کراچی میں ریلی نکالنے پر امیر جماعت اسلامی منعم ظفر سمیت دیگر کے خلاف مقدمہ درج
اشاعت کی تاریخ: 2nd, February 2026 GMT
جماعت اسلامی کراچی کے امیر منعم ظفر اور دیگر کے خلاف احتجاجی ریلی اور جلسہ کرنے پر مقدمہ درج کر لیا گیا ہے۔
مزید پڑھیں: شادی سے وقت مل گیا ہو تو وزیراعظم کراچی پر بھی کچھ توجہ دیں، امیر جماعت اسلامی کراچی منعم ظفر
ایس ایچ او ٹیپو سلطان تھانہ اظہر خان کی مدعیت میں درج ہونے والی ایف آئی آر کے مطابق واقعہ شاہراہ فیصل پر پیش آیا جہاں سیاسی جماعت کے کارکنان احتجاج کر رہے تھے۔ مظاہرین میں قریباً 800 سے ایک ہزار مرد و خواتین شامل تھے۔
ایف آئی آر میں درج ہے کہ ریلی کی قیادت جماعت اسلامی کراچی کے امیر منعم ظفر کر رہے تھے، جبکہ ان کے ہمراہ منظر عالم، راشد اور دیگر کارکن بھی موجود تھے۔
’ریلی کے باعث شاہراہ فیصل پر ایمبولینس اور دیگر گاڑیاں رک گئی تھیں جس سے شہریوں کو شدید مشکلات کا سامنا کرنا پڑا۔‘
مزید پڑھیں: سانحہ گل پلازہ: جماعت اسلامی نے وزیراعلیٰ سندھ سے استعفے کا مطالبہ کردیا، ملین مارچ کا اعلان
اطلاعات کے مطابق کچھ افراد تیز دھار آلات کے ساتھ سڑک پر ٹینٹ بھی لگا رہے تھے، جبکہ مظاہرین نعرے بازی بھی کر رہے تھے۔ پولیس نے مقدمہ درج کر کے تحقیقات شروع کردی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews جماعت اسلامی کراچی ریلی مقدمہ درج وی نیوز.
ذریعہ
ذریعہ: WE News
کلیدی لفظ: جماعت اسلامی کراچی ریلی وی نیوز جماعت اسلامی کراچی رہے تھے
پڑھیں:
شہباز شریف سمیت حکومتی شخصیات کو 21 تحائف ملے، توشہ خانہ کا ریکارڈ جاری
فوٹو: فائلوزیراعظم اور نائب وزیراعظم سمیت مختلف اعلیٰ حکومتی شخصیات کو 21 قیمتی تحائف ملے، کابینہ ڈویژن نے اپریل تا جون توشہ خانہ کا ریکارڈ جاری کردیا۔
کابینہ ڈویژن کے مطابق وزیراعظم اور نائب وزیراعظم توشہ خانہ تحائف وصول کرنے والوں میں شامل ہیں۔ وزیراعظم شہباز شریف کو ایک شوگر باؤل، قیمتی قلم، مسجد نبویﷺ کا ماڈل، شیلڈ اور ٹائی بطور تحفہ ملی۔
دستاویز کے مطابق وزیراعظم کو چینی خلائی اسٹیشن کا ماڈل، ایک کپ، گھڑی اور شیلڈ بھی بطور تحفہ ملی۔
دستاویز کے مطابق نائب وزیراعظم کو چمڑے سے بنا چینی بیلٹ، مصری اسٹیچو کا ماڈل اور کف لنکس بطور تحفہ ملے۔
دونوں اعلیٰ ترین حکومتی شخصیات نے حاصل ہونے والے تحائف توشہ خانہ میں جمع کرا دیے۔ کابینہ ڈویژن کے مطابق وزیراعظم اور نائب وزیراعظم کو ملنے والے تحائف کی قیمتوں کا تخمینہ لگایا جا رہا ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی