عمران خان کو ترک صدر کی جانب سے ترکیہ آنے کی آفر کی خبریں، حکومت نے تردید کر دی
اشاعت کی تاریخ: 3rd, February 2026 GMT
سینیئر سیاستدان مشاہد حسین سید کی جانب سے آنے والی خبروں کے مطابق ترک صدر طیب اردوان نے عمران خان کو ترکیہ آنے کی دعوت دی، تاہم وفاقی حکومت نے اس کی تردید کرتے ہوئے واضح کیا کہ ایسا کوئی معاملہ موجود نہیں ہے اور عمران خان خود بھی پاکستان سے باہر جانے کے لیے تیار نہیں۔
سینیئر سیاستدان اور سابق سینیٹر مشاہد حسین سید نے کہا ہے کہ ترک صدر طیب اردوان نے عمران خان کو ترکیہ آنے کی آفر دی ہے۔ انہوں نے مزید کہا کہ بڑے مسائل حل کرنے کے لیے یہ مسئلہ حل ہونا ضروری ہے، دہشتگردی اور معیشت کی بحالی وقت کی اہم ضرورت ہے جس کے لیے سیاسی تصفیہ ضروری ہے۔
مشاہد حسین سید کے مطابق سیاست میں کوئی چیز ناممکن نہیں، نومبر 2024 میں عمران خان کی رہائی کا فیصلہ بھی ہوا تھا لیکن ان کے نادان دوستوں نے موقع پر سبوتاژ کر دیا۔
وفاقی حکومت کی تردید
وفاقی وزیر اطلاعات عطا اللہ تارڑ نے وی نیوز کو بتایا کہ ان کے علم میں ایسی کوئی بات نہیں ہے کہ عمران خان کو ترکیہ آنے کی آفر دی گئی۔ انہوں نے کہا کہ وہ 2 سے 3 مرتبہ وزیراعظم کے ہمراہ ترکیہ کے دورے پر گئے ہیں اور وہاں ان کی ترک صدر طیب اردوان سے ملاقات بھی ہوئی، لیکن کبھی طیب اردوان نے یا کسی اور حکومتی نمائندے نے عمران خان کو ترکیہ آنے کی دعوت نہیں دی۔
عطا اللہ تارڑ نے مزید کہا کہ مشاہد حسین سید ہی بہتر بتا سکتے ہیں کہ طیب اردوان نے کب اور کس طرح عمران خان کو ترکیہ آنے کی دعوت دی۔
سینیئر سیاستدانوں کا ردعمل
سینیئر سیاستدان شیر افضل مروت نے کہا کہ اگر طیب اردوان نے عمران خان کو ترکیہ آنے کی دعوت دینی تھی تو بہتر ہوتا کہ وہ حکومت کو دعوت دیتے۔ انہوں نے مزید کہا کہ عمران خان اگر خود یہ دعوت قبول بھی کر لیں تو وہ بیرون ملک نہیں جا سکتے، تاہم یہ اچھی بات ہے کہ ایک اسلامی ملک اس معاملے میں دلچسپی لے رہا ہے کہ عمران خان کو جیل سے باہر آنا چاہیے۔
پی ٹی آئی رہنما کا مؤقف
پاکستان تحریک انصاف کی رہنما شاندانہ گلزار نے وی نیوز سے گفتگو کرتے ہوئے کہا کہ عمران خان کو ترک صدر کے علاوہ امریکا اور برطانیہ سے بھی دعوت آ چکی ہے، لیکن عمران خان نے فوری طور پر یہ آفر رد کر دی ہے۔ انہوں نے واضح کیا کہ عمران خان پاکستان کو کبھی چھوڑ کر بیرون ملک نہیں جائیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ترکیہ رجب طیب اردووان شاندانہ گلزار شیرافضل مروت عطا تارڑ عمران خان مشاہد حسین.
ذریعہ
ذریعہ: WE News
کلیدی لفظ: ترکیہ رجب طیب اردووان شاندانہ گلزار شیرافضل مروت عطا تارڑ مشاہد حسین عمران خان کو ترکیہ آنے کی دعوت نے عمران خان کو ترکیہ آنے کی مشاہد حسین سید طیب اردوان نے کہ عمران خان انہوں نے دعوت دی کے لیے کہا کہ
پڑھیں:
دریائے چناب میں ہیڈ مرالہ اور خانکی کے بعد ہیڈ قادرآباد پر بھی اونچے درجے کا سیلا ب آ گیا
لاہور: دریائے چناب میں ہیڈ مرالہ اور خانکی کے بعد ہیڈ قادرآباد پر بھی اونچے درجے کا سیلاب آ گیا ۔ فلڈ فور کاسٹنگ ڈویژن لاہور کے مطابق ہیڈ قادر آباد پر پانی کی آمد 2 لاکھ 36 ہزار کیو سک تک پہنچ گئی ہے۔دریائے راوی میں ہیڈ بلوکی پر درمیانےدرجے کا سیلاب ہے ۔پانی کا بہاؤ بڑھ کر 73 ہزار 635 کیو سک تک پہنچ گیا ۔اس کے علاوہ دریائے کابل میں نوشہرہ میں بدستور نچلے درجے کا سیلاب برقرار ہے جبکہ دریائے سندھ میں کالا باغ اور چشمہ بیراج پر نچلے درجے کے سیلاب ہیں۔بلوچستان میں سبی ڈویژن کے دریائے لہڑی میں ہیڈگوگی کے مقام پر اونچے درجے کا سیلاب ہے اور پانی کا بہاؤ 95 ہزار 913 کیو سک ریکارڈ کیا گیا ہے۔دوسر ی جانب سیالکوٹ میں دریائے چناب میں پھنسے تمام 5 افراد کو ریسکیوکرلیا گیا ہے۔ ریسکیو حکام کے مطابق پانچوں افراد کام کے لیے گئے تھے واپسی پر کشتی خراب ہوگئی تھیواضح رہے کہ مقبوضہ کشمیر میں تیز بارشوں کے بعد بھارت نے پانی کا بڑا ریلہ پاکستان کی جانب چھوڑ دیا ہے۔بھارت کی جانب سے پانی چھوڑے جانے کے بعد پاکستان میں بڑے سیلاب کا خدشہ ہے اور اس حوالے سے سیالکوٹ اور وزیرآباد کے علاقوں میں سیلابی صورتحال پر ہائی الرٹ جاری کیا گیا ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع