کابینہ نجکاری کمیٹی اجلاس، اسلام آباد ایئرپورٹ کی آؤٹ سورسنگ کی منظوری
اشاعت کی تاریخ: 3rd, February 2026 GMT
اسلام آباد(نیوزڈیسک)نائب وزیر اعظم کی زیر صدارت کابینہ کمیٹی برائے نجکاری کا اجلاس۔ایچ بی ایف سی کی نجکاری کے دوسرے مرحلے اور اسلام آباد ایئرپورٹ کی آؤٹ سورسنگ کی منظوری دے دی گئی۔
نائب وزیراعظم اسحاق ڈار کی زیر صدارت کابینہ کمیٹی برائے نجکاری کا اجلاس میں سرکاری اداروں کی نجکاری کے عمل کا جائزہ لیا گیا۔ اجلاس میں ہاؤس بلڈنگ فنانس کارپوریشن کی نجکاری کے لیے دوسرے مرحلے کی منظوری دی گئی، جبکہ اسلام آباد ایئرپورٹ کو نجکاری کمیشن کے ذریعے آؤٹ سورس کرنے کی سفارش بھی کی گئی۔
اس موقع پر اسحاق ڈار نے نجکاری کے عمل میں شفافیت اور منصفانہ مارکیٹ ویلیو کو یقینی بنانے پر خصوصی زور دیا اور ہدایت کی کہ نجکاری میں اثاثوں کے ساتھ مستقبل کے کاروباری امکانات کو بھی مدنظر رکھا جائے۔
نائب وزیراعظم کا کہنا تھا کہ نجکاری سے نجی شعبے کی سرمایہ کاری میں اضافہ ہوگا اور اداروں کی کارکردگی بہتر ہونے کی توقع ہے۔ انہوں نے نجکاری کے ذریعے اداروں کو مارکیٹ تقاضوں سے ہم آہنگ کرنے کے عزم کا اعادہ کیا۔ اجلاس میں وزیر خزانہ محمد اورنگزیب، وزیر توانائی اویس لغاری سمیت اعلیٰ حکام نے شرکت کی۔
.
ذریعہ
ذریعہ: Daily Mumtaz
کلیدی لفظ: اسلام ا باد نجکاری کے
پڑھیں:
پی اے سی کی تمام ڈسکوز کے ملازمین کی تصدیق کی سفارش
فوٹو: فائلپبلک اکاؤنٹس کمیٹی (پی اے سی) نے تمام ڈسکوز کے ملازمین کی تصدیق کی سفارش کردی اور ہدایت کی ہے کہ تمام ڈسکوز ملازمین کو تنخواہوں کی ڈیجیٹل ادائیگی یقینی بنائیں۔
پی اے سی اجلاس کے دوران سیکریٹری پاور ڈویژن کا کہنا تھا کہ حکومت بجلی بنانے اور تقسیم کے کاروبار سے نکل رہی ہے۔ تین ڈسکوز کی نجکاری کیلئے معاملات حتمی مراحل میں ہیں۔
انہوں نے کہا کہ حیسکو اور سیپکو کی نجکاری کیلئے فنانشل ایڈوائزر مقرر کر رہے ہیں۔ حکومت صرف ٹیسکو اور کیسکو کو اپنے پاس رکھے گی۔ کابینہ کا فیصلہ ہے کہ ٹیسکو اور کیسکو کی نجکاری نہیں کی جائے گی۔
سیکریٹری پاور ڈویژن نے بتایا کہ 2027 کے آغاز میں تین ڈسکوز کی نجکاری مکمل ہوجائے گی۔ گیپکو، فیسکو اور آئیسکو کی نجکاری 2027 کے آغاز میں ہوجائے گی، تمام ڈسکوز کی نجکاری تیزی سے ہوگی۔
بھارت سے جنگ اور افغانستان میں کارروائی خارج ازامکان نہیں، وزیردفاع