقرر
فرنچائز کے مطابق ڈیوڈ ویزے نے لاہور قلندرز کے سفر اور کامیابی میں میدان کے اندر اور باہر کلیدی کردار ادا کیا۔ وہ بیٹنگ اور بولنگ دونوں شعبوں میں مسلسل کارکردگی دکھاتے رہے، جبکہ ٹیم کی قیادت کے گروپ کے ایک اہم رکن کے طور پر نوجوان کھلاڑیوں کی رہنمائی بھی کرتے رہے۔
لاہور قلندرز نے ڈیوڈ ویزے کے اس فیصلے کا مکمل احترام کرتے ہوئے کہا ہے کہ وہ اس سیزن میں اپنے خاندان کو ترجیح دینے کے حق میں ہیں۔ فرنچائز نے گزشتہ 7 برسوں کے دوران ٹیم کے لیے ان کی خدمات کو سراہا ہے اور مستقبل میں ان کی واپسی کی امید ظاہر کی ہے۔
لاہور قلندرز کے اونر سمین رانا نے کہا کہ ڈیوڈ ویزے کئی سالوں سے لاہور قلندرز فیملی اور ہماری قیادت کا لازمی حصہ رہے ہیں۔ ان کی خدمات محض میدان تک محدود نہیں رہیں۔ ہم اس وقت ان کے خاندانی فیصلے کا مکمل احترام کرتے ہیں اور آئندہ سیزنز میں ان کا دوبارہ خیرمقدم کرنے کے منتظر ہیں۔
ڈیوڈ ویزے نے اپنے جذبات کا اظہار کرتے ہوئے کہا کہ لاہور قلندرز کا حصہ بننا میرے لیے صرف کرکٹ نہیں بلکہ ایک خاندان کا حصہ بننے جیسا ہے۔ ٹیم کے اندر بھائی چارہ، مثبت ماحول اور ہر روز کی محنت اس فرنچائز کو واقعی خاص بناتی ہے۔ ٹیم اور شائقین کی جانب سے مجھے ’مرشد‘ کہا جانا میرے لیے ہمیشہ قابلِ فخر رہے گا۔
انہوں نے کہا کہ لاہور قلندرز سے وابستہ ہر فرد کی جانب سے ملنے والی محبت اور احترام میرے لیے نہایت قیمتی ہے۔ مجھے فخر ہے کہ میں ایک ایسی ٹیم کا حصہ رہا ہوں جو ٹیم ورک، ترقی اور کھیل کے جذبے کو اہمیت دیتی ہے، اور میں آنے والے سیزنز میں دوبارہ ٹیم کے سفر میں شامل ہونے کا منتظر ہوں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
PSL پی ایس ایل کرکٹ.
ذریعہ
ذریعہ: WE News
کلیدی لفظ: پی ایس ایل کرکٹ لاہور قلندرز پی ایس ایل ڈیوڈ ویزے ٹیم کے
پڑھیں:
ایرانی وزیر داخلہ سکندر مومنی کی لاہور آمد: وفاقی وزیر داخلہ اور گورنرپنجاب کے ہمراہ مزار اقبال اور دربار بی بی پاکدامن حاضری
سٹی 42: ایرانی وزیر داخلہ سکندر مومنی لاہور پہنچ گئے ۔ وفاقی وزیر داخلہ محسن نقوی نے ایرانی ہم منصب کا استقبال کیا۔
گورنرپنجاب سردار سلیم حیدر خان ودیگرایئرپورٹ پر موجود تھے۔ایرانی وزیر داخلہ نے مزاراقبال اور دربار بی بی پاکدامن پر حاضری دی ۔
وزیر داخلہ محسن نقوی اور گورنر پنجاب سلیم حیدر خان بھی ہمراہ تھے۔
ایرانی وزیر داخلہ نے مزار اقبال پر پھول رکھے ،امن و استحکام کیلئے دعا کی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی