بسنت کے موقع پر لاہور کے 13 اسپتالوں کو ہائی الرٹ جاری
اشاعت کی تاریخ: 2nd, February 2026 GMT
لاہور میں بسنت کی تیاریوں کے پیشِ نظر محکمہ صحت پنجاب نے شہر کے 13 سرکاری اسپتالوں کو ہائی الرٹ کر دیا ہے۔محکمہ صحت کے مطابق اسپتال 6 سے 8 فروری تک ہائی الرٹ رہیں گے تاکہ کسی بھی ہنگامی صورتحال سے مؤثر طور پر نمٹا جا سکے۔ محکمہ صحت نے ہدایت کی ہے کہ تمام اسپتالوں میں میڈیکل، نرسنگ اور پیرامیڈیکل اسٹاف کی مکمل حاضری یقینی بنائی جائے، جبکہ ادویات، ڈرپس، ویکسین اور سرجیکل سامان کی دستیابی بھی مکمل رکھی جائے۔ اس کے علاوہ بلڈ بیگز کی دستیابی اور خون عطیہ کرنے والے افراد کی فہرستیں تیار کرنے کا بھی حکم دیا گیا ہے۔ بسنت کے دوران ممکنہ زخمیوں کے لیے اسپتالوں میں خصوصی بیڈز مختص کیے جائیں گے، جبکہ ایکسرے، الٹراساونڈ، سی ٹی اسکین اور ایم آر آئی مشینوں کو ہمہ وقت فنکشنل رکھنے کی ہدایت کی گئی ہے۔ مراسلے میں مزید کہا گیا ہے کہ تمام اسپتالوں میں موبائل اور ٹیلی فون کنکشنز فعال ہوں، جبکہ اسپتال انتظامیہ کو مکمل پلان تیار کر کے فوری طور پر محکمہ صحت پنجاب کو جمع کروانے کی ہدایت بھی جاری کی گئی ہے۔
.
ذریعہ
ذریعہ: Nawaiwaqt
پڑھیں:
پنجاب میں انسداد ڈینگی کارروائیوں کیلئے افسران کو فوری متحرک ہونے کی ہدایت
کابینہ کمیٹی برائے متعدی امراض، ڈینگی و ڈیزاسٹر منیجمنٹ کا اجلاس لاہور میں ہوا، پنجاب کے وزرائے صحت سلمان رفیق اور خواجہ عمران نذیر نے اجلاس کی صدارت مشترکہ طور پر صدارت کی۔
اس موقع پر پنجاب کے وزرائے صحت نے کہا کہ ڈینگی کے افزائش والے اضلاع پر خصوصی توجہ دی جا رہی ہے، صوبے بھر میں ڈینگی کی تازہ صورتحال پر قابو پانے کیلیے اقدامات کا جائزہ لیا گیا۔
صوبائی وزیر خواجہ عمران نذیر نے متعلقہ افسران کو فوری متحرک ہونے کی ہدایت کی۔ انھوں نے کہا ہمیشہ دیکھا گیا ہے کہ جون جولائی میں انسداد ڈینگی کارروائیوں کے مثبت نتائج سامنے آتے ہیں۔
خواجہ عمران نذیر نے کہا ڈینگی وائرس پر قابو پانے کے اقدامات کسی ایک محکمہ کی ذمہ داری نہیں، اقدامات کی ذمہ داری تمام اسٹیک ہولڈرز کی ہے۔
خواجہ عمران نے سی ای او ہیلتھ کو ضلعی انتظامیہ کیساتھ مسلسل رابطے میں رہنے کی ہدایت کی۔
انھوں نے کہا کہ ایچ آر منیجمنٹ، والنٹیر ماڈل کو اپناتے ہوئے ڈینگی کا خاتمہ ممکن ہے، یونیورسٹی اور کالجز کے طلبہ کو انسداد ڈینگی کی کارروائیوں میں شامل کرنے کا فیصلہ بھی کیا گیا۔
خواجہ سلمان رفیق نے کہا ڈینگی کی بوگس سرویلنس ناقابل برداشت ہے، عوام اپنےگھروں، دکانوں اور دیگر مقامات پر صفائی کویقینی بنائیں
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ