ترکیہ‘ بس حادثے کی ہلاکتوں میں مزید اضافہ
اشاعت کی تاریخ: 2nd, February 2026 GMT
data-id="863a0a8" data-element_type="widget" data-widget_type="theme-post-content.default">
انقرہ : ترکیہ میں بس کے خطر ناک حادثے میں ہلاک ہونے والوں کی تعداد میں مزید اضافہ ہونے کی اطلاعات ہیں۔
عالمی میڈیا کی رپورٹ کے مطابق بس کے جان لیوا حادثے میں ابتدائی طور پر 9 افراد جاں بحق، جس میں 26 افراد کے زخمی ہونے کی اطلاعات بھی تھیں۔ مذکورہ حادثے سے متعلق حکام کا کہنا ہے کہ زخمیوں کی تعداد میں مزید کچھ افراد بھی جان سے ہاتھ دھو بیٹھے ہیں، تاہم مزید ہلاکتوں کی حتمی اطلاعات ابھی آنا باقی ہے۔ واضح رہے کہ بس دھند اور بارش کے باعث بے قابو ہو کر کھائی میں جاگری تھی۔ رپورٹ کے مطابق ریسکیو ٹیموں نے لاشوں اور زخمیوں کو اسپتال منتقل کر دیا۔یہ بات بھی علم میں رہے کہ مسافر بس تیکر داغ سے اناطولیہ جا رہی تھی۔
ذریعہ
ذریعہ: Jasarat News
پڑھیں:
ملک بھر میں گدھوں، گھوڑوں، خچروں کی تعداد میں اضافہ
قومی اقتصادی سروے 26-2025 میں رپورٹ کیا گیا ہے کہ رواں مالی سال ملک بھر میں گدھوں، گھوڑوں، خچروں سمیت دیگر جانوروں کی تعداد میں اضافہ ہوا ہے اور مالی سال 26-2025 میں لائیو اسٹاک شعبے کی شرح نمو 3.8 فیصد رہی۔
قومی اقتصادی سروے کے مطابق ملک میں گدھوں کی تعداد 61 لاکھ 60 ہزار تک پہنچ گئی جو سالانہ 1.9 فیصد اضافہ ہوا اور خچروں کی تعداد 1.8 فیصد اضافے کے بعد دو لاکھ 21 ہزار ہوگئی ہے۔
سروے میں بتایا گیا کہ گھوڑوں کی تعداد میں 0.8 فیصد اضافہ ہوا اور مجموعی تعداد 3 لاکھ 86 ہزار تک پہنچ گئی ہے، ملک میں رواں مالی سال کے دوران بھینسوں کی تعداد 4 کروڑ 91 لاکھ سے تجاوز کرگئی اور سالانہ 3 فیصد اضافہ ریکارڈ کیا گیا۔
اسی طرح گائے کی تعداد 6 کروڑ 19 لاکھ 60 ہزار تک پہنچ گئی ہے جو 3.8 فیصد اضافہ ہے، بکریوں کی تعداد 9 کروڑ 18 لاکھ سے بڑھ گئی اور سالانہ 2.7 فیصد اضافہ دیکھا گیا۔
قومی اقتصادی سروے میں مزید بتایا گیا کہ ملک میں بھیڑوں کی تعداد 1.2 فیصد بڑھ کر 3 کروڑ 35 لاکھ سے زائد ہوگئی ہے، اونٹوں کی تعداد میں 1.4 فیصد اضافہ ہوا اور مجموعی تعداد 11 لاکھ 93 ہزار ہوگئی ہے۔
رپورٹ میں بتایا گیا کہ رواں مالی سال ماہی گیری کے شعبے میں 1.7 فیصد نمو ریکارڈ کی گئی ہے۔
وزارت آئی ٹی نے 1.67 ارب روپے سے زاید کے فنڈز طلب کرلیے