ضلع بارکھان، پاک فوج سےاظہار یکجہتی کیلئے بڑی عوامی ریلی
اشاعت کی تاریخ: 3rd, February 2026 GMT
کوئٹہ:(نیوزڈیسک)پاک فوج زندہ باد ۔ بلوچستان کے ضلع بارکھان میں پاک فوج سے یکجہتی کے اظہارکیلئے بڑی عوامی ریلی نکالی گئی ۔ صوبائی وزیر سردار عبدل رحمان کیتھران کی قیادت میں بارکھان بھر سے لوگ قومی پرچم اٹھائے بہت بڑی تعداد میں ریلی میں شریک ہوئے ۔
صوبائی وزیر کا ریلی سے کہنا تھا کہ مٹھی بھر دہشت گرد کبھی اپنے مذموم عزائم میں کامیاب نہیں ہونگے ۔ پاک افواج بلوچستان اور پورے ملک کا فخر ہیں ۔ قوم اپنے بہادر جوانوں کے شانہ بشانہ ہے ۔ دہشت گردی کے ناسور کو جڑ سے ختم کرنا ہمارا عزم ہے ۔
پاک فوج زندہ باد ریلی میں بارکھان ، رکھنی ، راڑا شم اور دیگر علاقوں سے بھی بہت بڑی تعداد میں لوگ شریک ہوئے اور دفاع وطن کیلئے بڑی سے بڑی قربانی سے دریغ نہ کرنے کے عزم کا اظہار کیا ۔
.
ذریعہ
ذریعہ: Daily Mumtaz
پڑھیں:
عاطف اسلم کا نیا البم ’صبح آئے نہ‘ کب ریلیز ہو گا؟ گلوکار نے بڑی اپڈیٹ دے دی
پاکستان کے عالمی شہرت یافتہ گلوکار عاطف اسلم نے اپنے نئے میوزک البم ’صبح آئے نہ‘ کا باضابطہ اعلان کر دیا ہے۔
گلوکار عاطف اسلم کے مطابق آٹھ گانوں پر مشتمل اس البم میں ’صبح آئے نہ‘، ’سفر میں ہوں‘، ’عشق‘، ’لیٹس ہیو سو فن‘، ’سن سجنا‘، ’ہوں عشق میں‘، ’چار یار‘ اور ’سچے وعدے‘ شامل ہیں اور اس البم کو 31 جولائی کو دنیا بھر کے مختلف میوزک اسٹریمنگ پلیٹ فارمز پر ریلیز کیا جائے گا۔
اپنے نئے البم کے حوالے سے عاطف اسلم کا کہنا تھا کہ ’صبح آئے نہ‘ ان کے ذاتی سفر کی عکاسی کرتا ہے، جس میں انہوں نے اندرونی کشمکش سے نکل کر اپنی اصل شخصیت کو دریافت کیا۔
انہوں نے کہا، ’’یہ البم میری اس جدوجہد کی نمائندگی کرتا ہے جس میں میں نے اندرونی انتشار سے نکل کر اپنے حقیقی وجود کو پایا۔ میں بے حد پرجوش ہوں کہ آخرکار اسے اپنے مداحوں کے ساتھ شیئر کر رہا ہوں۔‘‘
View this post on Instagram View this post on Instagram
عاطف اسلم کے گانوں کو 8 ارب بار سنا جا چکا ہے:
دو دہائیوں سے زائد عرصے پر محیط اپنے شاندار موسیقی کے سفر کے دوران عاطف اسلم جنوبی ایشیا کے مقبول ترین گلوکاروں میں شمار ہوتے ہیں۔
تازہ اسپاٹیفائی اعداد و شمار کے مطابق، ان کے گانوں کو اب تک تقریباً 8 ارب بار سنا جا چکا ہے، جبکہ ہر ماہ 3 کروڑ سے زائد افراد 184 ممالک میں ان کی موسیقی سنتے ہیں۔
اعداد و شمار کے مطابق گزشتہ ایک سال کے دوران عاطف اسلم کی 96 فیصد اسٹریمنگز پاکستان سے باہر ہوئیں، جو مشرقِ وسطیٰ، شمالی امریکا، یورپ اور ایشیا پیسیفک سمیت مختلف خطوں میں ان کی مقبولیت کا ثبوت ہے۔
رپورٹ کے مطابق، عاطف اسلم کی موسیقی نوجوان نسل میں بھی بے حد مقبول ہے، جہاں جنریشن زیڈ ان کے 85 فیصد سامعین پر مشتمل ہے۔ گزشتہ ایک سال میں 4 کروڑ 10 لاکھ سے زائد نئے اور پرانے سامعین نے ان کے گانے سنے، جبکہ ان کے گانوں کو دنیا بھر میں 3 کروڑ 75 لاکھ سے زائد ذاتی پلے لسٹس میں شامل کیا گیا۔
بھارت سے جنگ اور افغانستان میں کارروائی خارج ازامکان نہیں، وزیردفاع